Kreu i PD-së Lulzim Basha ka folur sot nga Vlora, qytet ky ku kryeministri Edi Rama është i gjashti në listën e kandidatëve për deputet, dhe e ka ftuar atë përsëri në debat publik për të folur për planet ekonimike për 4 vitet që do të vijnë.

Kreu i PD-së tha se me planin që ka partia e tij do të marrë fund emigrimi i madh i njerëzve por edhe do të ketë më shumë frymëmarrje për bizneset dhe fermerët.

E di që s’merr vesh fare nga ekonomia, e kuptoj që kjo ka lidhje me injorancën. U shite sapunin për djatht qytetarëve. Eshtë koha të dalësh para shqiptarëve në debat dhe t’u tregosh. E vetmja zgjidhje është plani im ekonomik, Republika e Re që po vjen. Plan ekonomik që është i ngjashëm me atë të Trump.

Ka frikë të përballet me të vërtetën dhe mendon se do ta çoj fushatën me gënjeshtra. Ka timonin pa motor, Timon lodër që të luajë në kurrizin tuaj.

Rama nuk i bën planet ekonomike për vendin por për veten e tij edhe në Vlorë ka ndodhur e njëjta gjë, ka thënë Basha, edhe sipas tij, Lungomarja është bërë për të rritur fitimet e Ramës dhe jo për Vlorën.

Ku e ka By Pass e Fierit? Nuk ka plan për Vlorën por plan për veten e tij, Lungo marja është plan për përfitimet e tij. Kush do sillte më shumë turistë ?

Rruga nga Rinasi në Vlorë apo Lungomarja. Së pari duhet ngritur By Pass pastaj aeroporti i jugut, dhe përmirësimi i portit të Vlorës. Zerimi i tvsh për paketat turisitkë për turistë jashtë vendit. Investime në infrastrukturë që ndihmojnë Vlorën. Investime në bujqësi. Bujqësia e Vlorës ëhstë lënë në mëshirë të fatit, do subvencionojmë fermerët.

Ministri i Bujqësisë, Edmond Panariti i ka kthyer përgjigje deputetit socialist Erion Braçe lidhur me deklaratat që Braçe ka lëshuar në drejtim të institucionit të Ministrisë së Bujqësisë.

Panariti e ka ironizuar Braçen duke i thënë të kujtojë kryetarët e bashkive të ujisin palmat e thara, dhe të mos merret me projekte që nuk janë të Braçes.

Postimi i Braçes:

Reagimi i Panaritit:

Çfarë komedie Zoti Braçe, kur shoh që paraqet si vepër tënden, projektin më të sukseseshëm të ujitjes e kullimit, të Ministrisë së Bujqësisë, atë projekt, i cili pas çerek shekulli shkretëtirë investimesh, pajisi me infrastrukturë moderne të kanaleve ujitëse, tokat bujqësore të Lushnjës dhe Fierit. Mijëra hektarë toka të zhuritura, u futën nën ujë për herë të parë dhe mijëra të tjera u rehabilituan dhe u pastruan nga llumi i baltës, por edhe i harresës. Brenda këtij viti, edhe 20.000 hektarë të tjera toka të thara, do të vendosen nën ujë. Një investim ky i paparë, që solli dyfish më shumë prodhim dhe eksporte bujqësore. E meqe jemi tek vaditja, kujtoni kryetarët tuaj të bashkive, të vadisin të paktën palmat e thara buzë rrugëve.

Ne vijim, po të dërgoj edhe disa foto, ndoshta jo aq artistike sa tuat, sepse ne kemi qenë gjatë gjithë kohës aty, ndryshe nga ti, që shkon në fund të punimeve, fotografon dhe i konsideron si merita tuat.

Ish-kryeministri Sali Berisha ka postuar në Facebook një foto të Spitalit Rajonal të Gjirokastrës.

Një mirëmëngjes nga një prind fëmije i sëmurë nga spitali i Gjirokastrës për Edi Ramen! -shkruan Berisha në statusin e tij.

Në foto duket pamja e shkatërruar e spitalin në repartin e Pediatrisë.

Statusi i Plotë i Sali Berishës:

Shoqata e Policëve në Lirimi, ka në reaguar me anë të një deklarate, në lidhje me vrasjen e ish-drejtorit të Policisë së Vlorës, Artan Cuku.

Sipas kësaj shoqate, arsyeja e kësaj vrasësje lidhet me detyrën e tij në Policinë e Shtetit, ndëkohë që kanë dënuar largimin nga puna të Cukut, duke e quajtur hedhje në rrugë.

Pas 20 vitesh karrierë, Artan Cuku u hodh në rrugë”, – thuhet në deklaratën në fjalë.

Komisioni Qendror i Zgjedhjeve ka reaguar ditën e sotme në lidhje me emërimet e komisionerëve të subjekteve politike në KZAZ-të në vend.

Në deklaratën e KQZ-së thuhet se partitë politike po neglizhojnë emërimet e komisionerëve, gjë që sipas tyre po shkon drejt shkeljes së çdo afati të parashikuar nga ligji, pasi sipas KQZ-së vetëm 10 ditë na ndajnë nga data e zgjedhjeve.

Në po të njëjtin reagim thuhet se në 62 KZAZ, ende nuk është emëruar asnjë komisioner, ndaj edhe ka bërë thirrje për reagimin e partive politike, dhe regjistrimin e komisionerëve.

Pas shkresës së zv.kryeministres Ledina Mandija, drejtuar ministrit të Transporteve Sokol Dervishaj, për të shqyrtuar rastet e punësimeve elektorale në kundërshtim me ligjin, ka reaguar edhe vetë Ministria e Transportit.

Në reagimin e tij, ministri Dervishaj shprehet i vendosur se do të kryhen të gjitha verifikimet e rasteve në fjalë, dhe se do të dënohet çdo ras i shkeljes së ligjit.

Për këtë ministri bën me dije se është ngritur një grup pune i cili do të shqyrtojë rastet në fjalë dhe të hetojë çdo rast të mundshëm.

Po ashtu Ministria e Transportit bën thirrje ndaj të gjithë nëpunësve që të denoncojnë çdo rast presioni të hasur për të marrë pjesë në fushata elektorale apo edhe për presione mbi votën.