Kreu i PD-së, Basha i është përgjigjur kryeministrit Rama në lidhje me takimin e pritshëm.

Pak më parë, Rama shkruaji në Facebook se kishte 3 ditë që priste Bashën, ndërsa ky i fundit duke folur për gazetarët u shpreh se negociatori i PD-së ka 36 orë që pret përfaqësuesin e Edi Ramës.

‘Dialog për zgjidhjen përmes qeverisë teknike. Negociatori i PD është në funksion të zgjidhjes dhe ka 36 orë që negociatori i PD pret negociatorin e Ramës. Rama shprehu dëshirën të vijë në çadër, le ti lemë një shteg të hapur. Por Rama të vijë në çadër, por me dorëheqje të firmosur’, është shprehu Basha.

Prokuroria ka pushuar hetimet ndaj izraelitetit Yoram Frig, pasi ka provuar se pajisja e tij nuk përdorej për të kryer përgjime.

Izraeliti u ndalua disa javë më parë teksa largohej nga Rinasi me një pajisje që u dyshua se përdorej për përgjime.

Sipas Frig, pajisje e tij vetëm identifikonte nëse në vende të caktuara ishin vendosur përgjues.

Një ngjarje e pazakontë ka ndodhur në Komisariatin e Policisë së Kavajës mbrëmjen e djeshme. Sipas policisë , rreth orës 23:37, në parkingun brënda Komisariatit të Policisë Kavajë, ka rënë zjarr në pjesën e pëparme, të automjetit tip “Citroën”.

Si pasojë e flakëve të këtij mjeti, që është në pronësi të punonjësit të policisë J. B, është dëmtuar në pjesën e përparme të derës dhe automjeti tip “Mercedes Benz”, i parkuar pranë automjetit tip “Citroën”, pasi ishte i bllokuar nga ana e Specialistëve të Komisaraitit si provë materiale.

Shërbimet zjarrfikëse bënë të mundur shuarjen e zjarrit dhe nga veprimet e kryera rezultoi se, shaku i zjarrit ka qënë aksidental, si pasojë e një masë elektrike, në pjesën e baterisë së automjetit tip “Citroën”. Materialet i kaluan Prokurorisë së Rrethit Gjyqësor Kavajë për vlerësim.

Policia e Durrësit ka vënë në pranga një person që ishte kthyer në tmerrin e pronarëve dhe shoferëve të makinave “Mercedes Benz” në qytetin bregdetar.

Sipas informacioneve zyrtare, ai është kapur në kuadër të operacionit të koduar “Çelësi”, duke i dokumentuar 8 vjedhje por policia nuk jep as emrin dhe as moshën duke u justifikuar me faktin se hetimet vazhdojnë.

“Specialistët për Krimet në Komisariatin e Policisë Durrës, në vijim të punës së tyre për zbardhjen dhe dokumentimin e plotë të ngjarjeve të ndodhura në territorin e tyre, me qëllim vënien para përgjegjësisë penale të autorëve, pas një pune hetimore disa mujore kanë finalizuar me sukses operacionin e koduar “Çelësi”. Është vënë në pranga një shtetas, konkretisht shtetësi N.D.
Specialistët për Hetimin e Krimeve në sajë të veprimeve hetimore të specializuara kanë bërë të mundur zbardhjen dhe dokumentimin e 8 vjedhjeve automjetesh, kryesisht të markës “Mercedez Benz” të dyshuara të kryera nga shtetasi i mësipërm, në lagjet Nr. 14 dhe 17, Durrës”, deklaron policia, ecila ka dokumentuar edhe krimet e kryera nga i arrestuari:

VJEDHJET E DOKUMENTUARA
1. Më datë 09.10.2016, në lagjen Nr.17, Durrës dyshohet se ka vjedhur automjetin tip “Benz” në pronësi të shtetasit R.K., 43 vjeç , të cilin e kishte parkuar. Në automjet kishte edhe një telefon celular “iPhone” dhe 90 000 lekë.

2. Më datë 18.10.2016, në lagjen Nr. 14, Shkozet, Durrës dyshohet se ka vjedhur automjetin tip “Benz” në pronësi të shtetasit L.K., 57 vjeç, të cilin e kishte parkuar.

3. Më datë 13.12.2016, në lagjen Nr. 18, Durrës dyshohet se ka vjedhur automjetin tip “Benz” në pronësi të shtetasit E.L., 39 vjeç, të cilin e kishte parkuar.

4. Më datë 07.01.2017, në lagjen Nr. 16, Durrës dyshohet se ka vjedhur automjetin tip Benz në pronësi të shtetasit Ç.D., 53 vjeç, të cilin e kishte parkuar.

5. Më datë 28.02.2017, në lagjen Nr.14, Shkozet, Durrës dyshohet se ka vjedhur automjetin tip “Benz”, në pronësi të shtetasit E.T., 23 vjeç, të cilin e kishte parkuar.

6. Më datë 14.03.2017, në lagjen Nr.17, Durrës dyshohet se ka vjedhur automjetin tip “Benz”, në pronësi të shtetasit I.D., 32 vjeç , të cilin e kishte parkuar.

7. Më datë 28.03.2017, në lagjen Nr.17.1 Durrës dyshohet se ka vjedhur automjetin tip “Benz”, në pronësi të shtetasit G.N., 54 vjeç, të cilin e kishte parkuar.

8. Më datë 29.03.2017, në lagjen Nr.17, Durrës, Durrës dyshohet se ka vjedhur automjetin tip “Volswagen cady”, në pronësi të shtetasit A.B., të cilin e kishte parkuar.

Vijon puna për identifikimin dhe kapjen e personave të tjerë të implikuar në këtë veprimtari kriminale.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Vjedhje” në bashkëpunim.