Teksa Elisa Spiropali dhe Erion Braçe kanë nisur “revoltën” nga brenda, duket se në lëvizje janë vënë edhe veteranët të PS-së.

Ish-ministri dhe socialisti i vjetër Arben Malaj duket se e ka ndarë mendjen për të kandiduar për Bashkinë e Vlorës.

Postimi i plotë:

Do të jepja gjithçka për ta nisur garën për Kryetar të Bashkisë së Vlorës bashkë me ju, me të gjitha energjitë tona pozitive, të frymëzuar nga tre shembujt e lidershipit botëror dhe përgjegjësia e lartë për t’i merituar në fund të mandatit këto vlerësime:

Së pari, si Edëin M. Lee: “Nuk ka kufi për suksesin dhe potencialin e këtij qyteti të jashtëzakonshëm, nëse e mbajmë derën e mundësive të hapur për çdo banor të SF/Vlorës.”

Së dyti, si George Christopher: “SF/Vlora ishte thellë në zemrën e tij.

Ai i shërbeu qytetit tonë me 1. efikasitet të shkëlqyer, 2. qëllim të devotshëm dhe 3. përkushtim të palodhur.”

Dhe mbi të gjitha, si modeli i integritetit, do të më inspirojë dhe bashkëshoqërojë modeli i Fiorello La Guardia, kryebashkiaku i Neë York-ut:

“Ai ishte një njeri i popullit që besonte se qeverisja e mirë:

(i) nuk është vetëm çështje

administrimi,

(ii) por çështje karakteri dhe

moraliteti.

Ai dëshmoi se

(i) politika mund të jetë një

shërbim fisnik kur

udhëhiqet nga

ndershmëria e paepur.”

Nga ky vizion i fundit duhet ta fillojmë së bashku.

Është koha “për të vrarë me votë masive”:

(i) arrogancën,

(ii) pushtetin absolut të korruptuar në mënyrë absolute dhe

(iii) babëzinë që po vret shpresat dhe ëndrrat e shqiptarëve.

Vlora nuk është një hartë kadastra e Ramës; Vlora është Mbretëresha e Mesdheut, hyjnia simbolike e pavarësisë dhe lirisë sonë kombëtare.

Vlora është dhe do të mbetet margaritari që do të shkëlqejë në shekuj si pika e bashkimit të të gjithë shqiptarëve, vëllezërve dhe motrave nga çdo cep i Shqipërisë kreshnike.

Së bashku, do të bëjmë gjithçka dhe do të shkruajmë dedikimin që dua ta meritoj bashkë me ju dhe ta lë si trashëgimi për liderët e rinj të Vlorës dhe Shqipërisë: “Ai e gjeti Vlorën pa shpresë dhe e la atë me një vizion të qartë për të ardhmen.”

Përqafime mirënjohëse!!!

Kreu i Partisë Agrare Ambientaliste, Agron Duka, ka shprehur mbështetjen për Erion Braçen si kandidat i PS për Bashkinë e Tiranës, ndërsa ka komentuar edhe përjashtimet e fundit në radhët e opozitës.

Gjatë një interviste në emisionin “Puls” nga Bruna Çifligu në A2CNN, Duka u shpreh se Braçe është një figurë me eksperiencë dhe me imazh pozitiv në publik.

Sipas tij, në një kohë kur mazhoranca akuzohet për korrupsion, një figurë si Braçe, që ka ngritur vazhdimisht problematika në Parlament dhe shpesh ka qenë kritik edhe ndaj PS-së, do t’i bënte mirë kryeqytetit,

“Erioni është njeri me shumë eksperiencë, edhe në momentet kur mazhoranca anatemohet për korrupsion, pavarësisht se mundohet t’i mbulojë ato veprat korruptive dhe t’i paraqesë si suksese, një figurë si Braçe, i cili është i pakonsumuar në qeverisje dhe ka një imazh pozitiv, jo vetëm majtas sa i përket ndershmërisë dhe ka ngritur çështje dhe problematika në Parlament, në përgjithësi në favor të qytetarëve dhe në favor të banorëve të zonave rurale, pavarësisht se në disa raste ka qenë ndesh me PS-në, do t’i bënte mirë kryeqytetit sikur të ishte në krye të tij”, tha ai.  

Sa i përket zhvillimeve në PD, ai u shpreh kundër përjashtimeve, duke përmendur konkretisht rastet e Boshku dhe Burgija, të cilët tha se i njeh si njerëz të ndershëm.

“Nuk jam dakord me përjashtimet. Mund të jap fakte për dy të Durrësit, Boshku dhe Burgija. Unë kam bërë fushatë elektorale në zgjedhjet e kaluara. Burgija s’ishte shumë aktiv në fushatë, por kurrsesi s’ka çuar vota te PS-ja. S’kam asnjë të dhënë”, shtoi Duka.

Kryetari i Bashkisë së Tiranës, Erion Veliaj, u paraqit këtë të premte në Gjykatën Administrative, ku po shqyrtohet padia e tij për shpalljen të pavlefshëm të emërimit si prokuror të Olsi Dado.

Veliaj pretendon se emërimi i Dados është bërë në kundërshtim me ligjin, pasi sipas tij ai nuk ka plotësuar kriteret e nevojshme ligjore në momentin e emërimit.

Gjatë seancës, Veliaj deklaroi se nuk ndodhet në gjykatë për arsye personale, por për interesin publik. Ai hodhi akuza të rënda ndaj procesit hetimor dhe mënyrës se si është trajtuar çështja e tij.

“Nuk jam këtu për mëshirë. Jam këtu si kryetar i Bashkisë së Tiranës, për atë që i është shkaktuar qytetarëve. Nuk jam jurist, por në fund të fundit, edhe ai që më ka arrestuar mua nuk është prokuror”, u shpreh Veliaj, duke shtuar se është hetuar mbi bazën e një kallëzimi që sipas tij nuk ekziston.

Ai përmendi emrin e “Nesti Angonit”, duke pretenduar se bëhet fjalë për një person fiktiv dhe se kallëzimi ndaj tij për çështjen e inceneratorëve është i pabazë. Veliaj deklaroi gjithashtu se ka fituar një proces gjyqësor për shpifje një ditë më parë dhe se e gjithë situata, sipas tij, është pjesë e një “intrige”.

“Nesti Angoni nuk ekziston. Unë jam kallëzuar për inceneratorët. Dje fitova gjyqin për shpifje, me italianin. Kam frikë se e gjitha kjo është një intrigë. Nuk e kuptoj përse jam akuzuar, se kam ndërtuar 100 çerdhe, 50 shkolla. Nesti Angoni më ka kallëzuar mua menjëherë pas zgjedhjeve, në korrik, dhe shtyhet 7 muaj regjistrimi kur afati kohor është 15 ditë”, tha Veliaj.

Veliaj theksoi gjithashtu se arrestimi i tij ka ndikuar në punën e Bashkisë së Tiranës, duke pretenduar se prej më shumë se një viti nuk janë ndërtuar kopshte apo shkolla të reja, ndërsa situata në qytet, sipas tij, është përkeqësuar.

“Jam i vetmi njeri që jam hetuar që fëmijë, që kur isha te “Mjaft”, se kam përdorur charter. Çfarë charteri? Unë kam udhëtuar me avionë, autobusë, pale kam pasur edhe Bin Laden në avion. Ky njeri që nuk ka mbaruar shkollën e magjistraturës, më ka arrestuar mua, më thonin drejtoreshat juridike, është sekser. Ditën që jam arrestuar kam inauguruar një kopsht, nuk është ndërtuar më asnjë kopsht që kur jam arrestuar unë, prej 14 muajsh. Asnjë shkollë. Qyteti qelbet nga plehrat. Nuk mund të thotë KLP, nuk marrim një përgjigje, nuk mbajmë ne përgjegjësi për diçka që ka ndodhur para erës sonë. Duke parë çfarë hallesh ka KLP këto kohë, ç’mund të themi”, tha kryebashkiaku.

Nga ana tjetër, avokati i tij, Plarent Ndreca, deklaroi se ekziston një vendim i Gjykatës Kushtetuese për rikthimin e Veliajt në detyrë, por ai nuk mund ta ushtrojë funksionin për shkak të një mase sigurie të kërkuar nga një prokuror, legjitimiteti i të cilit po kundërshtohet në gjykatë.

Avokati Plarent Ndreca: Ka një vendim të Gjykatës Kushtetuese për të rikthyer në detyrë Veliajn, por nuk lejohet të ushtojë detyrën për shkak të një mase të kërkuar nga një prokuror që nuk duhet të jetë prokuror.

Ish-ministrja e Jashtme Elisa Spiropali ka ngritur sot shqetësimin se kriza e Parlamentit është kriza e Republikës Parlamentare, një ditë pas tensioneve në seancë.

Në shënimin e saj të radhës në rrjetet sociale Spiropali thotë se konflikti banal po zëvendëson funksionin e Parlamentit, që s’po luan rolin e tij përfaqësues dhe kontrollues.

Ish-ministrja e Jashtme vë në dukje se rrezikohet jo vetëm një Parlament i dobët, por që Republika Parlamentare të kthehet në formë. Reagimet e Spiropalit, kryesisht në rrjetet sociale, po vijnë pas raportimeve se ka patur momente tensioni mes saj dhe kryeministrit Edi Rama, në mbledhjen e PS-së. 

Reagimi i Spiropalit

Kriza e Parlamentit është kriza e Republikës Parlamentare.

Dje në Parlament nuk pamë vetëm tension. Pamë një mekanizëm që po dështon të prodhojë politikë.

Kjo që po ndodh në Parlament nuk është diçka e panjohur për politikën. Konflikti ka qenë gjithmonë pjesë e saj. Por sot problemi nuk është konflikti në vetvete. Problemi është se konflikti banal po zëvendëson funksionin.

Parlamenti nuk po arrin më të ushtrojë rolin e tij përfaqësues dhe kontrollues. Në vend që të jetë hapësira ku përfaqësohen interesat e shoqërisë dhe ku kontrollohet qeverisja dhe institucionet, ai po kthehet në një arenë ku energjia po shpërdorohet pa prodhuar drejtim.

Kur funksioni atrofizohet, pasoja e parë është bjerrja e besimit. Dhe kur bie besimi, nuk dobësohet vetëm Parlamenti, por vetë ideja e Republikës Parlamentare.

Sepse një Republikë Parlamentare nuk mbahet vetëm me procedura. Mbahet me funksion. Me debat që prodhon kuptim. Me kontroll që prodhon përgjegjësi.

Nëse kjo vazhdon, rreziku nuk është thjesht një Parlament i dobët. Rreziku është që Republika Parlamentare të mbetet vetëm formë, dhe jo përmbajtje.

Europa kërkon nga ne atë që duhet të kërkojmë nga vetja: institucione që funksionojnë, jo vetëm që ekzistojnë. 

Kryeministri Edi Rama po zhvillon ditën e sotme një mbledhje me kryebashkiakët në Pallatin e Kongreseve, ndërsa mësohet se është lënë jashtë këtij takimi kryebashkiaku i Pukës, demokrati Rrok Dodaj.

Në një proncim të bërë për mediat në lidhje me këtë situatë, Dodaj është shprehur se në momentin që ka mbërritur në Pallatin e Kongreseve atë e kanë ndaluar të marrë pjesë në mbledhje duke i thënë se nuk e ka emrin në listë.

Dodaj nga ana e tij ka konfirmuar se ka marrë ftesë që të bashkohet në takimin e sotëm përmes emailit. E kur ka mbërritur te Pallati i Kongresve ai nuk është lejuar të futet në ambientet e Pallatit të Kongreseve pasi i është thënë se nuk e ka emrin në listë për takimin e sotëm.

Në lidhje me këtë mësohet Dodaj është kontaktuar nga PS e atij i është shpjeguar se ftesa i është dërguar gabimisht nga sekretarja.

Paraprakisht u bë me dije se në takim e sotëm nuk do të marin pjesë jo vetëm kryebashkiakët që përfaqësojnë mazhorancën, por edhe drejtuesit e bashkive që janë të opozitës.

Ky takim zhvillohet në kuadër të turit Partisë Socialiste “Punët për Shqipërinë”, që pitet të zgjasë 9 javë dhe do të fokusohet çdo javë në tema të ndryshme, me në fokus integrimin e Shqipërisë ne Bashkimin Europian.  

Gjatë emisionit “Të Paekspozuarit” në MCN TV, ka patur një debat mes Klodiana Lalës dhe Preç Zogajt, lidhur me disidencën që Elisa Spiropali ka filluar të shfaqë, pasi u shkarkua nga ministre. 

Zogaj tha se Spiropali po bën kritika të vlefshme dhe se po del si alternativë, ndërsa Lala shpërtheu duke deklaruar se Spiropali ka qenë servile e Ramës, ndaj ka bërë karrierë, por nuk ka asnjë kontribut dhe asnjë arritje. 

Klodiana Lala:Kush është kjo zonja? Ka sjellë spiropalizmin në politikë. Ka ardhur në postin e Ministres së Jashtme pa asnjë kontribut. Nuk di një betejë, të ketë drejtuar një qark dhe të ketë patur fitore të pastër. Nuk di një akt politik të saj të ketë mbetur në mendjen e shqiptarëve. Më thuaj një herë që të ketë kundërshtuar Ramën në 14 vite qeverisje? Është në majë të politikës për shkak të servilizmit, jo për shkak të kontributit. Në partitë politike shqiptare, Rama dhe Berisha kanë lënë partitë toka djerrë. Partitë janë pronë e të dyve, gjithë të tjerët bëjnë karrierë se e kanë mirë me shefin.

Preç Zogaj: Ja po del një alternativë.

Klodiana Lala: Ka relativizuar çdo skandal 14 vjet. Spiropali ka heshtur, është bashkëfajtore.

Preç Zogaj: Gjithë deputetët dhe ministrat e PS kanë bërë këtë. Mendoj se disidenca nuk lind në orën e parë. Por ajo nuk bën karrierë…

Klodiana Lala: Spiropali po të kishte kontribute, do të kishte reaguar. Më thuaj një betejë që ka bërë?

Preç Zogaj: Kujt i thua betejë ti?

Klodiana Lala: Një betejë të pastër pa grupe kriminale.