Vidhte në markete dhe lokalet përgjatë aksit Rrogozhinë-Fier, në pranga 21-vjeçari! Zbardhen 6 ngjarje

0
15
Zjarr Televizion Ad This is a sample article. ...

Gjashtë raste të vjedhjes në supermarkete janë zbardhur nga policia e Lushnjes. Sipas njoftimit të policisë, autor i këtyre vjedhjeve përgjatë aksit rrugor Rrogozhinë-Fier, është 21-vjeçari me iniciale A.L. banues në Durrës.

Ky i fundit është arrestuar në 17 tetor të këtij viti gjatë një operacioni të policisë së Durrësit. Ky shtetas rezulton se ka vjedhur në disa markete dhe lokale.

Sipas policisë, i riu vidhte shuma parash si dhe steka me cigare.

Njoftimi i policisë:

Zbardhen dhe dokumentohen me prova ligjore, 6 vjedhje të ndodhura më parë, si rezultat i punës intensive hetimore dhe policore, nga specialistët për Hetimin e Krimit të Komisariatit të Policisë Lushnjë, në bashkëpunim me Prokurorinë pranë Gjykatës së Rrethit Gjyqësor Lushnjë.

Vjedhjet, të ndodhura në periudha të ndryshme, në disa biznese, në aksin rrugor “Rrogozhinë – Fier”.

Si rezultat i provave të grumbulluara, autor i këtyre 6 vjedhjeve është shtetasi A. L., 21 vjeç, banues në Durrës, i arrestuar si rezultat i operacionit policor të koduar “Seriali”, të finalizuar më datë 17.10.2022, nga Policia e Durrësit.

21-vjeçari është autor i këtyre 6 vjedhjeve:

  • Më datë 10.07.2022, ka vjedhur në një market, 30 000 lekë dhe steka me cigare;
  • Më datë 14.07.2022 dhe më datë 02.08.2022, ka vjedhur në të njëjtin market, 50.000 lekë dhe steka me cigare;
  • Më datë 21.07.2022, ka vjedhur në një market, 15 000 lekë dhe steka me cigare;
  • Më datë 18.08.2022, ka vjedhur në një lokal, 100 000 lekë dhe steka me cigare;
  • Më datë 29.09.2022, ka vjedhur në një market, 54 000 lekë dhe steka me cigare;
  • Më datë 06.08.2022, ka tentuar të vjedhë në një market.

Materialet procedurale i kaluan Prokurorisë së Rrethit Gjyqësor Lushnjë, për veprime të mëtejshme.

Zjarr Tv Ad