Ambasadori i Austrisë e ka cilësuar shumë të rëndësishme për zbatimin e reformës në drejtësi, marrëveshjen Rama-Basha për zgjidhjen e ngërçit. Johan Sattler shpjegoi se përveç stabilitetit dhe mundësisë së zgjedhjes përmes votës nga ana e shqiptarëve, arritja e marrëveshjes do të çojë para reformën në drejtësi.

Marrëveshja PS-PD do të çojë para reformën në drejtësi. Kështu e komentoi arritjen e dakordimit për zgjidhjen e krizës politike Ambasadori i Austrisë Johann Sattler.

Diplomati austriak e cilësoi si shumë të rëndësishëm hyrjen në zgjedhje të shumë forcave politike dhe hapjen e rrugës për reformën në drejtësi.

Johann Sattler: Zgjedhjet janë esenca e demokracisë dhe arritja e  marrëveshjes mes dy partive të mëdha është kontribut me rëndësi. Shqiptarët meritojnë të kenë mundësi të gjerë zgjedhje mes forcave politike, Shqipërisë i nevojitet stabilitet, dhe arritja e marrëveshjes është një zgjidhje shumë e mirë për të arritur stabilitetin. Shqipëria ka shumë nevojë për reformën në drejtësi, dhe jam shumë i lumtur që kjo marrëveshje përmban dhe direktiva për të çuar para reformën në drejtësi.

Deklaratat e Ambasadorit të Austrisë u bënë nga Fieri pas takimit që pati me kryebashkiakun Subashi.

Johan Satler ishte i ftuar në aktivitetin ‘Hajt dalim nga Myzeqeja’ që promovon potencialet ekonomike, kulturore e turistike në funksion të zhvillimit të zonës. ///

Web: http://zjarr.tv/
Facebook: http://ift.tt/1Nj96ih
Youtube: https://youtube.com/c/ZjarrTelevizion

Java e 35-të e Kategorisë Superiore mund të përcaktojë fatet e titullit kampion. Kukësi kryesues do të përballet në stadiumin “Zeqir Ymeri” me Skënderbeun e vendit të dytë. Tirana luan për mbijetesë kundër Luftëtarit. Sfidë mjaft interesante është edhe ajo mes Flamurtarit dhe Laçit

Një sezon në vetëm 90 minuta. E tillë parashikohet supersfida mes Kukësit dhe Skënderbeut që do të zhvilohet në stadiumin “Zeqir Ymeri”. Blutë kryesojnë renditjen dhe nuk e kanë provuar shijen e humbjes prej 34 takimesh dhe një sukses ndaj korçarëve do ti shpallet matematikisht kampion të Shqipërisë për herë të parë në historinë e klubit.

Trajneri Ernest Gjoka e ka të plotë grupin e lojtarëve dhe me shumë gjasa do të rreshtojë nën skemën klasike 4-4-2 këtë formacion titullar. Në kuadrat Koliçi, 4-ja difensive do të formohet nga hallaçi, Shameti, Alla dhe  njëri mes Imamit dhe Rrumbullakut. Mesfusha me shumë mundësi do të plotësohet nga Karioka, Musolli, Lena dhe Kale ndërsa Emini do të vendoset pas krahëve të Pero Pejicit.

Në anën tjetër tekniku i kampionëve të vendit  Ilir Daja ka vetëm një shqetësim i cili ka të bëjë me gjëndjen fizike të Hamdi Salihit, megjithatë pritet që sulmuesi të jetë i gatshëm për këtë superduel. 11-të titullarët e bardhekuqve me shumë mundësi do të formohet nga këta element. Në  portë kapiteni Shehi, 4-ja difensive do të plotësohet nga Vangjeli, Radas, Jashanica dhe Mici. Diga në mesfushë do të përbëhet nga Orelesi dhe Osmani, ndërsa Gavazaj, Adeniyi dhe Latifi do të rreshtohen pas krahëve të Saliihit. Një duel deri në grimcën e fundit të energjive pritet të jetët ai i ” Zeqir Ymeri” ku do të përcaktohet jo pak përsa i përket luftës për titullin kampion. Kukësi aktualisht ka vetëm një pikë  më shumë se Skënderbeu në renditjen e Kategorisë Sueperiore.

Një tjetër duel mjaft interesant pritet të jetë ai i qytetit të Vlorës mes Flamurtarit dhe Laçit. Të dyja skuadrat po duelojnë për të siguruar një vend mes më të mirëve edhe edicionin e ardhshëm. Danilo Alves është mungesa kryesore në rradhët e kuqezinjve, megjithatë nuk është vetëm ky shqetësim në rradhët e bregdetarëve, pasi ditët e fundit situata është ndërlikuar së  tepërmi për shkak të bojktotit të një pjese të futbollistëve. Ndërkohë kurbinasit vijnë të plotë në këtë duel, ku do ti mjaftonte edhe në pikën e vetme.

Tirana pret Luftëtarin në “Selman Stërmasi” Bardheblutë që janë të përfshirë më shumë se kurrë nga hijet e kategorisë së parë nuk kanë alternativë tjetër përveç fitores. Karabeci nuk është i disponueshëm për shkak pezullimi. Teuta-Vllaznia është një tjetër sfidë që mund të shënojë fatet e të dyja skuadrave. Ekipi që merr fitoren projektohet drejt vendit të 4-ët. kurse skuadra që nuk siguron suksesin rrezikon rënien e drejtëpërdrejt në kategorinë e parë. Të dielën Partizani ka një sfidë pa shumë ndërlikimie në letër kundër Korabit.///

Web: http://zjarr.tv/
Facebook: http://ift.tt/1Nj96ih
Youtube: https://youtube.com/c/ZjarrTelevizion

Proçesi i Legalizimeve në qarkun e Beratit,që po vijon të kryhet që prej vitit 2006,ka mundësuar vetëm legalizmin e 3 000 objekteve,ndërkohë që në total janë 9 000 aplikime dosjesh për legalizim në të gjithë qarkun,por ky proçes është totalisht i bllokuar në zonat muzeale dhe arkeologjike. Lajmin e bën të ditur Drejtori i Aluizmit në qarkun e Beratit,Përparim Sina,i cili deklaron se,për shkak të të qënit qytet muze,asnjë objekt i ndërtuar në zonat arkeologjike,në zonat muzeale dhe në zonën “Tampon” të Beratit nuk është legalizuar për shkak se është në varësi të Ministrisë së Monumenteve të Kulturës. Sipas Sinas,Berati si qytet nuk është trajtuar deri tani në masën e duhur me legalizime. Sina deklaron se,proçesi i legazimit në qarkun e Beratit është përqëndruar vetëm në 13 zona rurale të qarkut dhe po trajtohen në mënyrë specifike zonat informale,ku ky proçes është më i lehtësuar për shkak të kritereve kualifikues.Zona më problematike në të gjithë qarkun është lagjia “Uznovë”,dikur ish Ndërmarrje Bujqësore dhe ku ende sot banorët nuk kanë çertifikatë pronësie mbi tokat edhe pse i kanë poseduar ato në bazë të ligjit 9501. Sina deklaron se,në lagjen “Uznovë” legalizimi është përqëndruar vetëm në objektet brenda qendrës,e quajtur ndryshe “zona qytetare” e kësaj lagjeje periferike pasi këtu ka pasur një ngërç shumë-vjeçar dhe problematika ka qenë hipotekore. Sina pohon se,në këtë lagje të Beratit,nuk mund të merrej asnjë dokument pronësie për shkak se e gjithë zona ishte e paazhornuar dhe në këtë mënyrë ishte e pamundur dhënia e lejeve.

Megjithë problematikat që paraqet qarku i Beratit për shkak të ndërtimeve të kryera pa kriter pas viteve ’90,Drejtoria e Aluizmit konfirmon se,proçesi i legalizimit të objeketeve,dosjet e të cilave janë në sistem dhe janë azhornuar e verifikuar nga specialsitët,do të përfundojë në fundit të këtij viti.

Web: http://zjarr.tv/
Facebook: http://ift.tt/1Nj96ih
Youtube: https://youtube.com/c/ZjarrTelevizion