Ka përfunduar takimi i kreut të Aleancës Kuq e Zi Kreshnik Spahiu, me kryetarin e Partisë Demokratike Lulzim Basha.

Në dalje nga takimi me Bashën, Spahiu ka bërë një deklaratë të fuqishme, ku thotë se nëse nuk do të futet në listat e Partisë Demokratike, ai do të japë dorëheqje.

Po ashtu ai tha se i ka lënë kohë Bashës 60 minuta për të menduar rreth futjes së tij në listat e PD-së.

Ka pasur një bisedë me liderin e PD për të cilën nuk kemi rënë dakord. Kemi parashtruar disa parime të cilat unë nuk mund ti tradhëtoj përballë njerëzve që më kanë ndjekur për 6 vjet në protesta kundër PD-PS. Kemi rënë dakord që Bashatë konsultojë për një orë pretendimet e AK. Po kalojmë një situatë shumë të vështirë se unë si lider i AK futa me qindra aktivistë për rrëzimin e qeverisë Rama. Mbetëm i mendimit se në këto 60 minuta do rekleftohet. Në të kundërt nëse do ndihem i tradhëtuar jam i detyruar që pas një ore të jap dorëheqjen”, – deklaroi Spahiu.

Burimet mediatike bëjnë me dije se në selinë e Partisë Demokratike, ka mbërritur kreu i aleancës Kuq e Zi, Kreshnik Spahiu, i cili po zhvillon një takim me kreun e PD-së, Lulzim Basha.

Sipas të dhënave paraprake bëhet me dije se takimi në fjalë, i cili vjen pas atij Basha-Mediu, po mbahet për të diskutuar mbi koalicionin e AK me PD-në.

Në zgjedhjet e 25 qershorit nuk do të ketë koalicione, kjo sipas marrëveshjes së 18 majit.

Kryeministri i vendit Edi Rama, zgjodhi qytetin e Fierit për tu dhënë përgjigje të interesuerve mbi koalicionin e mundshëm PD-PS pas zgjedhjeve të përgjithshme të 25 qershorit.

Mos dëgjoni fare. Ne jemi marrë vesh vetëm për një gjë. Ja sheshi, ja mejdani dhe pastaj vendos populli se kush do mbajë timonin e reformave për 4 vitet e ardhshme”, – Deklaroi kryeministri Rama.

Pas marrëveshjes së datës 18 maj me kryeministrit të vendit Edi Rama dhe kreut të Partisë Demokratike Lulzim Basha, zëra të ndryshëm flasin për një koalicion të mundshëm pas zgjedhor, ndërkohë që qeverinë gjysmëteknike e quajnë si bashkëqeverisje PS-LSI-PD.

Ka përfunduar para pak çastesh takimi mes dy krerëve të dy partive kryesore opozitare, atij të Partisë Demokratike Lulzim Basha, dhe të Partisë Republikane, Fatmir Mediu.

Takimi në fjalë është mbajtur në vazhdën e negociatave për marrëveshjen e hyrjes në zgjedhje, ndërkohë që pas përfundimit të tij, Mediu në një prononcim për media është shprehur se takimi në fjalë ishte më pozitiv se takimi i zhvilluar në orët e drekës.

Po ashtu Fatmir Mediu dha se është lënë e hapur mundësia për një takim tjetër, ndërkohë që nuk janë dhënë detaje nga bisedimet.

Pas marrëveshjes Rama-Basha, partitë e vogla aleate të dy palëve kanë shprehur pakënaqësitë e tyre, e tashmë po negociojnë për të arritur në një ujdi mes tyre dhe partisë së madhe përfaqësuese, përkatësisht PD-ja dhe PS-ja.

Lidhur me këtë kreu i PArtisë Republikane Fatmir Mediu po zvillon takimin e 2 me liderin e opozitës, njëherësh kryetari i PD-së Lulzim Basha.

Pas të marrëveshjes PD-PS, në të cilën nuk parashikohen koalicionet parazgjedhore, PR-ja është regjistruar ditën e sotme për të marrë pjesë e vetme në zgjedhje.

Ky është takimi i dytë Basha-Mediu brenda pak orësh.

Pas daljes së ligjit të ri sipas të cilit televizionet detyrohen të japin reklamat e partive lidhur me fushatën zgjedhore, pa pagesë, ka bërë që të reagojnë mediat audiovizive shqiptare me një deklaratë drejtuar KQZ-së, AMA-s dhe OSBE-së.

Në deklaratë kërkohet që të rishikohet ky ligj pasi sipas tyre ka kontradita me ligjet e mëparshme dhe se Kodi Zgjedhor prevalon mbi ligjin për partitë politike, dhe se ligji i ri ka kontradita me ligjet e mëparshme, për këtë televizionet thonë se janë konsultuar me juristë dhe avokatë.

Televizionet kërkojnë nga partitë të respektojnë Kodi Zgjedhor.

Prokuroria e Tiranës ka pushuar hetimet për Robert Kullën i cili akuzohej për grabitjen e një banke të nivelit të dytë në zonën e ish-bllokut në gusht të vitit 2016.

Arrestimi i tij erdhi pasi policia i gjendi shuma të mëdha parash, por pas përfundimit të hetimeve rezultoi se Kulla nuk kishte lidhje me vjedhjen e bankës.

Monika Kryemadhi, zv/kryetarja e LSI-së, ishte e ftuar në emisionin ‘Të pa ekspozuarit’ dhe ndër të tjera ka thënë se:

Të gjithë emërimet që janë bërë në arsim përmes portaleve janë të paligjshme”.

Por Kryemadhi nuk i la me kaq akuzat kundër arsimit dhe politikave jo në përputhje me ligjin që zbatohen për emërimet në atë sektor, duke shtuar se ‘tani do të bëjnë të ligjshme atë proces që për katër vite ka qenë i paligjshëm.’

Po shkatërrojmë shkollat e mesme, kemi shkatërruar universitetet me ligjin për arsimin e lartë. E di se çka ndodhur? Në banjot e drejtorive arsimore janë gjetur deri në 150 mijë euro, pyesni Sajmir Tahirin se tani është më i qetë dhe mbase flet. Kontrolloni drejtorët e drejtorive arsimore dhe shikoni si janë bërë emërimet”, është shprehur mbrëmë zv/kryetarja e LSI-së, Monika Kryemadhi.