Deputeti demokrat Saimir Korreshi, në fjalën e tij në Komisionin e Ligjeve, ka ngritur shqetësimin në lidhje me zbatimin e projekteve për trajtimin e ujërave të ndotura në Lushnje.

Ai ka shtuar gjithashtu se shqetësues është fakti në Fier me furnizimin me ujë të pijshëm, pasi zjarrëfikëse nga Fieri, Patosi dhe Roskoveci furnizojnë qytetarët me ujë të pijshëm.

“Si ka mundësi që në Fier zjarrëfikësja e Lushnjes një javë rresht çon ujë për të pirë. Marrim 45 mln, po hyjmë në Europë, si i shpjegoni faktet që zjarrfikëset çojnë në Fier për të mbushur bidonët e ujit. Kam edhe filmimet.

Ujërat se ju keni edhe ujin e e pijshëm edhe ujërat e zeza. Se nuk dua të kaloj kështu, ne vëmë tulla për të ecur në ca lagje nga ujërat e zeza. Jua tregon ku të doni. Ju do hynë në Europë duke shkelur mbi ujërat e zeza? Na sillni tulla e blloqe të paktën.

A i ndiqni projektet kur zbatohen? Si funksionon projekti? Jepni fonde dhe leke, i tenderoni dhe ata hyjnë në Europë, e kontrolli projektin? Sepse kam konstatuar, që para 6 muajsh ka çarë rrugën në 2 krahët dhe atje kanë rënë kamionë nga puna e ujësjellësit. Se ne bëjmë 1 punë dhe prishim 8 të tjera”, tha ai.

Kryeministri Edi Rama këtë të hënë gjatë fjalës së tij në mbledhjen e Grupit Parlamentar të PS-së sqaroi se ndryshimet në Kodin e Procedurës Penale synojnë të qartësojë kufijtë e masës së pezullimit të detyrës për funksione të larta shtetërore.

Rama theksoi se pezullimi i një ministri cenon funksionin dhe jo individin, ndërsa ndryshimet e propozuara nuk prekin pavarësinë e pushtetit gjyqësor dhe mbrojnë autonominë vendimmarrëse të pushtetit ekzekutiv.

Sipas propozimeve, pezullimi i një ministri në fazë paraprake konsıderohet i pajustifikueshëm, sepse nuk prek vetëm individin nën hetim, por dëmton funksionin institucional.

Më tej theksohet se pezullimi i një ministri nënkupton bllokim të punës së institucionit, jo thjesht mungesë personale në detyrë. Sipas propozimit, nisma ligjore synon të mbylle boshllëqet e interpretimit kushtetues me përcaktime të qarta “funksion për funksion”.

Më tej theksohet se aktualisht, neni përjashton “personat e zgjedhur sipas ligjit elektoral”. Me ndryshimet e propozuara, këtij rrethi do t’i shtohen: Presidenti i Republikës, Avokati i Popullit, Kryeministri, Zëvendëskryeministri, Ministrat, Anëtarët e Gjykatës Kushtetuese dhe Kryetari i Kontrollit të Larte të Shtetit.

Ndryshimi i propozuar paraqitet si parimor dhe jo i lidhur me një rast konkret. Shumica paralajmëron reagim institucional për të kundërshtuar pezullimet që i konsideron ndërhyrje ne pushtetin ekzekutiv.

Më tej theksohet se mbështetet drejtësia e pavarur. Sipas propozimeve, ndryshimet synojnë adresimin e një mangësie në përcaktimet e nenit 242 te Kodit të Procedurës Penale.

Historiani Pëllumb Xhufi, i ftuar në intervistë me Mirela Milorin, ka folur për historinë e liderëve të Shqipërisë. Ai është ndalur te disa figura kryesore, ku ka dhënë një opinion për secilin prej tyre.

“Për Skënderbeun, një luftëtar dhe një politikan i jashtëzakonshëm. Për Enver Hoxhën, ky është me të mirat e me të ligat, ka qenë patriot padyshim. Sali Berisha, shqiptar dhe ky, egërsia e tij më shqetësoi që në fillim me ndjenja të forta dhe urrejtje; nuk e di si e ka dashurinë. Fatos Nano, ndjenjën e përgjegjësisë nuk e kishte. Edi Rama ishte piktor, po është i formuar dhe ka një projekt të tij. Njerëzit me projekt janë pak. Ky ka një projekt. Është pak, do i thosha, radikal do ndryshimin, por përdor metoda radikale; ai konsideron të gjithë ata që kanë jetuar në kohën e komunizmit të tejkaluar. Enver Hoxha dhe Edi Rama kanë qenë njerëz me projekt”, tha Xhufi.

Në 11 shtator 2025, asistentja virtuale e e-Albania, Diella mori një detyrë të re, atë të ministres së parë, të krijuar me Inteligjencë Artificiale.

Por, për këtë detyrë, aktorja Anila Bisha, që kishte pranuar që imazhi i saj të përdorej për avatarin e platformës e-Albania, nuk është pyetur. Me këtë pretendim, artistja dorëzoi pak ditë më parë në Gjykatën Administrative të Shkallës së Parë Tiranë një kërkesë proceduriale për marrjen e masës së sigurimit të padisë.

Aktorja ka reaguar për herë të parë për Deutsche Welle, ku shprehet se ndihet e cenuar në imazh.

“Ishte diçka shumë e rëndë sa i përket imazhit tim. Gjërat filluan të përdoreshin ndryshe…
Kjo është një kauzë shumë e rëndësishme, mund t’i ndodhë edhe ndonjë kolegu tim dhe një njeriu të panjohur, është shumë e rrezikshme. Jam person publik, kam krijuar një emër shumë të bukur, publiku më donte shumë. Dua, s’dua, një pjesë që nuk do kryeministrin, më urren edhe mua, pa pasur asnjë lloj lidhjeje”, shprehet ajo për DW.

Sipas mbrojtjes, nga përdorimi i paautorizuar i të dhënave personale, Anila Bishës i është shkaktuar një dëm i madh, i menjëhershëm dhe i pakthyeshëm.

Kreu i Kuvendit, Niko Peleshi, pritet të publikojë të hënën urdhrin për thirrjen e mbledhjes së Këshillit për Rregulloren, Mandatet dhe Imunitetin.

Në urdhër do të përcaktohet data dhe ora kur do të zhvillohet mbledhja e Këshillit, ku pritet të diskutohen çështjet në rendin e ditës që lidhen me kompetencat e këtij organi parlamentar.

Anëtarët e Këshillit mblidhen një javë pasi Gjykata Kushtetuese  rrwzoi kwrkeswn e qeverisë për pezullimin e masws së GJKKO qw shkarkoi nga funksionet publike, zv/kryeministren Belinda Balluku.

Mbetet për t’u parë nëse Këshilli i Mandateve drejtuar nga Niko Peleshi do të marrë në shqyrtim kërkesën e Prokurorisë së Posaçme.

Anëtari i Këshillit Kombëtar të Partia Demokratike e Shqipërisë, Myslim Murrizi, i ftuar në studion e emisionit Kjo Javë në News24, ka komentuar situatën e brendshme në Partinë Demokratike, duke shpalosur kritika ndaj funksionimit të opozitës.

Gjatë intervistës, Murrizi u shpreh se opozita ka nisur të forcohet, por sipas tij pritet të jetë më kurajoze pas zhvillimit të Kuvendit Kombëtar.

Ai deklaroi se, sipas tij, duhet të ketë largime të personave që i cilësoi si nihilistë dhe hipokritë, duke shtuar se disa deputetë, sipas tij, nuk kanë qenë të pranishëm në zonat ku janë zgjedhur dhe nuk gëzojnë reputacionin që duhet të ketë një përfaqësues i opozitës.

Murrizi ngriti edhe pyetje mbi, sipas tij, mungesën e reagimit të fortë nga opozita, duke aluduar për mundësi pazaresh të nëndheshme politike, ndërsa shtoi se drejtuesit politikë duhet të jenë më aktivë në terren.

Ai theksoi gjithashtu se protestat e opozitës nuk duhet të organizohen vetëm në Tiranë, por edhe në qytete të tjera të vendit, për të rritur, sipas tij, përfshirjen dhe presionin politik.

“Fati u buzëqesh kurajozëve. Opozita ka nisur të bëhet, por e pres më kurajoze pas Kuvendit Kombëtar duke larguar një pjesë nihilistësh dhe hipokritësh që nuk dinë gjë tjetër, kanë një vit nuk shkelin në zonat që janë zgjedhur dhe nuk gëzojnë reputacionin që duhet të ketë një deputet i opozitës. Pse duhet të kenë frikë kur kanë 13 vite që nuk janë në pushtet. A kanë pazare të nëndheshme? Pse nuk shkojnë drejtuesit politikë? Protesta të tilla nuk kemi pse i bëjmë vetëm në Tiranë”, u shpreh ai.