Kryetari i Partisë Demokratike Lulzim Basha i është përgjigjur Sali Berishës, pas akuzave të tij nga “foltorja” se është i përfshirë në skandalin e “Toyota Yaris” dhe ka ndarë miliona euro me Taulant Ballën.
Basha thotë se ndjen keqardhje që e sheh Berishën “të bjerë poshtë e më poshtë çdo ditë”, ndërsa shton se përgjigjja për të, është e njëjtë me atë që i ktheu Edi Ramës në parlament.
“Çfarë keqardhje ta shohësh Sali Berishën të bjerë poshtë e më poshtë çdo ditë me trillimet dhe sulmet identike si të kundërshtarit. Ajo që deklaroi Sali Berisha sot është ekzaktësisht ajo për të cilën më akuzoi Edi Rama javën e kaluar. Përgjigjja ime ndaj Sali Berishës është e njëjta që i dhashë Edi Ramës. Asnjë trillim nuk do ta shndërrojë PD në mburojë të interesave personale”, shprhet Basha.
