Kryetari i Partisë Demokratike, Lulzim Basha, teksa ndodhej në një miting elektoral në Berat, ka sulmuar dy kundërshtarët e tij politik, PS dhe LSI, në lidhje me rritjen e tensionit mes tyre në ditët e fundit.

Duke dënuar dhunën dhe u uruar të shkuara të plagosurve, është shprehur se pushteti nuk merret me dhunë.

Sipas Bashës, qytetarët duhet të ndëshkojnë për këtë dhe qeverisjen e pafrytshme 4 vjeçare, partitë e vjetra të Republikës së Vjetër.

I bëj thirrje duke dënuar dhunën që ka shpërthyer mes PS e LSI. Duke i uruar shërim të shpejtë të plaguarve në spital, dua t’iu them partive të vjetra të ‘Republikës së Vjetër’: Pushteti nuk merret me dhunë, vetëm me votë, dhe se vota e qytetarëve do t’iu ndëshkojë për zullumet 4-vjeçare, vota e qytetarët do të jetë për qytetarët dhe vetëm për PD, vetëm nr 6”, – u shpreh Basha.

Për Milvën kam një lloj respekti meqë ka hijen e gruas punëtore që nuk bën shumë politikë dhe e njeh ekonominë.
Meqë dikur kam qenë i mirë në matematikë do i sugjeroja që ta ndryshonte postimin.
Thotë që 4 vjeçarin e ardhshëm do bëjnë 4 herë më shumë se në 44 muajt që kaluan.
E dashur ministre, zeron shumëzoje me cilindo numër që të duash përsëri zero del. 😀 😀 😀

Kreu i KQZ-së, Klement Zguri në një deklaratë për mediat i bëri thirrje qytetarëve dhe simpatizantëve të partive politike të distancohen nga çdo veprim i dhunshëm.

Zguri tha se duhet të respektohet vullneti i lirë i çdo qytetari.

Deklarata e Klement Zgurit:

Përfitoj nga ky moment për të drejtuar një apel publik për të gjithë votuesit apo simpatizantët e partive politike, për t’ u distancuar nga çdo veprim i dhunshëm që bie ndesh më të drejtat dhe liritë e individit dhe kuadrin ligjor për zgjedhjet në veçanti”.

Respektimi i vullnetit të lirë të çdo qytetari është standardi kryesor që ne duhet të plotësojmë në çdo fazë të procesit zgjedhor. Është shumë e rëndësishme që të arrijmë standardet më të larta zgjedhore, pasi ato janë elementi kryesor për përshpejtimin e proceseve integruese drejt familjes europiane.

Zbatimi me rigorozitet i gjithë kuadrit ligjor që buron nga Kushtetuta, Kodi Zgjedhor dhe ligjet e tjera që lidhen me procesin, dhe përmbushja me sukses e gjithë rekomandimeve të OSBE/ODIHR-it, mbeten detyrë thelbësore e çdo subjekti zgjedhor dhe agjencive ligjzbatuese, të cilët jo vetëm duhet të mos përfshihen politikisht në fushatë, por duhet të veprojnë me transparencë për zbardhjen e plotë të çdo incidenti. Zbardhja e plotë, e shpejtë dhe me transparencë e çdo incidenti, do të nxirrte në pah të vërtetën e do të shmangte çdo keqpërdorim të tyre.

Legjislacioni në fuqi e përcakton në mënyrë të qartë rolin e çdo institucioni në proceset zgjedhore, e në mënyrë specifike të institucioneve me rëndësi të veçantë, me qëllim që veprimtaria e tyre të mos bëhet pengesë për zhvillimin e zgjedhjeve të lira, të drejta, transparente dhe demokratike. Jam besimplotë se liderët politikë të të gjitha subjekteve zgjedhore do të ndërhyjnë në mënyrë energjike për të shmangur çfarëdo klime tensioni dhe të rrisin besimin e çdo simpatizanti dhe shqiptari te procesi zgjedhor.

Kreu i PD-së, Lulzim Basha ka zhvilluar një sërë takimesh me qytetarët e Kamzës, ku është ndalur nëpër disa biznese.

Basha foli për Kryeministrin Rama për të cilin tha se po fshihet pas keqeverisjes së tij në këto 4 vite.

E keni parë apo jo, futet si ata fëmijët e vegjël poshtë minderit, del prej andej me rroba të tjera, e thotë se sjam unë.

Po ti je, ti që shkaktove gjithë këto probleme. Shqiptarët nuk harrojnë, ti je autori”, tha Basha.

Ish-kryeministri Berisha ka publikuar një fotomontazh ku tregon Edi Ramën pranë një are me kanabis.

Ai e thumbon atë duke i zbuluar edhe arsyen e kërkimit të votës nga ana e Ramës.

Fotomontazh: Me jepni voten se… ja shteti qe po bej une, Noriega i Europes! Sb

Pas deklaratave të Ilir Metës nga Lezha, ka ardhur reagimi i Policisë së Shtetit.

Nëpërmjet një deklarate për shtyp, Policia e Shtetit thekson se hetimet për incidentin e ndodhur në Lezhë, ku u dhunua kreu i LSI-së për fshatin Raboshtë të Lezhës, po vazhdojnë.

Deklarata e Policisë së Shtetit

Keqardhje për sulmin e sotëm mbi Policinë e Shtetit nga ana e një lideri politik, lidhur me incidentin e ndodhur në Lezhë.

Ashtu sikundër e ka komunikuar me transparencë të plotë më parë, Policia e Shtetit përsërit se ka kryer të gjitha veprimet hetimore dhe nuk ka asnjë provë për prapavijën politike të incidentit. Pretendimet e personit të goditur po vazhdojnë të hetohen.

Por mbetet fakti që në deponimin e tij ai ka folur për persona të panjohur dhe nuk ka raportuar asgjë konkrete që te ngrihet dyshimi i arsyeshëm se incidenti është i motivuar politikisht.

Policia e Shtetit do të vazhdojë të kryeje me përgjegjshmërinë më të lartë profesionale detyrën e saj kushtetuese e ligjore dhe u bën thirrje të gjitha subjekteve e liderëve politikë të shmangin çdo përfshirje direkte ose indirekte të Policisë së Shtetit në retorikën e tyre elektorale.

Në postimin e tij në Facebook, kryeministri Edi Rama ka replikuar me komentuesit për statusin ku këroi ndjesë për deklaratën e tij ku u kërkonte policëve të mblidhnin vota.

Një komentues i thotë Ramës se duhet të kërkojë ndjesë edhe  për varfërinë, papunësinë, korrupsionin, kanabisin  etj.

Pjesë nga komentet e qytetarëve me Ramën në Facebook: 

Komentuesi 1 : tani ce po merr edhe fotbollistat ca i ke police gjithsesi ky eshte deshtimi i rradhes ska ne histori ti beje thirrje nje kryeminister policis te dali per fushate por kete vetem ti e ben ne fakt as ramiz alia se beri kte gje. gjithsesi do shohim edhe 9 dit ???

Rama: Ndue, une nuk marr fotbollistat, po fotbollistat flasin cfare kane ne zemer e para, dhe e dyta une nuk i bera thirrje policise te dale ne fushate o Ndue, por sidoqofte kerkova ndjese, kurse ti qe me permend mua Ramiz Aline bashke me Lulezimin tend e me te tjeret, jeni ndjere me mire ne Shqiperine ku vriteshin e sakatoheshin protestues dhe jo ndjese qe s’behej llaf, po jepeshin rroga shtese per qitje me plumb mbi miletin?TURP PER TY!

Komentuesi 2: Bravo! Politikan i koheve moderne! Tani mos e ndalo ndjesen, per varferimin , papunsine, korrupsionin, kanabisin, vazhdo me ndjesat.

Rama: Ah, jo sepse keto nuk i solla une po i gjeta dhe i luftova sa munda, prandaj sot ka me pak varferi, me pak papunesi, me pak korrupsion se 44 muaj me pare edhe pse ka ende shume per te bere, keshtu qe ti voto nr.✌️ qe te vazhdojme luften se ndryshe e sheh vete c’dmth kthim mbrapa?

Kandidati për deputet i LSI-së, Ralf Gjoni, ka publikuar një status në facebook ku replikon lidhur me statusin e Ramë ndaj Ilir Metës, për një intervistë të dhënë në TV grek ‘Star’.

Ai fton Ramën dhe mediat e tij që ta japin të plotë intervistën për të kuptuar më mirë se është pikërisht Rama dhe mediat e tij ato që gënjejnë.