Në orët e para të mëngjesit të sotëm është ndërprerë greva e urisë nga banorët e zonave të përmbytura në Shkodër. Mësohet se pas ndërhyrjes së kreut të bashkimit të pavarur të sindikatave Albert Tukaj, greva e urisë u ndërpre. Kjo ngjarje ka ndodhur rreth orës 3:20 të mëngjesit.

Tetë banorë të zonave të përmbytura në vitet 2010-2011 në Shkodër nisën grevën e urisë, duke kërkuar dëmshpërblimet. Ata qëndruan për disa orë duke negociuar me policinë për të ngritur një çadër për zhvillimin e grevës së urisë, por nuk u lejuan.

Rreth orës 12 të mesditës së ditës së djeshme ata vendosën që grevën e urisë ta nisin në stolat pranë institucionit të prefektit, duke deklaruar se nuk do të largohen që andej pa iu plotësuar kërkesa.

Banorët që hynë në grevë urie ishin: Gjon Lasku, Pal Marku, Frrok Kola, Lush Ndoci, Arben Kola, Mhill Guri, Skënder Mhilli dhe Dritan Ndreu.

Ata kishin dorëzuar më herët në polici kërkesën për lejen për zhvillimin e grevës së urisë, çka iu refuzua.

Studentët në konviktin e Elbasanit janë alarmuar mëngjesin e sotëm, teksa ndërtesa ka marrë flakë. Mësohet nga të dhënat paraprake se shkak i flakëve është nga pakujdesia, pasi disa studentë kishin harruar një ngrohëse ndezur, e cila kishte shkaktuar dhe flakëtFatmirësisht nga zjarri ka pasur vetëm dëme materiale. Por me ndërhyrjen e forcave të shërbimit zjarrfikës është bërë e mundur lokalizimi i flakëve, duke pos pasur dëme të mëdha . Ndërkohë, vijojnë hetimet për zbardhjen e plotë të shkaqeve të zjarrit.

Në një lëvizje politike që mund të konsiderohet edhe si një surprizë, kryetari i Kuvendit Ilir Meta i ka drejtuar një letër presidentit Bujar Nishani.

Në letër Meta i bën thirrje kreut të shtetit që të mbledhë Këshillin e sigurisë Kombëtare për shkak të mos arrestimit të Klement Balilit.

Meta përmend se ky person i konsideruar si eskobari i Ballkanit, nuk është arrestuar ende për tu vendosur para drejtësisë.

Meta thekson ne leter me tej se Balili eshte nje person me probleme serioze me ligjin ndersa kerkon analizimin e veprimeve e mos veprimeve te institucioneve.

Nje gjest i tille nga ana e kryetarit te Kuvendit Ilir Meta duket se hedh dyshime serioze ne lidhje me policine e shtetit dhe punen e Ministrise se Brendshme.

Finalizohet operacioni “January”, sekuestrohet rreth 1 kg lëndë e dyshuar narkotike e llojt Kokainë.

Arrestohen në flagrancë dy shtetas, shpallet një në kërkim.

Policia tha se me datë 25.01.2017, Seksioni për Narkotikët në bashkëpunim me Seksionin për Operacionet Sepeciale, finalizuan me sukses operacionin “January”, duke arrestuar në flagrancë shtetasit:

1. Gjergji Gjinaj, 49 vjeç, banues në Tiranë, i dënuar më parë për “Prodhim dhe shitje të lëndëve narkotike”.

2. Ismail Alushi, 53 vjeç, banues në Tiranë, i dënuar më parë për “Fallsifikim të dokumentave”.

Gjithashtu është shpallur në kërim shtetasi:
– A. K., 41 vjeç, banues në Tiranë.

Shtetasit e lartë përmendur, dyshohen se në bashkëpunim me njëri tjetrin kryenin aktivitetin kriminal të shitjes së lëndëve narkotike, te llojit Kokainë dhe Heroinë, në zona të ndryshme të Tiranës.
Lëndën narkotike e siguronin tek shtetasi Ismail Allushi.

Më konkretisht, arrestimi i këtyre shtetasve ka ndodhur si më poshtë:
Më datë 25.01.2017, rreth orës 21:00, në Rrugën “Vllaznit Huta”, është konstatuar automjeti tip Fiat “500”, me drejtues mjeti shtetasin Gjergji Gjinaj, rreth 10 metra më larg është konstatuar i parkuar automjeti tip Audi, me drejtues shtetasin A. K., i cili kontrollonte lëvizjet e personave dhe automjeteve në këtë rrugë.

Menjëherë është bërë ndërhyrja nga ana e shërbimeve dhe kapja e shtetasit Gjergji Gjinaj, por në momentin e ndërhyrjes ka arritur të largohet me shpejtësi me automjetin e tij shtetasi A. K., duke mos ju bindur thirrjeve për të ndaluar.
Nga kontrolli i ushtruar në automjetin tip Fiat është konstatuar një sasi me lëndë të dyshuar narkotike të llojt “Kokaine”, e cila rezultoi me peshë 978 gramë.

Nga informacionet e marra dhe nga kushtet e flagrancës, është ushtruar kontroll në banesën e shtetasit Ismail Allushi ku nga kontrolli i ushtruar është konstatuar një dozë e dyshuar lëndë narkotike e llojit “Heroinë”.
Gjithashtu nga kontrolli i banesës së shtetasit Gjergji Gjinaj, është gjetur një sasi prej 12.5 gramë lëndë e dyshuar narkotike e llojt “Kokainë”, një peshore elektronike si dhe shuma monetare prej 6750 euro.

Në cilësinë e provës materialejanë sekuestruar:

– 990 gramë lëndë e dyshuar narkotike e llojt Kokainë.
– 0,6 gramë lëndë e dyshuar narkotike e llojt Heroinë.
– 1 pushkë sportive.
– 12 aparate celularë të markave të ndryshme.
– 2 automje të markave të ndryshme.

Materialet proceduriale i’u kaluan Prokurorisë Pranë Gjykatës së Shkallës së Parë Tiranë, për veprën penale “Prodhim dhe shitje të lëndëve narkotike, kryer në bashkëpunim”, parashikuar nga Neni 283/2 i Kodit Penal.

Finalizohet me sukses një tjetër operacion antidrogë i koduar “Muzgu ”

Sekuestrohen droge, armë, municion si dhe vihen 3 shtetas në pranga.

Me datë 25.01.2017 , në vijim të operacioneve për goditjen e veprimtarisë kriminale të prodhimit dhe shitjes së lëndëve narkotike dhe vendosjen para përgjegjësisë penale të autorëve, nga efektivët e Seksionit kundër narkotikëve në Drejtorinë Vendore të Policisë Lezhë , u finalizua me sukses operacioni i radhës antidrogë i koduar ” Muzgu”

Si rezultat i tij, u sekuestruan:

* 4 kg lëndë narkotike e dyshuar cannabis – sattiva
* 1 armë zjarri pistoletë TT
* 2 krehëra me 14 fishekë
* 4 celularë të ndryshëm

Gjithashtu u arrestuan në flagrancë shtetasit :

* Frrok (Çup) Ndoj, 34 vjeç, banues në Mirditë

* Nikolin Ndoj, 38 vjeç, banues në fshatin Mirditë

* Aleksander Domgjoni, 52 vjeç, banues në Mirditë

Këta shtetas u kapën në flagrancë në fshatin Zall-Xhuxh, në afërsi të rrugës së Kombit, ku iu sekuestrua në cilësinë e proves materiale nje çantë sportive me ngjyrë të zezë dhe në brendësi të saj ndodhej një qese e mbushur me lëndë të dyshuar narkotike cannabis – sattiva me peshë 4 kg të cilën e kishin bërë gati për shitje si dhe 1 armë zjarri pistoletë TT me 2 krehëra me 14 fishekë.

Materialet procedurale iu referuan Prokurorisë së Rrethit Gjyqësor Lezhë për vepren penale ” Prodhim dhe shitje e lëndëve narkotike ” ” Prodhim dhe mbajtje pa leje e armëve luftarake dhe municionit” parashikuar nga nga nenet 283/2 dhe 278 të Kodit Penal.