Zbatimi i reformës ne drejtësi po rezulton po aq i vështire sa dhe miratimi i saj ne parlament. Pas vettingut, parlamenti kërkon te rihape garën per anëtaret e dy institucioneve te reja, Këshillin e Larte Gjyqësor dhe Këshillin e Larte te Prokurorisë. Ne nje letër drejtuar kryetarit te parlamentit Ilir Meta, sekretarja e përgjithshme e këtij institucioni Albana Shtylla kërkon rihapjen e garës per anëtaret e këtyre dy institucioneve qe vijne nga radhët e trupës se pedagogeve, pasi numri i kandidateve është i pamjaftueshëm.

“Ne cilësinë e organit përgjegjës per thirrjen e mbledhjes se posaçme te drejtuesve per përzgjedhjen përfundimtare te kandidateve, ne zbatimi te nenit 48 te ligjit nr 115/2016, vlerësoj rihapjen e procedurës per thirrjen dhe paraqitjen e shprehjes se interesit nga pedagoget.”

Trupa e pedagogeve me votim ka zgjedhur si kandidate per Këshillin e Larte Gjyqësor 6 pedagoge, ndërsa per Këshillin e Larte te Prokurorisë 5 pedagoge, nje numër ky i pamjaftueshëm per te siguruar nje proces zgjedhjeje konkurrues. Ne kete situate kuvendi i është drejtuar per ndihme misionit te be Euralius, i cili ka këshilluar rihapjen e aplikimeve.

“Nëse asambleja e personelit akademik e Fakultetit te Drejtësisë i dërgon sekretarit te përgjithshëm listën e kandidateve, qe rezulton se përmban nje numër te pamjaftueshëm te kandidateve, kjo e fundit përsëri ben menjëherë thirrjen per aplikime. Ne kete rast procedura e përzgjedhjes duhet te rifilloje nga fillimi, dhe thirrja mund te përcaktoje qe aplikimet qe janë paraqitur nuk duhet qe te përsëriten.”

Qe prej nisjes se reformës, arkitektura e sistemit te ri te drejtësisë ka qene burim përplasjesh mes maxhorances dhe opozitës, pasi kjo e fundit kërkoi nje skeme me te thjeshte, duke vene ne dukje se Shqipëria nuk ka burime te mjaftueshme njerëzore per nje numër te madh organesh dhe per demokratet, mungesa e kandidaturave është nje prove se shqetësimi i tyre ishte i drejte.v+

Gjykata Kushtetuese e Shqipërisë reagon në lidhje me lajmin e anulimit të vendimit të burgimit të përjetshëm për ish- kreun e bandës së Lushnjës, Aldo Bare.

Kushtetuesja pretendon se vendimi i saj nuk shtrin efekt ne vendimet e shkalles se Pare dhe Apelit te krimeve te renda por vetem mbi vendimin e gjykates se larte, duke e kthyer ceshtjen per rigjykim aty.

Ne deklarate thuhet se gjatë ditës së djeshme dhe sot, Gjykata Kushtetuese ka konstatuar se në disa media të shkruara dhe elektronike është publikuar lajmi se Gjykata Kushtetuese ka anuluar vendimin e dënimit me burgim të përjetshëm të të dënuarit Aldo Bare. Në këtë situate, Gjykata Kushtetuese vlerëson të informojë mediat dhe publikun si më poshtë vijon:

Gjykata Kushtetuese, në datën 08.02.2017 ka vendosur: “Pranimin pjesërisht të kërkesës. Shfuqizimin si të papajtueshëm me Kushtetutën e Republikës së Shqipërisë të vendimit nr.00-2015-2087, datë 02.07.2015, të Kolegjit Penal të Gjykatës së Lartë. Dërgimin e çështjes për rishqyrtim në Gjykatën e Lartë”.

Aktualisht, çështja ndodhet në fazën procedurale të shpalljes të vendimit, konform parashikimeve të ligjit procedural dhe në përputhje me afatin ligjor, dhe menjëherë pas shpalljes vendimi do të jetë në dispozicion të palëve në proces dhe publikut.

Per sa më sipër, deklarata sqaron se Gjykata Kushtetuese ka shfuqizuar vendimin e Kolegjit Penal të Gjykatës së Lartë dhe e ka derguar çështjen për rishqyrtim në Gjykatën e Lartë. Vendimi i saj nuk ka cënuar vendimarrjen e Gjykatës së Shkallës së Parë dhe të Apelit për Krimet e Rënda, nga ku rezulton se kerkuesi është dënuar me burgim të përjetshëm.

“Duke marrë shkas nga sa më lart, u kërkojmë mediave që përpara se të publikojnë lajme që lidhen me institucionin e Gjykatës Kushtetuese të konsultohen me strukturën përgjegjëse të këtij institucioni – Drejtorinë e Marrëdhënieve me Publikun dhe Jashtë – e cila është gjithmonë e hapur për të bashkëpunuar me qëllimin e vetëm të informimit të saktë të opinionit publik dhe shmangien e keqkuptimeve të rastit”, thekson gjykata Kushtetuese.