Sëmundjet kardiovaskulare po rrezikojnë jetën e më shumë se gjysmës së shqiptarëve.
Në këtë përfundim kanë mbërritur Ministria e Shëndetësisë dhe Instituti Shëndetit Publik në bazë të raportit shëndetësor vjetor, ku për vitin 2018 rezulton se 54% e shqiptarëve vuajnë nga sëmundjet e zemrës dhe hipertensioni.
Për mjekët specialistë një shqetësim përbën ulja e moshës së të prekurve, dhe kjo sipas tyre lidhet drejtpërdrejt me stilin e jetesës.
Ndonëse nuk ka shifra konkrete për ndarjen e moshës së të prekurve, mjekët thonë se pas viteve 1990 sëmundjet kardiake nuk po kursejnë as të rinjtë.
Për më shumë se një dekadë, sëmundjet e zemrës po kryesojnë listën e vdekshmërisë dhe pas tyre renditet diabeti si kërcënuesi i jetës së shqiptarëve.
Përmes kontrollit mjekësor bazë sëmundjet arrijnë të kapen në kohë, por shpesh vonesa e vizitave rutinë ka sjellë që sot 400 mijë persona të vuajnë nga sëmundjet kardiovaskulare.
