Zjarr Televizion se fundmi eshte vene serish ne qender te vemendjes nga mediat nderkombetare per risine qe solli ne boten e televizionit. Nje nder videot qe eshte shperndare masivisht nga mediat nderkombetare vazhdon te shperndahet masivisht ne te gjithe boten duke numeruar mbi 2milion shikime!
“Shqipëria që duam” e ka nisur fushatën e saj të blerjes së votave, këtë herë jo me para kanabisit, por me thasë mielli.
Kanë raportuar se gjatë ditës së sotme, furgonë me logon e PS-së dhe sloganin e tyre “Shqipëria që duam”, kanë nisur që të shpërndajnë miell.
Fotoja që shikoni është bërë mesditën e sotme në Delvinë .
Por sa po blihet vota duke përdorur thasë mielli? Siç kanë treguar qytetarët, jepet një thes mielli në këmbim të 4 votave. Kështu i bie që një familje mesatare shqiptare të blihet me një thes mielli me qëllim që të japë votën për PS-në që kjo e fundit të bëjë “Shqipërinë që duam” ose që duan ata.
Marre nga SYRI.net.
Vlorë
Policia ka arrestuar në flagrancë për kultivimin e bimëve narkotike, shtetasin:
– F. I., 26 vjeç, banues në fshatin Mërtiraj, Vlorë.
Policia ka bërë arrestimin e tij pasi ditën e djeshme, në bazë të informacioneve të marra në rrugë operative shërbimet kanë bërë të mundur kapjen e tij në vendin e quajtur “Përroi i Kaminave” në fshatin Mërtiraj- Bashkia Selenicë, në afërsi të dy parcelave ku ishin kultivuar 60 bimë narkotike të llojit Cannabis Sattiva, me gjatë 20 cm deri ne 40 cm, të cilat u asgjësuan me shkulje dhe djegie.
Materialet iu referuan Prokurorisë për veprën penale “Kultivimi i bimëve narkotike” parashikuar nga neni 284 i Kodit Penal.
Ndonëse të ardhurat buxhetore kanë shënuar një ecuri pozitive në katër muajt e parë të vitit, me një rritje prej 6.6% në raport me faktin 2016, të hyrat nga TVSH e brendshme, një tregues direkt i konsumit të ekonomisë nuk kanë qenë kaq të mbara, duke shënuar dhe tendencë negative.
Sipas të dhënave të detajuara të Ministrisë së Financave, të ardhurat nga TVSH e brendshme për 4 mujorin u rritën me vetëm 1.5% në 11.7 miliardë lekë, duke qenë 12%, apo 1.5 miliardë lekë më pak se plani. Duke pasur parasysh se rritja ekonomike është mbi 3% dhe inflacioni rreth 2%, performanca e TVSH-së ka qenë minimale.
Ndërsa në prill, ecuria ka qenë tepër negative, teksa të ardhurat nga TVSH e brendshme kanë rënë me 7.3%, apo me 196 milionë lekë më pak se prilli 2016, apo rreth 23% më pak se plani i muajit prill.
Ka qenë TVSH në dogana ajo që ka shpëtuar këtë zë, duke u rritur me 856 milionë lekë dhe duke rezultuar gati 12% më shumë se plani, të ndihmuar nga rritja e çmimeve të mallrave në bursat ndërkombëtare.
Në total, performancën më të mirë tatimore për 4 mujorin e ka shënuar tatim fitimi, që ka tejkaluar planin me 3.4 miliardë lekë, dhe taksat nacionale me +1.8 miliardë lekë, që kanë mbuluar mosplotësimin e planit me 1.5 miliardë lekë të TVSH-së së brendshme.
Në një tjetër tregues të konsumit të dobët, ekspertët e këmbimit valutor kanë konstatuar se një nga arsyet e zhvlerësimit të euros muajt e fundit lidhet me faktin që ka mungesë të likuiditetit në lekë nga bizneset, si rrjedhojë e aktivitetit të dobët ekonomik.
Si rrjedhojë, bizneset po konsumojnë rezervat e tyre në valutë. Të dhënat e Bankës së Shqipërisë tregojnë se niveli i depozitave në valutë për korporatat jo financiare ka rënë me 42 milionë lekë në shkurt-mars të këtij viti, tkurrja më e lartë në më shumë se një vit (shiko grafikun Depozitat në euro të korporatave jofinanciare private).
Kjo është një mënyrë për të mbuluar mungesën e likuiditetit pohojnë ekspertët e tregut, ndërsa forma tjetër është përmes emetimit të borxheve. Rënia e shitjeve të bizneseve, automatikisht sjell dhe më pak të ardhura nga TVSH e brendshme.
Marrë nga Monitor.al
Janë gjetur nga policia 7 pako me kanabis të hedhura në det. Pakot ishin vetëm 5 milje larg bregut, në Kallm.
Policia nuk di ende se kush i ka hedhur pakot me kanabis në det por nga hetimet paraprake mendohet se lidhen me trafikun e kanabisit që bëhet me gomone nga deti.
Pesha e përgjithshme e lëndës narkotike është 64, 5 kg.
Po hetohet për identifikimin dhe kapjen e autorëve të ngjarjes.
Ndërsa materialet i kaluan Prokurorisë së Tiranës për veprën penale” Trafikimi i lëndëve narkotike”.
Ministri i Brendshëm, Dritan Demiraj do të zhvillojë një takim me Prokurorin e Përgjithshëm, Adriatik Llalla.
Demiraj zhvilloi një takim ditën e djeshme me krerët e policisë së shtetit, ku prezantoi 3 prioritetet kryesore dhe paralajmërimet ndëshkuese për efektivët e policisë që do shkelin ligjin.
Policia ka arrestuar drejtorin e një shkolle në Berat me akuzën se ngacmonte seksualisht dy nxënëse të shkollës, në ambientet e zyrës së tij.
Sipas policisë, i arrestuari është Yzedin Hajdari, 59 vjeç, drejtor në shkollën ‘Babë Dudë Karbunara’ në Berat.
Materialet i kaluan Prokurorisë së Beratit për veprat penale, ‘Ngacmim seksual’ dhe ‘shpërdorim detyre’.
Çështja e ndërtimit të ‘Velierës’ në Durrës, është rikthyer për gjykim në Gjykatën Administrative.
Palët në proces kanë paraqitur dokumentat përkatëse.
Aktivistët e shoqërisë civile së bashku me avokaten Mirela Jorgo, kanë thënë se nëse kjo çështje nuk merr zgjidhje në gjykatat shqiptare, atëherë ata do t’i drejtohen Gjykatës së Strasburgut.
Ministri i Punëve të Brendshme Dritan Demiraj ka zhvilluar një takim me drejtuesit kryesorë të Policisë në Drejtorinë e Përgjithshme të Policisë së Shtetit, ku përcolli disa mesazhe dhe shpalosi prioritetet kryesore të mandatit të tij.
Gjatë takimit Demiraj ka theksuar tre prioritetet:
Garantimi i një procesi zgjedhor me standarde të larta profesionale .
Ashpërsimi i luftës kundër kanabisit .
Forcimi i sigurisë dhe rendit publik gjatë sezonit turistik .
