FIFA ka në plan të miratojë propozimin që Botërori të zhvillohet një herë në çdo dy vjet. Në majin e këtij viti, në Kongresin e organizmit botëror të futbollit, u hodh ideja për ndryshime radikale në sportin më të ndjekur në planet.
Tanimë duket se gjërat kanë marrë drejtim serioz, me FIFA që ka në plan të bindë më skeptikët për këtë ide. Pritet që në Kongresin e radhës në majin e 2022, një gjë e tillë të miratohet teksa do hyjë në fuqi pas vitit 2026.
FIFA propozon që çdo dy vjet të zhvillohet edhe Europiani, ndërsa nuk ka një ende një skemë sesi do zhvillohet gara, me kalendarin që dukshëm do jetë më i ngjeshur.
Propozimi është që garat Europiane dhe Botërore të zgjasin 5-6 javë. Kampionatet do nisin garën mes gushtit dhe shtatorit me dy sesione pushimesh. Një muaj do zhvillohet pushim dhe një tjetër në fazë përgatitore. Shumë zyrtarë të UEFA e kanë kundërshtuar këtë ide.
