Gjatë mbledhjes së sotme që bëri kreu i PD-së, Lulzim Basha, me krerët e degëve të PD-së nëpër rrethe u vendos që opozita dë të zhvilloj tjetër protestë masive në Tiranë.

Protesta pritet të zhvillohet të shtunën e ardhshme, më 13 maj në orën 12:00.

Në këtë mbledhje kanë qenë të pranishëm edhe Edmond Spaho, Edi Paloka dhe Arben Ristani, ku u diskutua për orgazimin e protestës së 13 majit.

Protesta do të zhvillohet ps tërheqjes së kandidatit të PS-së nga Kavaja, ku ishte parashikuar protesta nëse maxhoranca do të zhvillonte e vetme zgjedhjet nesër.

Kryetari i Partisë Demokratike, Lulzim Basha, ka folur nga çadra ditën e somte lidhur me tërheqjen e kandidatëve të PS-së në zgjedhjet e Kavajës.

Nuk kam ndërmend të zgjatem në këtë të vërtetë por dua të them se tërheqja e zgjedhjeve nga Edi Rama në Kavajë është vetëm rezultat i betejës dhe qëndresës suaj për të mos lejuar monizëm të diktuar nga droga dhe krimi. Asgjë tjetër nuk do të ndodhte përveç një gare fasadë. Pas presionit publik ata kandiduan përkëmbësin e Elvis Roshit. Bandat e krimit kishin bërë gjithçka gati për një masakër në Kavajë – tha Basha

Policia a Tiranës ka arrestuar një 44-vjeçar sepse u kap duke tregtuar mallra kontrabandë.

Sipas policisë, i arrestuari është Erand Shala, 44 vjeç, i cili ishte regjistruar me NIPT si shëtitës, me qëllim shmangien e tatimit mbi vlerën e shtuar, për produktet të cilat i importonte nga Kina.

Mallin kontrabandë e mbante në shqëpinë e tij në një magazinë të përshtatur.

Pas kontrollit policor iu gjetën tre vula të falsifikuara, 692 kg letra të lagura me logo të ndryshme, 23.600 prerëse për thonjtë, 21.400 termometra trupi, 4320 termometra ambienti, 1200 matësa tensioni, 9 mijë erashka plastike dhe druri, 30 mijë karfica, 36 mijë shishe me biberon për fëmijë, 7 mijë kuti domino dhe 1235 shishe 180 ml me ilaç për mushkonja.
Shala akuzohet për “Tregëtim dhe trasportim të mallrave që janë kontrabandë, falsifikimi i vulave, i stampave ose i formularëve, fshehje të ardhurave, krijim të skemave mashtruese lidhur me tatimin mbi vlerën e shtuar”.

Mes ishullit të Sazanit dhe gadishullit të Karaburunit është gjetur një person i pajetë, mëngjesin e sotëm.

Nuk dihet ende identiteti i trupit të pajetë që është parë fillimisht nga peshkatarët.

Policia po dyshon se bëhet fjalë për një nga personat e zhdukur së fundmi në Vlorë.

Policia në Fier ka sekuestruar rreth 80 kg drogë mëngjesin e sotëm dhe një person është arrestuar.

I arrestuari është Fabian Tomorri, 30 vjeç, banues në fshatin Velmish, Roskovec.

Sipas policisë, Në dalje të qytetit të Roskovecit, në orën 04:00, mbi bazën e informacionit të marrë, u ndalua mjeti furgon i tipit “Fiat”, me targa AF 670 RB.

Nga kontrolli i ushtruar në mjet në pjesën e pasme u gjetën dhe sekuestruan në cilësinë e provës materiale një sasi materiali bimor i dyshuar lëndë narkotike Cannabis Sattiva e ndarë në 73 pako të mbështjella me natriban me peshë rreth 78 kg.

Nga hetimet doli se lënda narkotike kishte për destinacion Italinë.

Policia sekuestroi  78 kg lëndë narkotike e dyshuar Cannabis Sattiva, automjeti tip “Fiat” dhe 3 aparate telefoni celularë.

Po hetohet për identifikimin dhe kapjen e autorëve të tjerë të përfshirë në këtë ngjarje.

Materialet i kaluan Prokurorisë së Fierit për veprat penale “Prodhimi dhe shitja e narkotikëve”, “Trafikim i lëndëve narkotike” i mbetur në tentativë dhe “Trafikim i mjeteve motorike”.