Ballina Blog Faqe 9530

Gjendet një person i vdekur në Pogradec, dyshohet se ndërroi jetë prej të ftohtit

0

Gjendet i vdekur një person në Pogradec, i cili dyshohet të ketë vdekur nga i ftohti.

Gjatë ditës së sotme është gjetur i pajetë 38- vjeçari Anastas Shuke. Mësohet se viktima është gjetur në banesën e tij nga të afërmit.

Paraprakisht bëhet e ditur se ai vuante nga probleme mendore dhe se për të kujdeseshin të afërmit, ndërkohë që rrethanat e vdekjes janë të dyshimta

Në rast se konfirmohet vdekja e tij prej të ftohtit, shkon në pesë numri i viktimave që kasnë humbur jetën prej acarit.

Gajtë ditës së djeshme në Korçë gjeti vdekjen Ilia Lifo, i cili jetonte i vetëm pas divorcit.

Mëngjesin e së hënës, u gjet i vdekur roja e një pallati në Lushnje. Kanë qenë familjarët ata që kanë gjetur trupin e pajetë të 51- vjeçarit Bashkim Çepa në vendin e tij të punës.

Dyshohet se viktima kishte ngrirë prej të ftohtit, teksa qëndronte si roje, ndërsa mësohet se ai vuante edhe prej problemeve në zemër.

Ndërkohë ditën e diel në Sarandë, po prej të ftohtit ndërroi jetë Leonard Beqiri 54 vjeç, i cili u gjet në një banesë të braktisur.

Mësohet se ai jetonte i vetëm si endacak dhe se nuk kishte familje, ndërkohë që vijojnë hetimet për zbardhjen e rrethanave të mëtejshme rreth kësaj ngjarje, për shkak se dyshohet që ai të ketë qenë i alkoolizuar. Policia konfirmoi se vdekja e tij ka ndodhur në orën 11:45 të së dielës, në spitalin e Sarandës. 53-vjeçari banues në lagjen nr.1 Sarandë, ishte dërguar në spital nga patrulla e policisë ditën e shtunë.

Ndërkohë gjatë së shtunës u shënua viktima e parë në Durrës, prej të ftohtit. I ndjeri, Arben Sulo, 38 vjeç, banues në Durrës, u gjet i pajetë gjatë së shtunës në lagjen Nr.17 të qytetit bregdetar.

Nga këqyrja e kufomës mësohet nuk janë evidentuar shenja dhune. Pasi është identifikuar në listën e personave pa banesë, 38-vjeçari që njihej në zonë me emrin Beni, është kërkuar gjatë mbrëmjes së të shtunës nga specialistët e zonës dhe shërbimet e rendit për ta sistemuar në ambientet e Policisë, por nuk është mundur të gjendet i gjallë.

Zjarr Tv Adsxxxxxxxxxxxxxxxx

Kalon në rezervuarin e ngrirë thyhet akulli e bie, vdes 40 vjeçari

0

Një 40 vjeçar banues në fshatin Petovë në Fier ka gjetur vdekjen mesditën e sotme pasi ka rënë në rezervuar.

Viktima është identifikuar si Hajredin Xhelo, i cili ka tentuar të kalojë mbi rezervuarin e ngrirë, por akulli është thyer dhe ai ka përfunduar në ujë.

Për pasojë 40 vjeçari ka gjetur vdekjen pasi përfundoi i fundosur në ujin e rezervuarit duke mos i bërë dot ballë ujit të ftohtë.

Në vendin e ngjarjes janë nisur polumbarët për të bërë të mundur nxjerrjen e viktimës nga thellësia. Gjithashtu ka shkuar edhe grupi hetimor dhe po punon për zbardhjen e ngjarjes.Deri tani numërohen pesë viktima nga moti i ftohtë. Gjatë ditës së djeshme në Korçë gjeti vdekjen Ilia Lifo, i cili jetonte i vetëm pas divorcit.

Mëngjesin e së hënës, u gjet i vdekur roja e një pallati në Lushnje. Kanë qenë familjarët ata që kanë gjetur trupin e pajetë të 51- vjeçarit Bashkim Çepa në vendin e tij të punës. Dyshohet se viktima kishte ngrirë prej të ftohtit, teksa qëndronte si roje, ndërsa mësohet se ai vuante edhe prej problemeve në zemër.

Ndërkohë ditën e diel në Sarandë, po prej të ftohtit ndërroi jetë Leonard Beqiri 54 vjeç, i cili u gjet në një banesë të braktisur. Mësohet se ai jetonte i vetëm si endacak dhe se nuk kishte familje, ndërkohë që vijojnë hetimet për zbardhjen e rrethanave të mëtejshme rreth kësaj ngjarje, për shkak se dyshohet që ai të ketë qenë i alkoolizuar. Policia konfirmoi se vdekja e tij ka ndodhur në orën 11:45 të së dielës, në spitalin e Sarandës. 53-vjeçari banues në lagjen nr.1 Sarandë, ishte dërguar në spital nga patrulla e policisë ditën e shtunë.

Ndërkohë gjatë së shtunës u shënua viktima e parë në Durrës, prej të ftohtit. I ndjeri, Arben Sulo, 38 vjeç, banues në Durrës, u gjet i pajetë gjatë së shtunës në lagjen Nr.17 të qytetit bregdetar. Nga këqyrja e kufomës mësohet nuk janë evidentuar shenja dhune. Pasi është identifikuar në listën e personave pa banesë, 38-vjeçari që njihej në zonë me emrin Beni, është kërkuar gjatë mbrëmjes së të shtunës nga specialistët e zonës dhe shërbimet e rendit për ta sistemuar në ambientet e Policisë, por nuk është mundur të gjendet i gjallë.

Zjarr Tv Adsxxxxxxxxxxxxxxxx

Pas datës 20 Janar, NASA parashikon që…

1

Flitet, pra nga burime të pakonfirmuara, se shumë politikanë europianë dhe shumë figura publike që sulmuan kandidatin për President të Shteteve të Bashkuara të Amerikës, duke arritur deri aty sa ta quanin edhe “Fatkeqësi të mbarë botës dhe fatkeqësi për popullin dhe shtetin Amerikan” pas datës 20 Janar 2017, do të kenë një qasje si kjo që tregohet në foton poshtë ndaj tij.

A njihni ndonjë të tillë?

Zjarr Tv Adsxxxxxxxxxxxxxxxx

Basha: Në këto zgjedhje do të vendosin qytetarët, jo kriminelët

0

Opozita e Bashkuar e udhëhequr nga PD-ja, ka dalë në një qëndrim se zgjedhjet janë në rrezik si pasojë e krimit, shitblerjes së votës, si pasojë e varfërisë, si pasojë e kthimit të vendit në një parajsë të narkotrafikut.

Deklaratën e ka bërë kreu i PD-së, Lulzim Basha i cili pas takimit me partitë opozitare në Parlament, ka bërë të ditur se “kohë nuk ka më dhe kjo është çështja më e rëndësishme e momentit”. Sipas Bashës, është përgatitur platforma për ta diskutuar me qëllim që zgjedhjet ti vendosin qytetarët e jo krimi e blerja e votës.

“Kemi rastin të rikonfirmojmë para qytetarëve qëndrimin tonë sa i përket zgjedhjeve të ardhshme parlamentare. Qëndrimi i unifikuar i opozitës parlamentare është se në këto zgjedhje nuk mund të vendosin kriminelët por qytetarët, nuk mund të vendosë varfëria dhe korrupsioni qeveritar përmes shitblerjes së votës, por vullneti i qytetarëve. Zgjedhjet janë në rrezik për shkak të krimit dhe korrupsionit, shitblerjes së votës dhe mosgarantimit të votës së qytetarëve”, u shpreh Basha.

Sipas tij “për këtë opozita ka paraqitur një platformë prej 17 majit dhe prej asaj dite Rama e ka sabotuar. Ne sot kemi rënë dakord për një platformë që është një kusht i patejkalueshëm për zgjedhje të lira dhe të ndershme. Zgjedhjet do ti vendos vullneti i qytetarëve. Rikonfirmojmë në këtë platformë votimin elektronik. Kohë më nuk ka. Çështje më të rëndësishme se kjo për shqiptarët nuk ka. Opozita do të kushtëzojë çdo veprim të mëtejshëm me avancimin e reformës zgjedhore”.

Ndërsa i pyetur lidhur me propozimin e LSI për lista të hapura, Basha u përgjigj se përshëndet votimin elektronik, që sipas tij eliminon mbledhjen e kartave të identitetit. Ndërsa sipas tij sa i përket sistemit zgjedhor PD nuk është pengesë për listat e hapura.

“Personalisht jam shprehur për çdo sistem që fuqinë ia kalon qytetarit, lista të hapura, maxhoritar, apo ta bëjmë me ligj që partitë ti zgjedhin me votë nga anëtarësia. Ne nuk jemi pengesë për listat e hapura, por diskutimi për listat e hapura është dhe mbetet propagandistik për sa kohë që nuk garantohen zgjedhjet e lira dhe të ndershme. Votimi elektronik është kërkesë kyçe dhe e patejkalueshme”, tha Basha.

Zjarr Tv Adsxxxxxxxxxxxxxxxx

Bulevardi i ri, Rama: Në drejtimin e duhur falë votës. Veliaj: Festë për ringritjen e Tiranës

0

Kryeministri Edi Rama bashkë me kryebashkiakun e Tiranës, Erion Veliaj, vendosën sot pllakën e parë për ndërtimin e bulevardit të ri të Tiranës.

Kreu i qeverisë deklaroi se shumë rëndom dëgjohet se vota nuk ka rëndësi dhe njerëzit bëjnë gabimin e madh të mendojnë se pavarësisht nëse votojnë apo nuk votojnë, në fund të ditës asgjë nuk ndryshon se të gjithë janë njësoj.

“Këtu jemi në truallin që dëshmon punën e bërë  nëse vota shkon në drejtimin e duhur apo të gabuar. Tirana mund ta kishte pasur bulevardin dhe sheshin ‘Skënderbej’ sot dhe se mund të mos ishte në vitin 2017 një kryeqytet që ende nuk ka arritur të mishërojë një vizion të 87 viteve më parë kur dy arkitekt të thirrur nga mbreti Zog projektuan këtë projekt fantastik. Por ja që për shkak të votës gjërat nuk shkuan ashtu siç do duhet të shkonin dhe për shkak të votës Tirana humbi vite u përpëlit në një kurth pa kuptim dhe faktikisht u tërhoq zvarrë dhe po për shkak të votës”, u shpreh Rama.

Në vijim shtoi se, Tirana jo vetëm është një vend në lëvizje, por lëviz me një shpejtësi të re që nuk e ka pasur asnjëherë, falë lidershipit të kryebashkiakut dhe gjithë njerëzve që punojnë me bashkinë, apo për bashkinë dhe që lidhet me këtë energji të jashtëzakonshme të re.

Rama nënvizoi ndër të tjera se falë votës në drejtimin e duhur Tirana do ketë më në fund bulevardin e vetë dhe sheshin e vetë.

Për kreun e qeverisë, është absurde se Tirana është i vetmi kryeqytet pa shesh në Europë dhe i vetmi qytet në Shqipëri që po ndërton më në fund sheshin e vetë.

Në këtë drejtim tha se me votë njerëzit votojnë për shumë më tepër nga ajo që duket në pikëpamjen e parë.

Sipas tij, ky bulevard dhe këto vepra nuk u shërbejnë vetëm atyre që i përdorin por një zhvillimi shimë më të madh ekonomik dhe social.

Kryeministri u shpreh se bulevardi i ri lidh Tiranën e sotme me Tiranën e gjeneratës tjetër. “Ky është një privilegj shumë i madh dhe sigurisht është edhe një përkëdhelje, pse mos ta them, i sedrës time si ish-kryetar bashkie, që bëra sa munda, jo aq sa desha, për të çelur pikërisht rrugën që lidh të sotmen me të ardhmen, rrugën që lidh qytetin që kemi me qytetin që duam, rrugën që lidh atë që kemi trashëguar nga të parët tanë, me atë që kemi detyrim t’u lëmë fëmijëve tanë”, tha Rama.

Nga ana e tij Veliaj tha se sot është një moment për të festuar ringritjen e Tiranës.

Kryebashkiaku u shpreh i kënaqur për faktin që projekti i nisur shumë vite më parë nga Rama po finalizohet duke i dhënë gjithë zonës një mundësi të re zhvillimi.

Ai shtoi se ky bulevard do të shndërrohet në një nga pjesët më të rëndësishme të kryeqytetit, pasi aty do të zhvendosen një pjesë e mirë e institucioneve qeveritare dhe zyrave administrative të qytetit.

“Kemi ecur me shpejtësi të jashtëzakonshme, bashkë me Kryeministrin do të vendosim dy pllakat e para në mënyrë simbolike. Pas pesë vitesh nga zgjedhjet e 2011 ne kemi rifituar kohën e humbur”, u shpreh Veliaj.

Në vijim ai shtoi se thuasje është përfunduar puna për ndërtimin e parkimit dhe se pllakat e reja që vihen sot tregon se kush bën punë dhe kush fle gjumë.

Sipas tij plani i ri urbanistik ka marrë jehonë ndërkombëtare për shkak të zhvillimit që merr kryeqyteti. Ai tha se po ndërtohet Tirana moderne e vitit 2030 dhe se në fund synimi është të fitohet një betejë shumë më e gjatë se mandatet, ajo e zhvillimit.

Zjarr Tv Adsxxxxxxxxxxxxxxxx

Shënohen 60 viktima nga moti i acartë në Evropë

0

Temperaturat e ulëta dhe rreshjet e borës u kanë marrë jetën më shumë se 60 personave në kontinentin evropian.

Kategoria e personave që janë prekur më shumë nga  moti i acartë, i cili u ka marrë më pas atyre jetën, janë të pastrehët dhe të moshuarit.

Për këtë arsye autoritetet e të gjitha shteteve evropiane u kanë bërë thirrje, sidomos personave të pastrehë, që të shkojnë në mjediset e strehimit dhe shkollat lokale për të mbrojtur jetën e tyre.

Deri më tani në Poloni është shënuar numri më i mdh i viktimave me njëzet  të tillë.

Njëmbëdhjetë  persona kanë humbur jetën në Stamboll, dy në Serbi, tre në Maqedoni, tre në Bullgari dhe pesë në Shqipëri.

Shtetet e tjera ku janë shënuar viktima janë Republika Ceke, Ukraina dhe Italia.

Zjarr Tv Adsxxxxxxxxxxxxxxxx

Vijojne hetimet – Megaskandali, database i përgjimeve në Itali ndodhet në SHBA

0

Mega skandali i përgjimeve informatike që tronditi një ditë më parë Italinë ka çuar sot në shkarkimin nga detyra të kreut të Policisë Postale Italiane e cila ka si detyrë luftën kundër krimit informatik.

Autorët e këtij mega skandali tashmë të arrestuar Giulio e Franceska Maria Occhionero gjatë ditës së sotme do të merren për herë të parë në pyetje nga autoritetiet italiane.

Një ditë pas kësaj ngjarje dalin detaje të reja mbi aktivitetin e inxhinierit bërthamor Giulio Occhionero 45 vjeç e të motrës së tij Franceska Maria Occhionero 49 vjec

.Sipas hetimeve është vërtetuar se inxhineri bërthamor Giulio Occhionero është i lidhur me ambientet e Masonerisë Italiane duke mbuluar rolin e Mjeshtrit në Masonerinë e “Grande Oriente d’Italia”.
Motra e tij Francesca Maria Occhionero, është shtetase italiane e lindur në SHBA .

Të dy janë rezidentë në Londër por që banonin në Romë.

Së bashku janë pronarë të shoqërisë “Ëestlands Securities”, e cila ka qënë konsulente e qeverisë amerikane në disa infrastruktura të portit të Tarantos.

Sipas hetimeve, aktiviteti ilegal i tyre ka nisur në vitit 2010 e ka vazhduar deri në gusht të vitit 2016 duke përgjuar rreth 18 327 utentë me anë të virusit informatik EyePyramid, të cilën e kishin blerë po në vitin 2010.

Në rrezik siguria kombëtare e rendi publik

Të gjitha inormacionet e vjedhura nga sistemet informatike e nga celularët e personave të përgjuar mblidheshin në një server që ndodhej në SHBA. Për këtë arsye autoritetet italiane kanë kërkuar bashkëpunimin e FBI në zbardhjen e plotë të këtij mega skandali infromatik.

“Në shumicën e rasteve sistemet informatike të sulmuara nga ata janë me interes ushtarak e të lidhura me rendin e sigurisë publike”, shprehet për mediat prokuroria Maria Paola Tomaselli.

“Nuk duhet harruar fakti se çdo virus ka aftësinë të eksportoj por dhe të modifikojë sistemin informatik të infektuar duke vënë në rrezik sigurinë publike në këtë rast”, shprehet ajo. Mjaft të mendosh se akti i parë i zbuluar nga aktiviteti ilegal i tyre është tentativa për të hakeruar sistemin informatik të ENAV Enti Kombëtar i Aviacionit Civil Italian. Ky sistem përmban të dhëna mbi sigurinë publike në sektorin e Aviacionit Publik, trafikun e fluturimeve, të dhënat personale të punonjësve, mjaft të rëndësishme duke pasur parasysh klimën e sotme politike botërore.

Viktimat e përgjimit

Për 6 vjet Giulio e Franceska Maria Occionero kanë përgjuar reth 18 327 persona të kategorizuar në 122 kategori në database e një kompjuteri që gjënden në SHBA.

Ndër figurat më të rëndësishme institucionale të përgjuara janë Presidenti i Bankës Europiane Mario Draghi, ish kryeministrat Matteo Renzi e Mario Monti, ish governatori i Banka Italia Fabrizio Saccomanni, ish Komandanti i Policisë Financiare Saverio Capolupo, politikanët Piero Fassino, Paolo Bonaiuti, Mario Canzio, Vincenzo Fortunato, Fabrizio Cicchitto e Ignazio La Russa, Presidenti i Këshillit Papal për kulturën Kardinali Gianfranco Ravasi, portalet e Banka Italia, Dhoma e Senatit, Dhoma e Deputetëve, portalin e Partisë Demokratike etj.

Gjatë këtyre 6 vjetëve përgjim informatik, aktivitetit ilegal i Giulio e Franceska Maria Occhionero ka ndjekur ngjarje të rëndëishme të panoramës politike dhe institucionale italiane si kriza e qeverisë Berluskoni, qeveria teknike e Mario Montit, kriza në Vatikian, ndryshimi i Papëve, qeveria e Enriko Letta-s qeveria e Matteo Renzit etj.

Zjarr Tv Adsxxxxxxxxxxxxxxxx

Situata nga moti i keq – Fshatra në Shkodër e Tropojë në izolim nga bora, mungesa të energjisë

0

Në të gjithë vendin vijojnë kushtet e rënduara të motit me temperatura disa shkallë poshtë zeros, që kanë shkaktuar probleme në jetën dhe aktivitetin e përditshëm të njerëzve.

Problemet kryesore janë krijuar në qarkullimin në rrugë dhe në mjaft qytete, edhe në furnizimin me ujë të pijshëm dhe energji elektrike.

Ngricat në rrugë, akulli i krijuar, bora e hedhur për shkak të erës së fortë janë një problem i vazhdueshëm për drejtuesit e mjeteve.

Strukturat e angazhuara me mirëmbajtjen e rrugëve, firmat e kontraktuara etj., kanë vijuar punën e tyre për hapjen e rrugëve nacionale të cilat qanë të qarkullueshme pa zinxhirë në pjesën dërrmuese te tyre.

Mbeten disa akse rurale ende të pahapur ku po punohet vazhdimisht që të bëhet i mundur qarkullimi i mjeteve.

Edhe gjatë ditës së djeshme ka vijuar furnizimi i zonave më të prekura me ndihma për banorët në vështirësi të cilëve u janë shpërndarë pako me ushqime, veshmbathje etj.

Situata në akset rrugore në të gjithë vendin,paraqitet si më poshtë:

QARKU SHKODËR

Në Njësinë Administrative Pult është e njëjta gjendje, temperaturat janë të ulëta dhe mungon energjia elektrike.

Segmenti rrugor për në Njësinë Administrative Shalë, qarkullohet me vështirësi, pavarësisht se është pastruar nga dëbora por ka prezencë të ngricave.

Vazhdon puna për zhbllokimin e rrugës në drejtim të Bregut të Lumit nga Mali i Shoshit.
Segmenti për në Qafën e Malit të Shoshit hapur por nevojiten edhe 2-3 ditë punë për zhbllokimin e rrugës Mali i Shoshit – Theth.

Ditën e djeshme ka nisur identifikimi i popullatës së bllokuar në tre Njësi Administrative të Dukagjinit, si dhe nevoja për ushqime për blegtorinë në fermat e kësaj zone.

Në Vaun e Dejës ka problem të furnizimit me ujë të pijshëm nga ngrirja e tubacioneve në banesa.

Njësia Administrative Bushat ka të njëjta probleme me furnizimin me ujë të pijshëm për shkak të ngrirjes së tubacioneve të konsumatorëve.

Njësia Administrative Hajmel rezulton me mungesë të energjisë elektrike, pasi era e fortë ka dëmtuar rrjetin elektrik të tensionit të lartë.

Njësia Administrative Vig Mnelë që mbrëmë vazhdon të jetë pa energji elektrike dhe pa furnizim me ujë të pijshëm.

Segmenti Qafë Bordoleci–Vermosh, trashësia e dëborës mbi  80 cm e pa kalueshme. Po punohet për zhbllokimin e këtij segmenti me një mjet borëpastruese.

Rrugët e Bogës dhe Razmes janë të kalueshme me zinxhir nga të gjitha mjetet.

Aksi rrugor Qafë Mali–Qafa Shllak, në territorin e rrethit Pukë është i hapur por në disa pjesë të saj qarkullohet me zinxhirë.

Aksi rrugor Bardhet – Iballë ende i bllokuar por ka edhe 7 km për tu hapur. Vazhdon puna për hapjen e tij.

Rrugët e tjera janë të kalueshme por mjetet e tonazhit të vogël duhet të përdorin zinxhirë për shkak të prezencës së ngricave në rrugë.

Në bashkinë Fushë-Arrëz raportohet për mungesë të energjisë elektrike në fshatrat Tuc, Kokedode, Levoshe. OSHEE po punon intensivisht për rikthimin e energjisë elektrike në këto zona. Emergjenca shëndetësore nuk ka pasur.

Bashkia Shkodër dhe Malësi e Madhe, po bashkëpunojnë me dy mjete për të hapur akset Qafë Thore dhe Shosh.

Nga të gjithë anëtaret e KECQ vazhdon të ndiqet sistematikisht situata e krijuar nga reshjet e dëborës.

Prefekti është në kontakt të vazhdueshëm me të gjithë drejtuesit e Bashkive, strukturave të Emergjencat Civile, për marrjen e informacionit për familjet më në nevojë dhe mbështetjen e tyre me ndihma ushqimore.

QARKU KUKËS
Të gjitha akset nacionale qarkullojnë pjesërisht pa zinxhirë. Në rrugën e Kombit punojnë 4 borëpastruese, por është e qarkullueshme pa zinxhirë.Segmenti Ura e Zapodit–Shishtavec punon 1 fadromë, por e qarkullueshme  me zinxhirë.

Aksi rrugor F-Dugagjin–Q.Shllak po punojnë 2 borëpastruese, por e qarkullueshme pa zinxhirë deri në Qendrën e Njësisë Administrative Malzi.

Aksi rrugor Njësia Administrative-Qafë Shllak –Qafë Mali, e qarkullueshme me zinxhirë.

Aksi rrugor B.Curri-Q.Morinë, e qarkullueshme pa zinxhirë.

Aksi rrugor B.Curri-Fierzë, e qarkullueshme pa zinxhirë.

Aksi rrugor Dushaj-Lekbibaj, e qarkullueshme pa zinxhirë.

Aksi rrugor Bajram Curri-Valbonë, është i hapur dhe qarkullimi i mjeteve kryhet pa zinxhirë. Ka prani të erërave të forta dhe në disa vende trashësia e borës arrin deri në 100 cm.  Mjetet borëpastruese janë të gjitha në punë.

Aksi rrugor Ura e Bujanit-Qafë Morinë, Sopot-Kërn-Tropojë, është i hapur dhe qarkullimi kryhet pa  zinxhirë. Mjetet borëpastruese janë në punë duke pastruar dëborën dhe hedhur kripë. Ka prani të erërave të forta.

Aksi rrugor Bajram Curri-Kam, është i hapur por qarkullimi rekomandohet me zinxhirë sepse ka prezencë akulli. Mjetet borëpastruese janë në punë. Edhe në këtë aks ka prani të erës së fortë.

Në aksin rrugor Tuneli Kalimashit-Dogana Morinë, qarkullimi kryhet pa zinxhirë. Puna vazhdon pa ndërprerje për pastrim dhe kriposje.

Aksi rrugor Kukës–Bushtricë, K/Domaj–Reç është i hapur, qarkullimi rekomandohet  të kryhet me zinxhirë, për shkak të akullit. Mjetet borëpastruese janë në punë.

Aksi rrugor Kukës–Ura e Zapodit qarkullohet pjesërisht me zinxhirë dhe është bërë dhe kriposja e tij.

Në aksin rrugor Krumë-Qafë Prush, Plepa-Kam, punojnë 2 borëpastruese, por qarkullimi kryhet me zinxhirë. Në Qafë Prush ka rreth 40-60 cm borë.

Në aksin rrugor Shote Galica-Qendër, Kukës-Krumë, rruga është e hapur, por qarkullimi rekomandohet me zinxhirë. Dëbora në Qafën e Toblit arrin deri në lartësinë 50 cm.
Mjetet borëpastruese janë në gatishmëri.

Nëpër kthesa të ekspozuara era e fortë ka mbledhur rreth 1.5-2 m borë.  Është hedhur kripë për të eleminuar ngricat.  Të gjithë kontraktorët janë në gatishmëri me mjete dhe fuqi punëtore.

Aksi rrugor për në Njësinë Administrative Arrën është i bllokuar.

Janë të bllokuara disa fshatra në lartësi të mëdha sidomos në Njësitë administrative Lekbibaj, Margegaj, dhe Tropojë e Vjetër.

Në Njësinë Administrative Malzi, fshati Çam ka problem me furnizim me energji elektrike.
Komisioni i Emergjencave Civile vazhdon të ndjekë situatat sipas informacioneve të marra duke e shoqëruar me detyrat përkatëse.

QARKU LEZHË

Në aksin rrugor Rrëshen – Tuneli i Thirrës, janë marrë masat për pastrimin dhe hedhjen e kripës. Qarkullimi kryhet pa zinxhirë, në të gjithë aksin.

Aksi rrugor Kurbnesh-Lurë është i qarkullueshëm me zinxhirë.

Rrugët rurale  Bulshar – Nënshejt – Lajthizë dhe Reps – Gurth – Spaç janë të bllokuara.

Në të gjithë territorin e qarkut vazhdojnë temperaturat e ulëta, probleme me rrugët dhe në disa zona ka probleme me ujin e pijshëm. Deri tani nuk ka probleme në jetën e njerëzve, blegtori dhe banesa.

Në territorin e Bashkisë Mirditë, vazhdon akoma situatë e vështirë për shkak të kushteve klimaterike, situatë e cila po mbahet në kontroll të vazhdueshëm nga Komisioni i Emergjencave Civile.

QARKU ELBASAN
Në aksin rrugor Elbasan – Qafë Thanë, është bërë pastrimi i aksit dhe është hedhur kripë, për shkak të ngricave. Qarkullimi kryhet pa zinxhirë.

Aksi rrugor Elbasan – Gjinar po pastrohet dhe kriposet, në vendet ku ka ngrica. Qarkullimi kryhet pa zinxhirë.

Në aksin rrugor Librazhd – Stëblevë,  qarkullimi kryhet  pjesërisht me zinxhirë për shkak të ngricave.

Aksi rrugor Tiranë-Dalja e Tunelit-Elbasan nuk ka probleme për qarkullimin. Është pastruar dhe spërkatur me kripë.

QARKU KORÇË

Gjatë natës ka pasur temperatura shumë të ulëta dhe erë të fortë, e cila ka hedhur dëborë mbi segmente të ndryshme të rrugës.

Në aksin rrugor Njësia Administrative Boboshticë-Dardhë dhe Korçë-Voskopojë  qarkullimi i mjeteve bëhet me zinxhirë.

Në aksin rrugor Korçë- Ersekë në Qafën e Qarrit qarkullimi i mjeteve bëhet me zinxhirë.
Kompanitë e mirëmbajtjes vazhdojnë të punojnë për pastrim dhe kriposje të akseve rrugore që kanë me kontraktim.

Të gjitha akset e tjera të qarkut Korçë janë të kalueshme pa zinxhirë.

QARKU DIBËR

Aksi rrugor Kuben – Vasie, është i hapur, por qarkullimi kryhet me zinxhirë.
Edhe në aksin rrugor Peshkopi – Qafë Drajë, qarkullimi bëhet me zinxhirë.
Mjetet borëpastruese janë të gjitha në punë.

Në aksin rrugor Qafë Bualli–Peshkopi–Maqellarë–Bllatë qarkullimi kryhet me zinxhirë.
Aksi rrugor Ura–Komsi–Ulëz–Ura e Matit është i hapur dhe qarkullimi kryhet pa zinxhirë. Mjetet borëpastruese janë në punë.

Në aksin rrugor Ura e Qytezës-Zerqan, Ura e Cerenecit – Stëblevë, qarkullimi bëhet me zinxhirë.

Në aksin rrugor Skuraj–Qafë Bualli qarkullohet pa zinxhirë.

Në aksin rrugor Qafë Bualli – Krastë, qarkullimi bëhet me zinxhirë. Ky aks është trajtuar me kripë për shkak të ngricave.

QARKU TIRANË
Aksi rrugor Qafë Priskë-Qafë Mollë është i kalueshëm me zinxhirë.
Akset e tjera rrugore janë të kalueshme pa zinxhirë. Në orët e para të mëngjesit ka pasur prezencë ngrice në disa segmente rrugore.

Komisioni Emergjencave i Bashkisë Tiranës ka monitoruar e menaxhuar situatat që janë evidentuar duke i dhënë zgjidhje të menjëhershme nëpërmjet aktivizimit të forcave Operacionale që veprojnë në terren.

Grupet e punës së Ujësjellës Kanalizime kanë punuar për riparimin e defekteve në tubacione si pasojë e çarjes së tubave të ujit nga ngricat.

Qarku Vlorë

Si pasojë e reshjeve të borës ditën e djeshme dhe sot në mëngjes ka pasur prezencë ngrice në Qafën e Muzinës. Policia rrugore po monitoron situatën dhe rekomandon drejtuesit e mjeteve të përdorin zinxhirët në segmente të caktuara.

Në Qafën e Llogarasë firma kontraktore ka vazhduar punën për pastrimin e rrugës. Kalimi i automjeteve kryhet pa zinxhirë. Furnizimi me energji elektrike është kryer normalisht.

Zjarr Tv Adsxxxxxxxxxxxxxxxx

Romë – U ndje keq pas kthimit nga Parisi, operohet Kryeminstri italian

0

Kryeministri italian Paolo Gentiloni i është nënshtruar sot një operacioni koronar arterial në Spitalin Gemelli të Romës.

Burime nga ky spital informojnë se operacioni ka përfunduar me sukses dhe se Kryeministri italian gjendet aktualisht në repartin e terapisë intensive të pavionit të Kardiologjisë e do të qëndrojë për disa ditë i shtruar në spital.

Kryeminstri italian është ndjerë keq një natë më parë gjatë rikthimit të tij nga Parisi, ku u takua me Presidentin francez, François Hollande.

Ndërkohë që është anulluar takimi tij i programuar gjatë ditës së nesërme në Londër me kryeminstren britanike, Theresa May.

Operacioni koronar arterial të cilit iu nënshtrua Kryeministri italian, është kryer me teknikën angioplastike periferike në venat e gjakut të gjymtyrëve të poshtme dhe me anestezi lokale.

Zjarr Tv Adsxxxxxxxxxxxxxxxx

Pronari dhe punonjësja tentojnë të trafikojnë drogë nga porti i Durrësit, heroina në çantën e gruas

0

Sërish tentativë për të trafikuar lëndë narkotike nga Shqipëria drejt Italisë.

Në portin e Durrësit, mbrëmjen e djeshme, e martë, janë sekuestruar rreth 2 kilogramë e 330 gramë  heroinë.

Gjatë këtij operacioni janë vënë në pranga Laureta Lama 38 vjeçe dhe Bashkim Hasani 67 vjeç, banues në Tiranë.

Gjithashtu është shpallur në kërkim dhe po punohet për kapjen e 29-vjeçarit E.Ç., banues në Tiranë.

Në portin e Durrësit, në bazë të informacioneve të marra në rrugë operative nga policia, gjatë kontrollit të ushtruar në tragetin e linjës Durrës-Bari, në dhomën ku ishin akomoduar për udhëtim të arrestuarit,  në valixhen e Laureta Lamës, u gjet një çantë dore, në brendësi të së cilës, u gjetën dhe u sekuestruan në cilësinë e provës materiale, 4 pako të mbështjella me celefon, me peshë rreth 2  kg e 300 gr lëndë narkotike heroinë.

Noa.al mëson se gruaja punonte si shitëse në një dyqan veshjesh në Tiranë, ndërsa Hasani ishte pronari i saj.

Ndërkohë i shpalluri në kërkim është personi i cili i kishte shoqëruar të dyshuarit deri në portin e Durrësit dhe që mendohet të jetë i përfshirë.

Ndaj të dyshuarve vijojnë ende hetimet, ndërkohë që materialet i’u referuan Prokurorisë së Krimeve të Rënda Tiranë për veprën penale “Trafikimi i narkotikëve” në bashkëpunim, e mbetur në tentativë.

Zjarr Tv Adsxxxxxxxxxxxxxxxx
1...9,5299,5309,531...9,853Faqja 9,530 nga 9,853