Opinionisti Preç Zogaj në një intervistë për ‘Panorama’ ka analizuar listën e Bashës për zgjedhjet e 25 qershorit.

Zogaj është renditur i pesti në listën e Lezhës, por sipas tij ky është një lapsus.

Zogaj sqaron se nuk ka për t’i ndryshuar qëndrimet ndaj Bashës, për shkak të listës.

Pjesë nga intervista:

  ***

Z.Zogaj, në listat që PD publikoi në orët e para të mëngjesit të së shtunës, ju rezultonit i pesti në qarkun e Lezhës, por që nuk e konfirmuat këtë renditje. Si është e vërteta e kandidimit dhe renditjes suaj në Lezhë dhe a janë lëkundur marrëdhëniet tuaja me PD dhe Bashën, siç ka ndodhur këto dy-tri ditë me personalitete të tjera të PD?

Që ta nis nga fundi, as që më shkon ndër mend të ndryshoj qëndrimet mbështetëse ndaj Bashës, PD-së dhe opozitës për shkak të listës. Pavarësisht ndjeshmërive të larta që ngërthen ky moment në botën e politikës. Marrëdhëniet e mia me Bashën do të lëkundeshin apo ndërpriteshin fare vetëm nëse ai do të tërhiqej nga projekti i gjerë i demokracisë pjesëmarrëse dhe zgjedhjeve të lira, që përbëjnë thelbin e ndryshimit që ka thirrur në skenë koha e re e Shqipërisë; do të ndërpriteshin veç nëse, larg qoftë, do të ndodhte një thyerje në marrëdhëniet e PD-së me SHBA, një tërheqje apo shmangie nga ëndrra europiane, çfarë as ka ndodhur, as ka për të ndodhur. Për të ardhur te tema e nxehtë e listës, marrëdhëniet e mia me Bashën do të lëkundeshin vetëm nëse ai dhe PD do të kishin kohë për t’i renditur kandidatët me votë të fshehtë të anëtarësisë (me primare) dhe nuk do ta bënin. Por ne e dimë se kjo u bë e pamundur kësaj radhe për shkak të protestës tremujore për zgjedhje të lira e të ndershme. Zgjedhjet për vendin sigurisht që kanë rëndësi shumë më të madhe se zgjedhjet brenda partisë. Kur nuk i arrin dot të dyja, do të fokusohesh te më e rëndësishmja. Por zgjedhje me primare nuk bëri dot në kohën e mbetur as Koço Kokë- dhima me lëvizjen e tij “Zgjidhja”. Sepse të gjithë proceset hynë në mungesë kohe. Për të gjithë. Kjo është e vërteta. Të shpresojmë se, siç e tha vetë Basha, kjo është hera e fundit kur listën e bëjnë kryetarët.

Po e vërteta e kandidimit tuaj?

Më kanë thënë se ishte një lapsus. Një çrregullim numrash nga rirenditja për shkak të marrëveshjeve me aleatët.

Kush jua ka thënë, Basha?

Të parët ma thanë bashkëpunëtoret e tij me të cilët është konsultuar, me sa kuptova, për listën e Lezhës. I katërti, i pesti, i pesti, i katërti… Janë numra beteje për të luftuar në grup, nuk janë numra peshqeshi. Mua kjo më pëlqen. Sukseset e mia në politike janë të lidhura me sistemin maxhoritar. Me listat nuk kam pasur fat asnjëherë. Dhe le ta kuptojnë tani edhe shumë lexues, ndjekës, dashamirës apo edhe kritikë të mi, që më kanë komentuar shpesh këto vite: unë përpiqem të zhvilloj qëndrime, kauza dhe aspak t’u bëj fresk e t’u futen në gji shefave për interesa të vogla. Njerëzve të Bashës u kam thënë një gjë: nëse më doni në listë, mendoni për maksimalizimin e votës përmes meje, duke shfrytëzuar faktin se unë kam një marrëdhënie pozitive me zgjedhësit e lëkundur të zonës gri. Në maxhoritar këta zgjedhës më kanë votuar gjithnjë duke e ditur se vota e tyre shkon për mua. Në sistemin e sotëm, besoj se do t’i motivoja duke luftuar për një numër beteje të mundshëm për t’u fituar.

                                                           ***

Policia ka arrestuar 4 persona pasi u përfshin në një sherr masiv për motive pronësi.

Të arrestusrit janë: F. Pollo, 38 vjeç, D. Pollo, 40 vjeç, K. Ziflaj, 33 vjeç si dhe A. Ziflaj, 28 vjeç, të katër me banim në Ksamil.

Sipas policisë, pas konfliktit që kanë patur këta shtetas me njëri tjetrin, për çështje pronësia, policia i ka shoqëruar në komisariat ku përsëri janë konfliktuar fizikisht para Komisariatit të Sarandës duke kanosur njëri – tjetrin.

Kryetari i Partisë Demokratike, Lulzim Basha, ka zgjedhur qytetin e Fierit nga ku i ka bërë thirrje publike kreut të qeverisë, njëherësh kundërshtarit të tij politik, Edi Ramës, për t’u ballafaquar publikisht.

Sonte e ftoj këtu nga Fieri për një debat televiziv me kandidatin për kryeministër të republikës së re.  Edi Rama mund të shëtisës në Shqipëri duke treguar barcaleta, por nuk i çon dot 4 javë me barcaleta, eja në debat, bëj bilancin tënd, unë bilancin tim. Ti programin tënd unë programin tim dhe qytetarët të vendosin me votën e tyre.“, – tha ndër të tjera Lulzim Basha, duke shtuar se Ramën e ka zënë frika nga lista e Republikës së Re, ndaj edhe hedh baltë sa lart poshtë.

Po ashtu ai tha se qeveri në 4 vjet u mor me gjithçka përveç halleve të qytetarëve, ndërsa kjo do të marrë fund në 25 qershor.

Ish-kryeministri i vendit Sali Berisha, ka publikuar në rrjetin social Facebook, pamjet e demokratëve të helmuar në mitingun e hapjes së fushatës elektorale të Partisë Demokratike në Tiranë.

Mesazhi dhe fotot që berisha ka publikuar në Facebook vijnë nga një qytetar.

Ky është postimi i Berishës në Facebook:

Ndërsa zgjedhjet e kaluara kandidati i Partisë Demokristiane Hazbi Kasaj, mallkonte ata që nuk do e votonin për deputet, këtë herë ka ndryshuar strategji.

Para zgjedhësve në qarkun e Gjirokastër, ai vjen me premtimin e hapjes së shtëpive publike, dhe me zotimin se ata që do të kapen duke tradhëtuar jashtë shtëpive publike do të ju pritet organi gjenital.

Planin e tij Kasaj e ka bërë të ditur në një televizion lokal në Gjirokastër, përkatësisht në ‘Alpo Tv’.

Për më shumë ndiqni videon e mëposhtme:

Duket se nuk kanë të sosur problemet që po has brenda Partisë Demokratike, kreu i saj Lulëzim Basha.

Këtë herë ka qenë një nga kandidatët për deputet të PD-së në qarkun e Beratit, Lefter Maliqi, i cili si duket nuk është i kënaqur me rënditjen i treti në listë.

Për këtë me anë të një postimi në Facebook, Maliqi i bën thirrje kryedemokratit Basha, që të shkojë në Lapardha sa më parë për tu shpjeguar banorëve Republikën e Re dhe atë se kush do t’i përfaqësojë ata.

Ky është postimi i Lefter Maliqit në Facebook: