Tre deputetë të tjerë të PD-së, i shtohen numrit të deputëve të opozitës në Kuvendin e Shqipërisë, që kanë pranuar, ndryshe nga partitë që i kandiduan në lista, të mos e djegin mandatin e tyre. Komisioni Qendror i Zgjedhjeve, në mbledhjen e sotme iu ka dhënë mandatin e deputetit tre kandidatëve të tjerë të opozitës, kresisht nga lista e Partisë Demokratike Bëhet fjalë për Koçi Tahirin, Kujtim Gjuzin dhe Indrit Hoxhën. Kështu tre të mandatuarit e rinj, pritet të bëjnë betimin në seancën parlamentare të së enjtes. Kujtojmë se Kujtim Gjuzi është pjesë e listës së Durrësit, Indrit Hoxha për qarkun e Tiranës dhe Koçi Tahiri për qarkun e Korçës. Tre deputetët e rinj pritet të bëjnë betimin në seancën e radhës plenare në Kuvendin e Shqipërisë

0
44

Burrit malësor i dridhen buzët teksa flet, vajza e tij e vetme, me të cilin kishte biseduar në telefon mëngjesin e djeshëm, nuk jeton më.

Muharrem Hasanaj, babai i nëntetares së vrarë në krye të detyrës si pasojë e shpërthimit të një mine në Letoni, ku ndodhej me mision mezi i nxjerr fjalët në një rrëfim për News 24. Ai thotë se nuk do që fatin e së bijës ta kenë të tjerë.

“Fatin e vajzës sime mos ta ketë kush. Specialiteti i saj ishte të pastronte vendin nga minat, por i ndodhi ajo që nuk duhet të ndodhte”, rrëfen babai i Zarife Hasanaj.

“Takimin e fundit me të e kam pasur në 22 dhjetor kur e përcolla në Rinas për në Letoni. Pas asaj dite flisnim vetëm në telefon. Na merrte çdo dite dhe na pyeste a jemi mirë. Edhe dje në mëngjes folëm. Me tha se ishte mirë dhe se do të shkonte në punë. Pastaj mora lajmin e asaj që ndodhi”, thotë ndër të tjera babai.

I ati shprehet se nuk ka qenë dakord me zgjedhjen e së bijës për të hyrë në ushtri, por se e ka pasur të pamundur t’ia priste ëndrrën në mes.

“Vajza punonte prej më shumë se 10 vjetësh në ushtri. Ishte dëshira e saj. I pëlqente uniforma. Ma ka shprehur këtë dëshirë para 10 vjetësh kur dorëzoi dokumentet për tu pranuar në ushtri. Unë si plak dhe malësor nuk isha dakord me këtë zgjedhje por përsëri e pranova, sepse të rinjve nuk ua pengon dot dëshirat”,- rrëfen më tej ai.

Muharremi shton se në këto ditë të vështira përveç mbështetjes së familjarëve dhe miqve, i është gjendur pranë edhe ushtria.