VIP-at shqiptarë kanë kthyer rrjetet e tyre sociale në një armë të fuqishme për marketing e për të bërë pse jo dhe para përmes reklamave e sponsorizime.
Megjithatë Luizit mund të mos i kishte shkuar mendja ndonjëherë që me hyrjen e tij në BBV të kthehej në personin më të ndjekur e të klikuar në rrjetet sociale.
I ftuar në “Jeto me oren” eksperti i IT-së Tomi Kallanxha deklaroi se kur të dalë, Luizit do ti duhet një agjensi menaxhimi për të mbajtur shikueshmërinë e ndjekjen që ka fituar tashmë.
“Ai është ‘the billion guy’ i parë në Shqipëri. Një shqiptar mudn të shohi mesatarisht nga 20-30 video në ditë të Luizit. Luiz Ejllin duhet patjetër një agjensi për ta menaxhuar se nuk mund ta menaxhojë dot veten e vet.
Ndoshta ai e pret, e ka dëgjuar, por popullariteti i tij është shumë i madh dhe duhet të kapi momentumin kur të dali nga shtëpia.
Profili i tij po meaxhohet mirë, por mund të ishte bërë edhe më mirë. Gjithë sfida është postdalja sepse nuk do të jetë 24 orë në Instagram dhe ta mbajë gjithë këtë publik siç ishte brenda,” tha ai.
