Lista e detajuar me investimeve në fushën e plehrave është bërë publike nga ministria e Financave dhe investimet do të zgjasin deri pas vitit 2020.

Nga lista e investimeve 12 milionë lekë shkojnë për studimin dhe projektimin për mbylljen e venddepozitave ekzistuese të mbetjeve të ngurta në Durrës.

Gjithashtu një shumë prej 330 milionë lekësh do të përdoret për studimet e mbylljes së venddepozitimeve ekzistuese në qytetet e Sarandës, Cërrikut, Librazhdit, Belshit, Perrenjasit dhe Himarës, Shkodrës.

Rreth 450 milionë lekë do të shkojnë për menaxhimin e mbetjeve në Vlorë dhe 170 milionë lekë të tjera për venddepozitimin e mbetjeve në Bushat të Shkodrës.

Por më shumë se 74 milionë euro janë programuar të financojnë tre koncensionet që do të përpunojnë plehrat nëpërmjet metodës me incenerim.

Ekspertët e mjedisit janë duke hedhur alarmin se po krijohen mbiinvestime në ndërtimin e impianteve të përpunimit të mbetjeve me incinerator. Ndërkohë funksionimi i tyre është me kosto të larta në mjedis dhe në shëndetin e njerëzve.

Së pari, këto impiante emetojnë CO2 në mjedis më nivel më të lartë se aktiviteteve të tjera. Por përpunimi nëpërmjet djegies me incenerim krijon mbetje të rrezikshme që nuk kalojnë për trajtim të mëtejshëm dhe depozitimi i tyre është rrezik.

Por pavarësisht rrezikut nga mbiinvestimet ne përpunimin e plehrave me PPP, qeveria është duke bërë pagesa për investime që ende nuk janë bërë në sektor.

Nga 11 nëntori i vitit të kaluar deri në shtator të këtij viti, kompania Integrated Technology Waste Treatment Fier, që ka të drejtën e koncesionit për trajtimin e mbetjeve në Qarkun e Fierit, ka përfituar 4.8 milionë euro pagesa nga buxheti i shtetit, edhe pse problemi i tokës ku do të zhvillohet investimi ende nuk është zgjidhur e për pasojë, investimi nuk ka nisur.

Kompania kaloi një kalvar konfliktesh me komunitetin në Qarkun e Fierit, të cilët me protesta agresive nuk lejuan ndërtimin e impiantit në vendin që ishte planifikuar fillimisht në Mbrostar.

Avancimi i punimeve në lidhje me impiantin që do të përpunojë mbetjet nëpërmjet metodës së djegies me incenerator u pengua edhe për shkak të zgjedhjeve të përgjithshme të këtij viti. Për kreditë elektorale, funksionarët lokalë të Fierit premtuan se projekti për mbetjet mund të pezullohej, ndërkohë kompania është në kërkim të një vendi ku mund të zhvillojë investimin.monitor

Informacione të mbërritura nga Italia në Prokurori theksojnë se dy deputetët kanë probleme me gjurmët e gishtërinjve si dhe gjeneralitetet, më konkretisht, ndryshimi i emrit, për çka edhe dyshohet të kenë gënjyer në formularin e Vetëdeklarimit.

Burime nga KQZ thanë për report tv se po zhvillon një mbledhje konsulente lidhur me këtë çështje. Burime pranë KQZ bënë të ditur se nuk ka ende një datë zyrtare për mbledhjen, por do të shqyrtohet çështja e 5 rasteve, deputetët Aqif Rakipi dhe Gledion Rehovica, bashkë me rastet e Mamos, Fufit dhe Kaprit. Pra, KQX do të shqyrtojë 5 dosjet, si dhe u jep kohë deputetëve.

Nëse Komisioni Qëndror i Zgjedhjeve vendos t’u heqë mandatin dy deputetëve ata do të zëvendësohen nga të dytët në listën për kandidatë në Elbasan dhe Berat.

Përkatësisht Aqif Rakipi mund të zëvendësohet nga Florenca Halili, dhe ko kandidatët e tjetrë meshkuj të PDIU-së në Elbasan. Kjo pasi PDIU nuk e ka respektuar kuotën e barazisë gjinore.

Ndërsa deputeti i LSI-së në Berat, Gledion Rehovica zëvendësohet nga Silva Caka, gjithmonë nëse KQZ vendos për heqjen e mandatit të tij.

Sipas policisë, dy makina janë përplasur me njëra-tjetrnë në vendin e quajtur “Qafa e kongrazhdit”, duke shkaktuar plagosjen e pasagjerit që udhëtonte në njërën nga makinat e përfshira në aksident.

Polciia sqaroi se drejtuesi i “Benzi” që shjkaktoi aksidentin ishte i dehur në timon, i cili më pas u vu në pranga.

“Nga Specialistët për Hetimin e Aksidenteve të Policisë Rrugore, në Komisariatin e Policisë Mat, u arrestua në flagrancë shtetasi Skënder. Gj, 64 vjeç,  banues në lagjen nr. 11 Durrës.

Arrestimi i tij u bë pasi rreth  orës 18:00 në aksin rrugorë Burrel- Skuraj në vendin e quajtur “Qafa e kongrazhdit” duke drejtuar mjetin  tip “benz” me targa DR 7585 C, në ndikimin e alkoolit ka humbur kontrollin dhe është përplasur me mjetin tip  “Honda”,  me drejtues shtetasin S.D, 33 vjeç, banues në  Mat, dhe si pasojë ka marrë dëmtime të lehta pasagjeri P.S, 53 vjeç, banues në Mat.

Shtetasit Skënder.Gj, i është bërë testi i alkoolit me aparatin Drager, ku ka rezultuar me masën 0.72 mg/l.

Materialet hetimore i kaluan Prokurorisë Rrethit Gjyqësor Mat, për veprat penale “Shkelja e rregullave të qarkullimit rrugor” dhe “Drejtimi i mjetit në gjendje të pa rregullt”, parashikuar nga nenet 290 e 291. të Kodit Penal”, sqaron policia.

Në pranga ka përfunduar Laert Zhupa, 41 vjeç, banues në Tiranë, pasi akuzohet se vidhte telefona, portofola dhe çanta.

NJOFTIMI I POLICISË

Zbardhen një sërë vjedhjesh të ndodhura më parë, po nga ky person. Autori vidhte telefona, portofola, çanta.

Shërbimet e Komisariatit të Policisë nr.4 kanë arrestuar shtetasin:

• Laert Zhupa, 41 vjeç, banues në Tiranë,

Arrestimi i tij u bë pasi më datë 25.12.2017, rreth orës 19:30, në rrugën e “Dibrës”, në ambjentet e spitalit “Nënë Tereza”, dyshohet se i ka vjedhur një çantë me një sasi paketash në pronesi te shtetasit E.K., 16 vjeç, banues në Tiranë dhe një telefon në pronësi të shtetasit P.R., 63 vjeç, banues në Tiranë.

Gjatë kontrollit fizik iu gjet dhe sekuestrua në cilësinë e proves materiale;

Çanta e vjedhur dhe tre telefona celular të llojeve të ndryshme. Gjithashtu në vijim të veprimeve hetimore rezulton se ky shtetas dyshohet dhe si autor i ngjarjeve ndodhura si më poshte :

Më datë 12.11.2017, tek kryqëzimi i rrugës “Bardhyl” me rrugën “Odise Paskali”, dyshohet se i ka vjedhur çantën me një sasi lekësh, në automjetin tip ” Ford ” shtetasit R. K. Më datë 11.12.2017.

Në ambjentet e spitalit nr 5 Tiranë , dyshohet se i ka vjedhur telefonin në pronësi të shtetasit A.Gj. Më datë 15.09.2017, në autobuzin e linjes së unazes dyshohet se i ka vjedhur protofolin shtetasit M.M.

Policia po vijon punën për zbardhjen e plotë dhe dokumentimin ligjor e të tjera vjedhjeve që ky shtetas dyshohet se mund të ketë kryer.

Materialet i’u referuan Prokuorisë së Rrethit Gjyqësor Tiranë për veprime të mëtejshme.

Një motor i patrullës së policisë është përfshirë në një aksident në zonën e Stacionit të Trenit në kryeqytet.

Sipas të dhënave të para, për pasojë mbeti i plagosur rëndë një efektiv policie, ndërsa i lënduar ka mbëtur edhe një këmbësor.

Paraprakisht, mësohet se patrullës i doli përpara një i moshuar dhe për ta shmangur efektivi devijoi rrugën dhe u përplas. vijon…