Disa hakerë morën kontrollin e një makine dhe e përplasën atë në një hendek, duke hyrë kështu në sistemin e veturës nga një largësi prej 15km vetëm duke qëndruar ulur me një laptop.
Këta hakerë pretendojnë se më shumë se 470,000 vetura të prodhuara nga Fiat Chrysler janë në rrezik për t’u sulmuar ngjashëm, duke përfshirë ato që voziten në Britani.
Ky sulm ishte zbuluar nga hulumtuesi i sigurisë Charlie Miller, një ish-anëtar i NSA, transmeton Lajmi.net.
Ai punoi me Andy Greenberg, një autor në faqen Wired, i cili voziti veturën Jeep Cherokee në rrugët publike të St Louis, Missouri.
Në përshkrimin e tij shqetësues, Greenberg përshkroi se si ventat e ajrit filluan të nxjerrin vetvetiu ajër të ftohtë dhe se si radios iu rrit volumi automatikisht në bas të plotë.
Fshesat e xhamit u lëshuan me lëngun pastrues, duke mbushur xhamin me shkumë dhe një foto e dy hakerëve u shfaq në ekranin digjital të makinës, duke e kuptuar më pas se ata kishin fituar qasje në makinë.
Greenberg tha se hakerat më pas ngadalësuan makinën e tij në autostradë, duke shkaktuar një kolonë të gjatë prapa tij. Ai tha: “Pjesa më shqetësuese erdhi kur ata i prenë frenat e xhipit, duke më lënë mua pa pedale dhe duke bërë që vetura e pakontrolluar të godasë një hendek”.

Për herë të parë pas disa dekadave, Microsoft ka realizuar një version të ri të Windows-it pa shfletuesin Internet Explorer. Kompania ka krijuar shfletuesin e ri “Edge”, me të cilin shpreson se do rivalizojë shfletuesit e tjerë si Chrome apo Firefox. Shfletuesi Edge edhe pse ka një emër krejtësisht të ri, është një version i përmirësuar i Internet Explorer.
Microsoft ka zgjedhur emrin “Edge” për një arsye madhore: ai duhej të fillonte me E, kështu ata mund të përdornin një ikonë që ishte e ngjashme me Internet Explorer. Ikona e re e shfletuesit është një interpretim modern i logos klasike ngjyrë blu të E-së, që ka qenë pjesë e Windows-it për dekada me radhë. Microsoft Edge do të jetë shfletuesi kryesor tek Windows 10, dhe i vetmi që konsumatorët do të përdorin për të shfletuar uebin në sistemin tjetër operativ të Microsoft-it.
edge 2.

Me shfletuesin e ri “Edge” mund të bëhen kërkime direkt në faqen e ueb-it, mjafton të shkruash një fjalë dhe shfaqen informacionet që merren nga rrjeti. Tekstet mund të ruhen për t’i lexuar më vonë. Shfletuesi Edge është tri herë më i shpejtë se Internet Explorer 11. Shfletuesi Edge do të jetë më i lehtë dhe më i shpejtë sesa Internet Explorer, dhe do të përfshijë veçori të reja, si asistentin Cortana, një modalitet leximi me ndërfaqe të thjeshtuar që nxjerr në pah vetëm tekstin duke fshehur imazhet.

Google zyrtarisht po divorcon profilet e Google+ nga shërbimet më të famshme.
Kompania ka njoftuar sot se në disa muaj të ardhshëm, një llogari në Google do të jetë e tëra për çfarë do të keni nevojë për të shpërndarë përmbajtje.
Kjo do të thotë se për të krijuar një kanal në YouTube dhe për të shpërndarë përmbajtje të ndryshme ju do të keni nevojë thjeshtë për një llogari në Google.
Ky vendim vjen disa muaj pasi Google nuk i shtynte më përdoruesit që të krijojnë llogari nën rrjetin e saj social, që ka dështuar të bëhet rivali i Facebook.
Google ka ndarë gjithashtu edhe veçoritë e suksesshme të Google+ të tilla si Photos, por që do të jetë një strategji që do të vazhdojë edhe më tutje.
YouTube do të jetë e para prej shërbimeve më të mëdha të Google që pritet të ndahet nga Google+.