Botuesi dhe gazetari Nikoll Lesi ka bërë një deklaratë të fortë në lidhje me protestën  e opozitës, ditën e hënë, teksa tha se ka informacione se do të jetë e dhunshme.

Po ashtu Lesi tha se ka rënë entuziazmi për opozitën, teksa sipas tij, nuk mbledh do të njerëz.

Botuesi tha se për protestën e ditës së hënë, thirren edhe gratë.

“Me gjithë këto sulme nga SPAK në një vend demokratik qeveria do kishte rënë. Ne s’kemi opozitë. Një opozitë të besueshme që ta marri. Që të ketë një lloj entuziazmi. Sot ne e kemi parë protesta e doktorit me 150 veta. Nuk mbush me besim njerëzit. Kjo që ka ndodhur ne kushtet e Shqipërisë është disi e pranueshme. Problemi është se ka rritur adrenalinën brenda koshit të PD. Nuk shton elektorat nga eklektorati gri. Thotë Berisha unë rri kryetar partia, nuk e lëshon partinë derisa sa të vdesi 150 vjeç. Nuk ka kush e rrëzon qeverinë. Me aq sa kam informacion, ato nesër do vazhdojë komisioni i këshillit të mandateve, tre veta për të përballuar një dosje të madhe. Dyshoj si dreqi që nesër vazhdon kjo histori, të hënën do ketë protestë të dhunshme, nuk duhet por do jetë.  Aq sa ndjejë, nuk urojë. Po lajmërojnë edhe po thërriten edhe gartë”, u shpreh Lesi./Newsbomb.al

Grida Duma ka qartësuar pozicionin e saj në lidhje me akuzat nga drejtues të Partisë Demokratike se ka negociuar me kryeministrin Edi Rama për Endri Shabanin si Avokatit të  Popullit dhe se është pas lëvizjes së Ervin Salianjit.

Nga studio e Top Story ajo deklaroi se nuk ka guxim askush që t’i bëjë pis emrin dhe reputacionin që ka ndërtuar ndër vite.

“Kur unë nuk shtrij dorën për gjëra të pushtetshme alla Edvin, nuk ka njeri guxim të më përdorë mua si vegël më të vogël për çështje alla Ervin, janë çështje minore në situatën time, nuk duhet absolutisht në publik të them një gjë që e kam parim, por besoj e kam përcjellë, unë humanen nga politikan ia unë e ndaj”, theksoi Grida Duma në reagimin e saj.

“Tani kam lobuar unë me Edi Ramën? Unë për gjërat e mia personale, për situata të miat personale, për goditje të mia personale, kam qenë në politikë rishtare dhe nuk kam kërkuar ndonjëherë për gjithë goditjet që ka bërë Rama dhe establishmenti i tij, t’i shtrij dorën, apo t’i drejtohem dhe t’i them ndalo se ka cak. Nuk më ke parë ndonjëherë të bëj viktimën në publik, t’i drejtohem audiencës shqiptare, se e bëjnë gjithë gratë në politikë, dhe t’i them si ka mundësi një grua, një nënë e copëtoni kështu në publik?! Unë për çështje personale me Edi Ramën, jo që nuk kam ofertuar unë të diskutoj, por nuk guxon njeri t’i afrohet, mua Grida Dumës, me ofertë sa i përket Edi Ramës.

Pa asnjë diskutim kur kam ardhur këtu, e kam ditur që nëse ka lobime dhe situata të kësaj natyre bëhen shumë mirë në politikë, atje ku je në politikë nuk të sheh njeri, këtu në publik na shohin të gjithë.

Nuk jam e qartë se pse kjo është paqartë.

Tani, kur unë, dhe nuk ka të bëjë me çështje personale të këtij viti, vitit tjetër etj, flas për çështje të miat personale, dhe nuk ka guxuar njeri të mendojë që bëhen pazare me Edi Ramën, sepse këtë personalitet e kam krijuar nga politika dhe vij këtu.

Nga ana tjetër, kur unë nuk shtrij dorën për gjëra të pushtetshme alla Edvin, nuk ka njeri guxim të më përdorë mua si vegël më të vogël për çështje alla Ervin, janë çështje minore në situatën time, nuk duhet absolutisht në publik të them një gjë që e kam parim, por besoj e kam përcjellë, unë humanen nga politikan ia unë e ndaj.

Nuk guxon njeri të më përmendë mua pazare të vogla, sepse unë qëndroj Big, dhe qëndroj Big së pari si njeri…

PD sot nga i vogli te i madhi, duhet të zhdukë foltoren 2.0, 2.1, 3.1, 7.4, dhe të vendoset në një pozicion krejt tjetër me vetveten dhe të brendshmen dhe të gjej mënyrën sesi në këtë moment nuk ka asnjë aksioner opozitar të cilin e ka tepër”, tha Duma.

Kryetari i Partisë Demokratike, Sali Berisha paralajmëroi sot përjashtimin nga partia të ish-deputetit, Ervin Salianji pas takimit që ky i fundit organizoi një ditë më parë në Elbasan.

Në një konferencë për shtyp, ai tha se kishte informacione që organizator në hije i këtij takimi ishte Suel Çela.

“Në të gjithë karrierën time politike dhe në ditët më të vështira kurrë nuk kam bërë kompromis me krimin. Në qoftë se e ndjek këtë betejë, pavarësisht nga çmimi që ka pasur, është vendimi më i drejtë. Vija e kuqe e Sali Berishës është ndarëse sa i përket bashkëpunimit me krimin. Që një anëtar i kooptuar i kryesisë dhe anëtar i Këshillit Kombëtar, të organizojë me Suel Çelën, kriminelin më të rrezikshëm të Elbasanit, kreut e një prej karteleve më të fuqishme në Europë, takim, kjo është absolutisht e papranueshme dhe kurrë nuk mund të kalojë”, tha Berisha.

Sipas tij “ai që ndërmerr një veprim të tillë, tejkalon vijën e kuqe dhe është përgjegjës për veten e tij. Nuk mund të pranoj asnjë formë bashkëpunimi me kartelet e drogës dhe organizatat kriminale. Sa i përket takimit që thoni ju, kemi pasur informacione që pohojnë se Suel Çela ka qenë organizator kryesor në hije I takimit. Përshëndes të gjitha strukturat e Elbasanit që e bojkotuan me neveri një takim të tillë.”

Ish-deputeti i PS-së, Petro Koçi ka reaguar pas kërkesës së Prokurorisë së Posaçme (SPAK) drejtuar Kuvendit për t’i hapur rrugën arrestimit të zv.kryeministres dhe ministres së Infrastrukturës, Belinda Balluku, e cila është marrë e pandehur për abuzim me tendera.

Ish-ligjvënësi socialist ka dalë kundër Ramës i cili është kthyer në një avokat të zellshëm për Ballukun dhe thekson se Parlamenti duhet të marrë vendimin për heqjen e imunitetit ndaj saj.

“Kuvendi te ruaje standardin e vendosur prej kohesh me rastet e kërkesave te SPAK per heqje imuniteti”, deklaroi Petro Koçi,

Ai theksoi se Balluku duhej të kishte dhënë dorëheqjen ose te ishte shkarkuar sapo u shpall fillimi i ndjekjes penale për të.

Postimi i plotë:

Kendveshtrimi im

1. Ishte i drejte ankimimi ne Gjykaten Kushtetuese i vendimit te GJKKO per pezullimin nga funksioni ministror i Belinda Ballukut.
2. Balluku duhej te kishte dhene doreheqjen ose te ishte shkarkuar sapo u shpall fillimi i ndjekjes penale per te.
3. Gjykata Kushtetuese nuk shpalli pafajesi per Ballukun. Ajo vetem pezulloi pezullimin e saj nga funksioni ekzekutiv.
4. Gjykata Kushtetuese nuk e shpalli GJKKO fajtore. Pra nuk shpalli ndonje pale humbese apo ndonje pale fituese.
5. SPAK nuk ka ndermarre ndonje hap hakmarres me kerkesen per heqje imuniteti, por nje vijimesi te logjikshme. Gjykoj qe me pezullimin qe kishin kerkuar me pare paten perzgjedhur nje mase me favorisuese per ministren Balluku.
6. Situata eshte e veshtire per partine tone, por jo e rende. Mjafton qe Kuvendi te ruaje standartin e vendosur prej kohesh me rastet e kerkesave te SPAK per heqje imuniteti.
7. Do ishte e keshillueshme doreheqja e ministres Balluku edhe se e vonuar. Nuk varet personaliteti i nje politikani nga te qenit patjeter minister.
8. PD po ben teater. Asaj nuk i intereson legjitimimi moral i drejtesise se re perballe mbeshtetesve te vet. Ajo parti ka hallin e madh te ndjekjes penale te Kryetarit te vet Berisha. Lufta e PD ndaj SPAK mbetet serish e eger.
9. Mbeshtetja e deritanishme e PS per SPAK dhe GJKKO mbeten nje histori suksesi qe nuk duhet te shenoje asnje hap prapa.
10. Ne aspektin njerezor cdo ferkim duarsh nga kolege te PS per kete situate te veshtire ku ndodhet kolegja Balluku do te ishte tejet kompromentues dhe i pamoralshem. Ne fund te fundit kemi te bejme me nje rrethane qe demton imazhin e Partise tone e jo vetem nje person. Urimi me i moralshem do te ishte pafajesia ne fund te procesit.