Ish-kryeministri Berisha ka publikuar denoncimin e një banori të Belshit i cili akuzon kryebashkiakun, Arif Tafani, i cili nuk jep asnjë leje drejtimi nëse nuk i blen materialet e ndërtimit në firmën e tij.

Ai ka ngritur një skemë korrupsioni duke i detyruar të gjithë banorët dhe ndërtuesit që t’i blejnë materialet në firmën e tij, në të kundërt xhaxhai i tij, të cilin e ka emëruar shef të policisë bashkiake, të gjobit dhe të fut në burg.

Statusi

Don Tafani i Belshit nuk jep asnje leje ndertimi po nuk bleve ne kompanite e tij materialin e ndertimit!

Te dashur miq, famozi Arif Tafani ka vedosur xhaxhain shef te policise bashkiake, me te cilin gjobit te gjithe ata qe blejne gjetiu materialet!

Lexoni mesazhin e qytetarit dixhital. sb

“Doktor mirembrema Dua te shpreh nji shqetsim qe kan te gjith banoret e belshit qe duan te bejne ndetime.

Kryetari bashkise don Arif Tafanio ka ber nje skem mafioze me bisnesmenat e ti. Po bleve materialet te bisnesmeni i don Tafanios Sopot Ferhati policia bashkiake ste ngacmon por po o bleve ne ndonji ven tjeter te vijn direkt te fusin gjobe dhe ne burg. Shefi i policis bashkiake eshte xhaja i bisnesmenit te Tafanios .

Don Tafanio ka kap belshin prej fyti si lala elbasanit dhe nuk le njeri te ngreje kok po nuk blen gjerat tek ta”.

U duk si përdorim nga Edi Rama fillimisht prezenca e kryebashkiakut të Lezhës Fran Frrokaj, sidomos pas protestave të djeshme ku kryeministrin e quanin ‘Hajdut’, ‘Kriminel’, madje edhe kërkonin burg për të.

Por Frrokaj shpjegoi me detaje se çfarë kishte ndodhur në darkën e djeshme, ftesë ardhur nga Rama, duke ia thënë ballë përballë se jo vetëm nuk e pengonte dot protestën në Lezhë, por edhe se do marrë pjesë në protestën e opozitës në 27 janar kundër kryeministrit. Kështu kryebashkiaku ka mbyllur çdo hamendësim se po ‘tradhëton’ forcën e tij politike.

‘Dje ishim në një darkë, nuk ka vend për të thënë ‘Darka e gabuar’. Më vjen shumë mirë që e pranoi sot publikisht se Lezha ka nevojë për mundësi.

Nuk kisha arsye të ndaloja protestën e Torovicës, ju u bindët edhe nga biseda dje’, rrëfeu Frrokaj.

Ai tha qartë se do të jetë në protestën e datës 27 janar, të opozitës, ndërsa Rama ka shpejtuar të ç’tensionojë situatën duke i thënë që ujësjellësin ta lërë në Lezhë.

Një ditë më parë, kryeministri Edi Rama është pritur me protesta në qytetin e Lezhës, ku u mbajt edhe mbledhja e kabinetit qeveritar. Kryeministri u kishte premtuar banorëve që në mandatin e parë, rikonstrucionin e rrugës që e lidh fshatin Torovicë me qytetin e Lezhës.

Sipas banorëve kjo rrugë ka qënë një premtim elektoral i PS-së dhe për këtë arsye kanë dalë të protestojnë duke thërritur “Burg, burg, burg”.

Po ashtu nëpër duar protestuasit mbajnë banderola e pankarta me fjalët: hajdut, kanabis, varfëri, pasiguri, mbaj premtimin, krim etj.

Për të folur me protestuesit ka dalë Lindita Nikolla, deputete e kësaj zone, por sërish banorët nuk janë ofruar ta dëgjojnë. Banorët janë organizuar që mëngjesin e djeshëm për këtë protestë, por policia tentoi t’i ndalojë. Po ashtu, dje u njoftua edhe shoqërimi në komisariat i katër banorëve të fshatit Torrovicë, të cilët u ndaluan në hyrje të fshatit Balldre.

Sekretari i Përgjithshëm i Kryeministrisë, Engjëll Agaçi, rezulton të ketë në pronësi një apartament në Romë, Itali.

Të dhënat janë bërë publike nga Open Data Albania, ku thuhet se sekretari i Kryeministrit Edi Rama zotëron një apartament në Romë, 4+1+1, vlera e të cilit shkon deri në 140 000 euro.

Po ashtu Agaçi rezulton të ketë edhe një apartament në Tiranë,  si edhe një në fshatin Qeparo, me vlerë 100 000 euro e parapaguar. Deklarimi i pasurive të paluajtshme i përket vitit 2013.

Sekretari i Kryeministrisë përfiton një pagë prej 1 321 080 lekësh, si edhe të ardhura të tjera nga pjesëmarrja si nënkryetar në Bordin Drejtues të INSIG, 191 250 lekë.

Kujtojmë se deri para dy vitesh, kompania e sigurimeve INSIG ka qenë një kompani shtetërore por më pas u privatizua nga Shoqëria e sigurimeve EUROSIG e cila ka derdhur për llogari të qeverisë shqiptare vlerën prej 16 milionë euro.

Po ashtu Agaçi përfiton edhe të ardhura neto nga pjesëmarrja si anëtar i Bordit Drejtues të Autoritetit të Aviacionit Civil, 211 905 lekë, si edhe të ardhura neto nga pjesëmarrja si anëtar i Këshillit Drejtues të AKBN-së, 110 160 lekë.

Një shpërthim me tritol ka ndodhur sot qytetin e Shkodrës. Mësohet se si pasojë e shpërthimit të lëndës eksplozive, kanë mbetur tre persona të plagosur, identiteti i të cilëve nuk dihet ende.

Po ashtu e dëmtuar ka mbetur edhe një makinë tip fouristradë ku ishte vendosur edhe lënda eksplozive. Ngjarja ka ndodhur paraditen e sotme, në lagjen “Rus”.

Ende nuk dihen shkaqet e shpërthimit mirëpo policia ka nisur hetimet për të zbardhur ngjarjen.