Sot skadon afati i Prokurorisë së Tiranës për të dërguar dosjen e Lulzim Bashës në gjykatë. Pak ditë më parë prokurorët e dosjes i kanë dërguar një relacion drejtueses së Prokurorisë së Tiranës, Elisabeta Imeraj, për mbylljen e hetimeve. Afati përfundimtar është ora 16:00 e ditës së sotme. Me ligjin e ri, kompetent është prokurori i çështjes. Me pas gjyqtari paraprak vendos për dërgimin e dosjes në gjyq apo për rikthim prokurorisë. Kreun i opozitës Lulzim Basha, ish sekretari i përgjithshëm Arben Ristani dhe financieri i Partisë Ilir Dervishi akuzohen për falsifikim të vulave dhe stampave, ndërsa është pushur hetimi për pastrim të produkteve të veprës penale. Objekti i akuzës, sipas prokurorisë bën fjalë për transferimin e pagesës prej 650 mijë dollarë nga Partia Demokratike me qëllim lobimin në SHBA. Sa rrezikon Basha? Referuar nenit 190 të kodit penal në veprën penale të parashikuar në paragrafin e tretë mbi bazën e të cilit akuzohen tre të pandehurit, kjo vepër penale dënohet me burgim nga gjashtë muaj deri në pesë vjet. Hetimi për këtë çështje ka nisur dy vite më parë ndërsa gjatë fazës së mbledhjes së provave Lulzim Basha, Arben Ristani dhe ish-financieri i PD janë paraqitur dy herë në prokurori për të dhënë shpjegime. Ata kanë hedhur poshtë akuzat duke pretenduar se hetimi është i motivuar politikisht. Ndërkohë mësohet se rënia e akuzës për pastrimin e parave ka lidhje me një marrëveshje që është bërë mes prokurorisë shqiptare dhe kanadezit Nick Muzin do të paguhej me 675 mijë € për angazhimin e tij në favor të PD-së.

0
15

Katër persona kanë rënë në prangat e policisë pasi u kapën duke transportuar disa shtetas të huaj në rrugën Trestenik-Vishoticë.

Ata po i transportonin klandestinët me mjetet tip “Volkswagen Touareg” dhe “Mercedes-Benz” dhe iu kishin premtuar kalimin drejt vendeve të BE-së, kundrejt fitimit prej 200 euro secilit.

Të arrestuarit janë:

•  O.Z., 30 vjeç, banues në Tiranë.

•  F.S., 39 vjeç, banues në Tiranë.

•  I.T., 47 vjeç, banues në Korçë (i dënuar më parë për vepra penale në fushën e krimeve kundër personit dhe organizimit të lotarive të palejuara).

•  E.R., 49 vjeç, banues në Korçë.

Operacioni “Vishotica” u realizua nga Policia Kufitare në bashkëpunim me forcat e misionit Frontex dhe Drejtorinë Vendore të Policisë Korçë

Ndërkohë uniformat blu po punojnë për të vendosur përpara përgjegjësisë ligjore edhe persona të tjerë, të dyshuar si të implikuar në këtë ngjarje.

Materialet i kaluan Prokurorisë pranë Gjykatës së Shkallës së Parë Korçë për veprën penale “Ndihma për kalim të paligjshëm të kufijve, kryer në bashkëpunim”.

/Foto arkive