Prokuroria e Tiranës ka çuar për gjykim dy ish-zyrtarë të lartë të kompanisë CEZ. Bëhet fjalë për, Ian Ivan dhe ish-drejtorin e CEZ, Jozef Hejsek, të cilët akuzohen për “Mashtrim me shuma të mëdha” dhe “Pastrim të produkteve të veprës penale”.

Josef Hejsek, ka qenë kreu i bordit drejtues të CEZ-Shpërndarja në vitin 2012, kohë në të cilën Kastriot Ismailaj në rolin e administratorit të DIA-s ka lidhur kontratën me CEZ për mbledhjen e borxheve.

Sipas prokurorisë vjedhjen, Ismailaj, e ka kryer në bashkëpunim me ish-drejtuesin çek të CEZ, Josef Hejsek. Marrëveshja mes “CEZ Albania” dhe shtetit shqiptar, është miratuar në parlament nëpërmjet një ligji, dhe kjo marëveshje është bërë me ligj, dhe jo me ratifikim.

Prokuroria ka gjetur këtu kleçkën ligjore për ta çuar në gjykatë dosjen në ngarkim të Hejsek.

Nisur nga situatë,duke marrë hierakinë juridike të Shtetit Shqiptar, në këtë rast prevalon më tepër Kodi Penal se sa ligji që ka shërbyer për lidhjen e marrëveshjes mes “CEZ Albania” dhe shtetit. Nisur nga këto kushte sipas burimeve të prokurorisë, Josef Hejsek, nuk ka asnjë mburojë ligjore, dhe ai do gjykohet në mungesë.

“Pёr realizimin e qёllimit tё tij kriminal, i pandehuri Kastriot Ismailaj ka pasur si bashkёpunёtor personin nën hetim Josef Hejsek, me detyrë Kryetar i Bordit Drejtues  tё kёsaj shoqёrie. I pandehuri Kastriot Ismailaj, duke pёrdorur tё dhёna tё rreme dhe dokumenta fiktive nё bashkёpunim me shtetasin Josef Hejsek, ka pёrfituar nё mёnyrё tё kundraligjshme shumёn  512 004 420 lekë, duke i shkaktuar pasoja tё rёnda pёr shoqёrinё “CEZ Shpёrndarja”, si rrjedhojё edhe pёr shtetin shqiptar, i cili ka zorёruar 26% tё  aksioneve tё kёsaj shoqёrie. Paratё e pёrfituara nёpёrmjet mashtrimit (vjedhjes), i pandehuri Kastriot Ismailaj nuk i ka pёrdorur me  qёllim realizmin e  kontratёs,  por i ka rinvestuar, i ka transferuar  jashtё vendit apo i ka pёrdorur  pёr qёllime personale,” sqaron Prokuroria.

Hejsek ishte zgjedhur nga përfaqësuesit cek të CEZ SH.A pasi kjo kompani zotërohej nga çekët dhe aksioner ishte dhe shteti shqiptar.

Kontrata DIA-CEZ u rrëzua në vitin 2010, ndërsa në tetor të 2011 sipas prokurorisë, Ismailaj arriti ta lidhë atë dhe në bashkëpunim me Hejsek duke i paraqitur CEZ-it fatura dhe dokumentacione fiktive e false, arriti të marrë 512 milionë lekë.

LSI konfirmon se do të bojkotojë zgjedhjet lokale në Bashkinë e Kavajës.

Sekretari i Përgjithshëm Luan Rama ka thënë sot se LSI nuk është regjistruar sepse mënyra si është vepruar me zgjedhjen e kandidaturës në Kavajë, ka qenë e njëanshme.
“Nuk jemi trajtuar si partner, as tani dhe as më herët, ne kemi qenë kundër kandidaturës së zgjedhur atje për ato probleme që ju i dini”, tha Luan Rama.

Ai evidentoi se “ne nuk jemi pjesë e procesit në Kavajë”.

I pyetur nga mediat nëse LSI është ende partner në qeverisje me PS, Luan Rama tha se “partner do të thotë të pyesësh dhe të dëgjohesh”.

Parandalohet një ngjarje e rëndë kriminale. Policia e Shkodrës arreston një prej dy autorëve dhe shpall në kërkim tjetrin.
Sekuestrohet arma e krimit, një automatik model 56 dhe 15 fishekë.

Burimet zyrtare thane se sot rreth orës 10:40 nga Shërbimet e Drejtorisë Vendore të Policise Shkodër , pas informacioneve të marra dhe veprimeve të shpejta Policore është bërë e mundur të parandalohet një ngjarje e rëndë kriminale ndaj një shtetasi.

Konkretisht shtetasi me iniciale F.G 30 vjeç banues në Shkodër, tashmë i identifikuar nga ana e Policisë dhe i shpallur në kërkim, në bashkëpunim me shtetasin Besmir Arrsi 21 vjeç, nga Shkodra, kanë tentuar të vrasin me armë zjarri shtetasin N. P 21 vjeç edhe ky banues në Shkodër.

Pas ngjarjes, gjatë tentativës për t’ju larguar shërbimeve të Policisë, është e mundur kapja dhe arrestimi në flagrancë i shtetasit:

* Besmir Arrsi 21 vjec , banues në Shkodër.

Ndërsa u shpall në kërkim bashkëpunëtori i tij, shtetasi:

F. G, 30 vjeç, banues në Shkodër

Gjithashtu gjatë kontrollit të ushtruar në vendngjarje, u gjet dhe u sekuestrua në cilesinë e provës materiale.

1 armë zjarri automatike dhe 1 krehër me 15 fishekë.

Konflikti mes shtetasve po hetohet dhe paraprakisht dyshohet se ka ardhur si pasojë e një konflikti për motive të dobëta. Më konkretisht dyshohet se konflikti ka lidhje me pazaret e drogës.
Materialet proceduriale do t’i referohen Prokurorisë së Rrethit Gjyqësor Shkodër për veprat penale “Vrasje e mbetur në tentativë” dhe “Prodhimi dhe mbajtja pa leje e armëve dhe municioneve luftarake”, parashikuar nga nenet 76-22, 25 e 278 të Kodit Penal.

Pas vendimit që kryesia e LSI-së mori për të mos marrë pjesë në zgjedhjet e Kavajës, reagimi i parë nga kampi socialist erdhi nga ish-ministri Saimir Tahiri, i cili deklaroi se LSI-ja nuk do të angazhohet në mbështetje të PS-së, pasi nuk ka kandidatin e saj. Tahiri shtoi se LSI-ja po i shkel syrin PD-së.

 LSI le të thotë më mirë që nuk dëshiron të merret me fushatën e Kavajës dhe kjo mund të jetë e mirëkuptueshme. Por kështu nuk shkon, sepse jo vetëm nuk vriten dy zogj me një gur në këtë rast, por po sulmohet PS duke i shkelur syrin PD!”-ka shkruar Tahiri.

I menjëhershëm ka qenë reagimi i kreut të grupit parlamentar të LSI-së, Luan Rama.

Në një prononcim për mediat në hyrje të Kuvendit, Rama konfirmoi qëndrimin e prerë të LSI-së për të mos marrë pjesë në zgjedhje dhe për të mos mbështetur Partinë Socialiste në këtë proces.

  Nuk jemi regjistuar dhe nuk do marrim pjesë në këtë proces. LSI është e përgjegjshme dhe kërkon zgjedhje të ndershme dhe transparente dhe angazhimi është maksimal për dialogun politik dhe zgjidhjen e ngërçit. Nuk jemi trajtuar si partnere për zgjedhjet në Kavajës. Jemi në koalicion dhe jemi shumë korrekt dhe të përgjegjshëm lidhur me këtë çështje.

I pyetur nga mediat lidhur me marrëdhëniet në koalicion Luan Rama tha se nuk janë trajtuar si partner dhe në këtë proces LSI-së nuk i intereson fare kush është kandidati i PS-së në këto zgjedhje, pasi LSI-ja nuk ka qenë pro emrit të Elvis Roshit në zgjedhjet e kaluara.

Partnerë do të thotë të pyesësh të të pyesin, të bashkëpunosh dhe ne nuk jemi trajtuar si partnerë për zgjedhjet në Kavajë. Nuk na intereson kush kandidon në Kavajë.”

Luan Rama nuk hezitoi të jepte një përgjigje të drejtëpërdrejtë ish-ministrit Saimir Tahiri, duke thënë se e mira e pluralizmit është që të gjithë thonë atë që mendojnë.

E mira e pluralizmit është që të gjithë thonë atë që mendojnë. Ne nuk mendojmë as si PD-ja dhe as si Saimiri.

Para 6 muajsh Saimiri tha s’ka nevojë që ushtria të hyjë kundër kanabisit dhe dje qeveria reflektoi dhe e vlerësoi futjen e ushtrisë kundër kanabisit.”