Çelsi do të ndeshet përballë Dinamos së Zagbrebit në transfertë, në ndeshjen e parë të Ligës së Kampionëve dhe duket se Tomas Tuhel e ka bërë gati skuadrën e tij për këtë përballje.
Pas performancës shumë të mirë kundër Uest Hemit në fundjavë, sulmuesi i Kombëtares shqiptare, Armando Broja, mund të startojë si titullarë në këtë sfidë, siç raportojnë dhe mediat angleze.
Armando Broja nuk figuron te lista A e Tuhelit, por te lista B, i cili mund të jetë i gatshëm gjithmonë për Çelsin, në çdo rast që trajneri ka nevojë.
Duke parë dhe nivelin e ndeshjes, Tuhel pritet të lërë pushim disa lojtarë të cilët i ka aktivizuar shumë gjatë këtij sezoni dhe njëri prej tyre është edhe Kai Havertz.
Gjithashtu si titullarë priten të jenë edhe Kepa Arrizabalaga, Çalobah, Çiluell dhe Zijeh, që gjithashtu nuk kanë pasur shumë minuta këtë sezon.
FORMACIONI I MUNDSHËM I ÇELSIT:
