Vritet në Hollandë vlonjati që e kishte shpallur veten president i Çamërise

0
58

Një ngjarje e rëndë duket se është bërë publike ditën e sotme.

Sipas burimeve Presidenti i Republikës së Çamërisë, Festim Lato i është bërë një atentat në Holandë.

Fillimisht lajmi është bërë i ditur nga Kryeministri i Çamërisë Ali Aliu, e ndërkaq për FaxNews familjarët e viktimës e kanë konfirmuar lajmin.

Për atentatin e Festim Latos, dje familjen Lato në Vlorë e njoftoi Policia Holandeze, ndërkohë që pretendohet që vrasja të jetë bërë për motive politike.

Festim Lato është themelues i Republikës së Çamërisë dhe i vetëshpallur President i saj.

Postime të shumat janë bërë në profilin e Latos në Facebook ku i shprehin ngushëllime familjes por njëkohësisht dhe kombit shqiptarë për humbjen e madhe.

Lajmin e ka bërë të ditur edhe shkrimtari Atdhe Geci, i cili ka publikuar  komunikatë për media, të kryeministrit të Çamërisë, Ali Aliut.

Në komunikatën për media, thuhet se i është bërë atentat, dhe shkaqet e vrasjes janë poltike, shkruan “Bota sot”.

“Atentat ndaj Presidentit të Republikës së Çamërisë në Holandë

Në Holandë iu bë atentat presidentit të Republikës së Çamërisë z. Festim Lato. Për atentatin e Festim Latos, sot familjen Lato në Vlorë e njoftoi Policia Holandeze. Me këtë rast Qeveria e Republikës së Çamërisë, me në krye Kryeministri Ali Aliu, është shumë e pikëlluar, dhe i shpreh ngushëllime Familjes Lato nga Vlora, miqëve dhe shkove të tij. Vrasja e Presidentit të Republikës së Çamërisë, z. Festim Lato është vrasje me motive politike. Festim Lato është heroi i parë i Republikës së Çamërisë. Festim Lato, dritë tu bëftë gjaku o trim! Çamëria është gjaku ynë që s´falet! Lavdi që të patëm!”, thuhet në komunikatën e Kryeministrit të Republikës së Çamërisë, Ali Aliu.