Presidenti Bujar Nishani i ka dhënë shtetësinë shqiptare ish-kryeministrit të Kosovës dhe liderit të Aleancës për Ardhmërinë e Kosovë, Ramush Haradinaj dhe bashkëshortes së tij, Anita Haradinaj.
Dekreti është firmosur sot nga kreu i shtetit shqiptar.
‘Në mbështetje të nenit 92, pika “c”, dhe nenit 93 të Kushtetutës, si dhe nenit 9, pika 7, e nenit 20 të ligjit nr. 8389, datë 05.08.1998, “Për shtetësinë shqiptare”, të ndryshuar, u jepet shtetësia shqiptare me kërkesë të tyre personave të Ramush Hilmi Haradinaj dhe Anita Mustafë Haradinaj’, – thuhet në dekretin e presidentit për shtetësinë e Haradinajt.

Policia ka gjetur 800 kilogramë drogë të hedhur në det.
Droga është gjetur ndërmjet ishujve te Fanit dhe Otrantos.
Policia greke ka pikasur një mjetë lundrues të dyshimtë dhe e kanë ndjekur për disa orë.
Për t’i shpëtuar policisë trafikantët e kanë hedhur në det sasinë e kanabisit dhe janë largaur.
Këtë javë kjo është sasia më e madhe e drogës që tentoi të kalonte në shtetin grek por që është kapur nga policia/

https://www.dailymotion.com/video/x5ji87o_kapen-800-kg-droge-ne-det_news

Pas protestës së opozitës ditën e sotme, ambasadori i SHBA-së në vendin tonë mësohet se është duke zhvilluar një takim me kryedemokratin Lulzim Basha në selinë e PD-së.
Opozita zhvilloi ditën e sotme një protestë paqësore për rreth një orë ku u bllokuan disa akse kryesore të vendit.

Kritikat për Kryeministrin Edi Rama pas deklaratve për bashkim kombëtar nuk kan të ndalur.
Pas zyrtarëve të lartë të BE-së, dhe ambasadorit amrikan në vendin tonë dhe në Kosovë, të cilët i quajtën deklarata e Ramës si të papërgjeshme, ka reaguar dhe komisioneri Johannes Hahn.
Në një intervistë për Politico, Hahn ka deklaruar se deklaratat për ndryshim kufijsh janë të papranueshme jo produktive.
Nëse dikush mendon se mund të bëjë presion me deklarata të tilla, gabohet. Deklaratat për ndryshim të kufijve janë kundër produktive dhe të papranueshme”, deklaroi Hahn për “Politico”.

Protesta 1 orëshe e opozitës në Tiranë është duke gjetur pasqyrim të gjerë në mediat ndërkombëtare.

Që nga ato, italiane, greke dhe deri në SHBA kanë pasqyruar protestën e sotme 1 orëshe dhe paqësore të zhvilluar në Shqipëri.

Ajo që vihet re në shkrimet e medieve ndërkombëtare është fryma pozitive me të cilën shikohet protesta në Tiranë, ndërsa vend të veçantë ka zënë fakti se nuk kishte asnjë lloj incidenti.

Punonjësit shqiptarë janë punëtorët më pesimistë në Europë, sipas një raporti të Komisionit Europian lidhur me perspektivën e avancimit në karrierë.
Vetëm 1/3 e të anketuarve kanë pranuar se kanë një perspektivë të mirë për të ecur në karrierë. 40% e tyre mendojnë se nuk kanë mundësi për të ecur para në punë.
Shqiptarët renditen ndër më të pamotivuarit së bashku me shtete të tjera si Greqia, Gjermania, Sllovakia, Serbia, Lituania dhe Italia, që renditet e fundit.
Në të gjithë Europën, diferencat sipas gjinive janë të vogla; megjithatë, më shumë meshkuj sesa femra pranojnë që puna e tyre ofron perspektivë të mirë në karrierë (40% kundrejt 36%).
Në të kundërt, më shumë femra sesa meshkuj janë pesimistë për ecjen përpara në karrierë: 42% krahasuar me 36%. Këto diferenca janë më të theksuara te punonjësit e vjetër, veçanërisht femra (51% a atyre mbi 50 vjeç).
Ka diferenca të mëdha mes sektorëve, ku shërbimet financiare janë më optimiste për avancimin në karrierë (55%), ndërsa transporti (33%) dhe bujqësia (29%) kanë më të ulëtin.
Administrata publike dhe shërbime të tjera janë mbi mesataren për sa i përket këtij treguesi (43% dhe 39% përkatësisht) por industria (37%) dhe tregtia e mikpritja (35%) janë nën mesataren.
Për sa i përket profesionit, shumica e menaxherëve bien dakord me deklaratën që puna e tyre ofron perspektivë të mirë për zhvillimin në karrierë. Gjithsesi, punonjësit e kategorisë së ulët dhe ata të krahut të makinerive nuk bien dakord.

Marrë nga Monitor.al/

Kreu i Partisë Demokratike, Basha, gjatë fjalës së tij te çadra e lirisë para kryeministrisë ka sulmuar sërish mediat pro qeverisë.
Në hyrje të fjalës së tij, kryedemokrati përmendi Top Channel, që po qarkullon lajmin e një ‘port-haleje’ evropiane për të trembur dhe frikësuar qytetarët.
Basha deklaroi se Top Channel nuk ka shkuar aq larg, por po përdor këtë ‘port-hale’ siç e cilëson ai ‘Eureporter’, për të kujtuar ’97-ën.
‘Top Channel sot riqarkullon lajmin e një port-haleje evropiane, nga një farë Martin Bengs, që unë e kritikoj se ka dhe media që janë fare pastaj, media tualet totale, me ato s’merrem fare une se s’janë media. Ato janë banjot, uturaku ku ulet kryeministri. Këta që i kritikoj, i kritikoj sepse mendoj që ka një shpresë, që mos t’i ulet prapanica kryeministrore, e kupton, se ato tjerat janë oturaku i kryeministrit.
Oturakët e kryeministrit na i kanë shpallur dhe portalin zyrtar të BE. Top Channel nuk ka shkuar aq larg, por na evidenton këtë dhe na e përdor këtë farë Martin Zhargen e port-hales së ‘Eureporter’ për të trembur shqiptarët dhe për të amplifikuar thirrjet e Edi Ramës dhe qehajave të tij për të frikësuar popullin e për të kujtuar ’97-ën’, tha Basha.
Sipas Bashës, Top Channel publikon vetëm lajmet që i shkojnë për shtat Raës, pasi nëse ka vendosur të publikojë çdo lajm, duhet të botojë edhe atë të revistës ‘Forbes’, ku shkruhet se kryeministri Edi Rama e ka kthyer Shqipërinë në qendër të trafikut të drogës.
‘Në qoftë se vendos të botosh çdo lajm, pse nuk boton ‘Forbes’, se Top Channel ka dhe ca njerëz që dinë anglisht, ndonjëri dhe ka jetuar në Angli, e di se kush është ‘Forbes’ apo jo. Çfarë thotë ‘Forbes’, ja t’ia themi, se ja thamë dje por nuk zë mend. ‘Edi Rama ndërtoi një ndërmarrje kriminale në vend, që e ka kthyer Shqipërinë në qendrën e trafikut të drogës’.
Mediat janë të kapura me republikën e vjetër. Asnjë taktikë e republikës së vjetër, që nis zhagen drejt Evropës, për të bërë propagandën e port-hales së madhe këtu, nuk e zmbraps një popull të bashkuar, që nuk është ngritur në këmbë. Këta që bëjnë këtë lloj propagande, që nuk e shohin drogën e krimit. Të gjithë këta janë ose të papërgjegjshëm ose të zhages.’ – theksoi Basha.