Pas më shumë se 5 vjetësh, Shtetet e Bashkuara të Amerikës kanë vendosur t’i heqin non gratën kryetarit të Partisë Demokratike, Sali Berisha.
Lajmi është konfirmuar nga kreu i PD-së, i cili ndonëse nuk iu përgjigj pyetjeve të gazetarëve, hyri në sallën e Kuvendit me duartrokitje.
“Unë erdha, u krye”, tha Berisha nga foltorja. Ndërkohë që ende nuk ka një reagim nga ambasada e SHBA-së lidhur me këtë lajm.
Departamenti Amerikan i Shtetit i ka hequr “non gratën” kryedemokratit Sali Berisha.
Mësohet se ky vendim i është komunikuar Berishës përmes një telefonate nga e Ngarkuara me Punë në vend, Nancy VanHorn.
Teksa ne presim një deklaratë zyrtare nga Berisha, ai është pritur me duatrokitje në sallën e Kuvendit.
Ky sanksion ndaj Berishës dhe familjarëve të tij ishtë vënë më 19 maj të vitit 2021. Asokohe, Sekretari amerikan i Shtetit, Antony Blinken, e komunikoi ‘non gratën’ duke argumentuar se Berisha ishte përfshirë në veprime korruptive, të tilla si shpërdorim i fondeve publike dhe ndërhyrje në proceset publike.
Nga Arlind Qori
Edi Rama ka gjetur armikun e ri që “po i çon në drejtim të gabuar” të rinjtë shqiptarë që po protestojnë me dhjetëra mijëra në rrugët e Tiranës: influencer-ët. Njëlloj si teoria konspirative paraprirëse që bënte sallatë greko-iraniano-majtisto-aliene, edhe justifikimi i ri shpërfaq paranojën e tij politike dhe nënvlerësimin e madh që ka për shoqërinë mbi të cilën ka hipur. Sipas tij, qytetarët shqiptarë, sidomos të rinjtë, nuk kanë asnjë arsye madhore për të protestuar.
Ndaj, nëse diçka e tillë ndodh, atëherë ata përfytyrohen si leshko të cilët mezi po presin të merren prej hunde nga keqbërësi ose oportunisti i parë.
Mënyra se si Rama e interpreton situatën nuk është thjesht taktikë çorientuese, por edhe shprehje e botëkuptimit të tij politik. Edi Rama është pushtetari më arrogant dhe narcis që na ka sunduar që prej themelimit të shtetit shqiptar.
Edhe më i korruptuari, por kjo është tjetër temë. Ky sociopat mendon vërtet se providenca e ka zgjedhur për një “mision të madh” dhe çfarë vjedh është thjesht shpërblimi ekonomik për “meritat” e tij historike.
Në sytë e tij, kushdo që i kundërvihet – nga kundërshtarët politikë te gazetarët dhe qytetarët në protestë – është thjesht mizë. Fakti që Edi Rama është kokëbosh intelektualisht dhe i pagdhendur karakterialisht vetëm sa ia bën më të nevojshme arrogancën.
Ndryshe nga imazhi modern që dëshpërimisht kërkon të përcjellë, Rama është ngritur politikisht duke u kompromentuar që ditën e parë me llumin e nëntokës kriminale dhe oligarkinë ekonomike. Edhe më keq se satrap i peshave të rënda gjeopolitike, Rama mbetet në radhë të parë një satrapuc i pushtetit ekonomik e kriminal vendas. Çka, me sa duket, ia lëndon sedrën dhe ia bën arrogancën jo vetëm taktikë, por edhe qetësues sedre.
Si çdo autokrat që e ka humbur lidhjen me shoqërinë, Edi Rama as sot nuk arrin ta kuptojë dallgën e madhe shoqërore që po e merr përpara. Të rinjtë e sotëm kanë një pafundësi arsyesh për të dalë në protestë. Sipas statistikave zyrtare, një në katër syresh nuk është as në punë dhe as në shkollë. Në masë të madhe detyrohen të punojnë dhe të shkollohen njëkohësisht.
Në ekonominë turistike të Ramës, të rinjtë robtohen si kamerierë, banakierë e ndihmës-kuzhinierë të keqpaguar në raport me punën e jashtëzakonshme që kryejnë. Punojnë pa kontrata ose e marrin një pjesë të rrogës nën dorë. Punojnë gjashtë, nganjëherë edhe shtatë, ditë në javë dhe nuk kanë të drejta në punë.
Nëse janë në shkollë, çdo sinjal që marrin nga jashtë saj duket se u tregon se shkolla nuk ka rëndësi. Nëse studiojnë fort në degët që ndjekin me pasion bashkëmoshatarët e tyre në Evropë, ekonomia e betonit dhe pastrimit të parave nuk ka nevojë për njohuritë e tyre.
Nëse kërkojnë të punojnë në administratën shtetërore, radha nuk vjen kurrë sepse përparësi ka patronazhisti. Nëse, për fat, ia arrijnë të gjejnë një shteg, me të filluar punë duhet t’i nënshtrohen logjikës poshtëruese të instrumentalizimit politik nga partia në pushtet.
Rinia që proteston është ajo që e di se, nëse nuk ndryshon me rrënjë modeli i zhvillimit, kurrë nuk do të arrijë të ketë në pronësi shtëpinë e vet, edhe sikur të punojë 16 orë në ditë. Janë njerëzit të cilëve pastrimi i parave dhe spekulimi imobiliar po ua bën gjithnjë e më të vështirë pagesën e qirasë.
Sikundër janë të rinjtë që shohin prindërit e tyre të kërrusur nga pesha e fyerjes së përditshme prej një pushteti që mbahet në këmbë vetëm përmes një rrjete kërcënimesh; si dhe gjyshërit që, po të ishte për pensionet e kësaj palo qeverie, do të kishin shkuar prej kohësh te të shumtët për shkak të kequshqyerjes dhe pamundësisë për të blerë ilaçe.
Të rinjtë që po protestojnë me dhjetëra mijëra në Tiranë nuk janë vetëm viktima të padrejtësive të panumërta, por edhe bartësit e një fryme të re dhe rebele. Për shkak të intensifikimit të komunikimit global, ata janë edhe qytetarë realë të Shqipërisë, edhe qytetarë virtualë të një bote të madhe.
Është një rini që flet anglisht me të njëjtën zhdërvjelltësi si shqipen dhe shumë më e hapur për idetë e reja se brezat e mëparshëm. Meme-t nuk janë vetëm shprehje e kreativitetit të tyre të pashtershëm, por edhe mënyra më e shëndetshme për të tallur pa arrogancë satrapucin që, sado të bëjë si palaço, nuk bën askënd për të qeshur.
Edi Rama është gati të bëjë edhe striptease në skenë vetëm e vetëm që të duket bashkëmoshatar në stil me ta. Por më kot. Më shumë se i ri ngjan me ata perversët e moshës së shtyrë që u hedhin fjalë vajzave në rrugë.
Të rinjtë e kanë tejkaluar Edi Ramën. Fatmirësisht, e gjithë shoqëria po ecën në një hap me ta.
Mijëra qytetarë kanë marshuar në bulevard, në protestën më të madhe në numra, që prej nisjes së tyre njëmbëdhjetë ditë më parë.
Me thirrjet “Edi Rama jep dorëheqjen”, “Bashkohuni me ne”, “Opozita jemi ne”, “Shqipëri e Re”, “Revolucion”, “Rama në burg, Berisha në burg”, protestuesit fillimisht janë mbledhur para Kryeministrisë dhe më pas kanë marshur në rrugët e Tiranës.
Protestuesit kanë bërë thirrje që qytetarët t’i bashkohen revoltës së tyre edhe në ditët në vijim. Ndërsa nesër pritet që të mbahet protesta e radhës.
Ata kërkojnë dorëheqjen e qeverisë, ndërkohë që shprehin pakënaqësi me të gjithë klasën politike.
Nga Lutfi Dervishi
1. Nisi si protestë lokale në Zvërnec dhe u kthye në një ngjarje kombëtare me jehonë ndërkombëtare.
2. Nisi për mbrojtjen e mjedisit dhe përfundoi duke tronditur gjithë mjedisin politik dhe mediatik.
3. Nisi për të mbrojtur një lagunë, por po nxjerr në sipërfaqe një oqean pakënaqësish të akumuluara nga arroganca dhe babëzia e pushtetit.
4. Memet, pankartat dhe kreativiteti i protestuesve rezultuan më tërheqëse dhe më therëse se dhjetëra fjalime politike.
5. Është protesta e parë e këtij lloji që ka vazhduar 10 ditë rresht pa ndërprerje. Ka organizim, por nuk ka lider.
6. Në kohën kur Reuters transmetonte live protestën për audiencën globale, disa televizione në Tiranë zgjodhën të transmetonin festimet e 35-vjetorit të PS në Fier.
7. Është protesta e parë ku një meme e shpërndarë në rrjete sociale ka gjasa të ketë bindur më shumë njerëz sesa analizat nëpër studio televizive.
8. Turistët që zakonisht fotografojnë protestat, këtë herë iu bashkuan atyre. Disa morën edhe mikrofonin dhe mbajtën fjalime.
9. Përveç shqiponjës si simbol kombëtar, në status patriotik po ngjitet edhe flamingoja.
10. Për protestën deri tani janë akuzuar tetë agjentura të huaja. (Enver Hoxha në ditën më të keqe akuzonte 4 (CIA, KGB, UDB, ASFALIA).
Ka dëshmuar para togave të zeza kamarieri E.Z., i cili u arrestua ditën e djeshme si bashkëpunëtor i dyshuar për rrëmbimin e 34-vjeçarit në Tiranë. Ai ka mohuar në mënyrë kategorike që të jetë i përfshirë në rrëmbimin e të riut.
Gjatë dëshmisë së tij, ai tregon se pronari i lokalit në të cilin punonte, A.SH., i kishte kërkuar që të fikte dritat, ndërsa më pas nuk kishte dijeni se çfarë mund të kishte ndodhur pas largimit të tij.
“Punoj në lokalin e A.SH. si kamarier. Ditën që thotë prokuroria e kam parë 34-vjeçari kur ka hyrë në lokal, sepse e njoh. Më pas nuk e kam parë më, nëse ishte larguar apo jo. Ndërkohë, A.Sh më ka thënë që të fikja dritat e lokalit, për shkak se kishte për të nxjerrë një frigorifer. Unë i kam fikur dritat. Të nesërmen, A.SH më ka thënë që të shkoj të laja makinën në një vend larg, andej diku nga fundi i Bulevardit të Ri. Kam shkuar atje dhe më ka kapur policia. Unë nuk kam lidhje me këtë ngjarje”, ka dëshmuar kamarieri.
Burime nga Prokuroria e Tiranës kanë bërë me dije se nga kryqëzimi i kamerave të sigurisë, pasi janë fikur dritat, shikohet A.SH. duke tërhequr diçka në dukje si qese e zezë, të cilën e ka futur në makinë dhe është larguar.
I ndjekur nga qelizat telefonike, rezulton që ai të ketë udhëtuar në drejtim të zonës së Dajtit, zonë që lidh Dibrën me Librazhdin, ku dyshohet se mund të ketë fshehur edhe trupin. Policia dhe prokuroria janë duke kërkuar me qen të gjithë pjesën e malit me qëllim gjetjen e trupit, por deri më tani pa rezultat.
Ministri i Brendshëm, Besfort Lamallari, njoftoi se në mbledhjen e Qeverisë të mërkurën u miratuan vendimet për mbështetjen financiare të familjeve të dy efektivëve; Dëshmorit të Atdheut, Enea Mekolli dhe Edison Adrit. Përkatësisht do të akordohen 5 dhe 3 milionë lekë të reja për familjet e tyre.
“Asnjë ndihmë nuk mund të zbusë dhimbjen për ngjarjen e rëndë, por shteti ka detyrimin të qëndrojë pranë familjeve të tyre, me respekt, mirënjohje dhe mbështetje konkrete. Sakrifica e tyre nuk do të harrohet. Krahas vendimit të sotëm, Ministria e Punëve të Brendshme po ndjek të gjitha procedurat ligjore për trajtimin e familjes së Dëshmorit të Atdheut Enea Mekolli sipas Ligjit “Për statusin ‘Fëmijë në Përkujdesje të Republikës’”, tha ministri.
Enea Mekolli mbeti i vrarë gjatë një operacioni për kapjen e të shumëkërkuarit Violand Braçellari, më 4 qershor, ndërsa Adri mbeti i plagosur. Autori gjithashtu u plagos dhe ndodhet në spital.
Analizë e Radio France mbi situatën në Shqipëri me një intervistë të një eksperti | Çfarë po ndodh aktualisht në Shqipëri? Kush po proteston, kundër çfarë, dhe që kur kanë nisur këto protesta?
Miguel Roán, ekspert i Ballkanit perëndimor:
Shqipëria po përballet me mobilizime qytetare prej pak më shumë se një jave kundër një mega-projekti të zhvillimit urban të planifikuar në gadishullin e Zvërnecit, i cili përfshin ishullin e Sazanit dhe lagunën e Nartës, pranë Vlorës. Kjo është një nga zonat më të vyera të vendit në aspektin ekologjik, e lidhur me deltën e lumit Vjosa, që konsiderohet si lumi i fundit i egër i madh në Evropë. Këto mobilizime janë pagëzuar si “Revolucioni i Flamingove”, si referencë ndaj shpendëve që popullojnë lagunën.
Megjithatë, kjo lëvizje shkon përtej çështjes mjedisore. Bëhet fjalë për mobilizimin e parë të madh qytetar dhe të pavarur në Shqipërinë bashkëkohore: jopartiak, transversal, i udhëhequr nga të rinjtë, kuadro, banorë vendas dhe organizata ekologjike. Kjo lëvizje po kundërshton si partinë e kryeministrit Edi Rama, ashtu edhe atë të opozitës. Shkëndija që ndezi protestën ishte mbërritja e ekskavatorëve, kur rojet e një kompanie private sigurimi ushtruan dhunë ndaj liderëve të protestës në praninë pasive të policisë.
Flitet për Jared Kushner, dhëndrin e Donald Trump, dhe Ivanka Trump, vajzën e tij. Cili është saktësisht roli i tyre dhe pse ky projekt ngjall aq shumë reagime, përtej shkatërrimit të ekosistemeve që denoncojnë OJQ-të?
Ivanka Trump dhe Jared Kushner janë në krye të kësaj iniciative. Jared Kushner ka pranuar se bëhet fjalë për një investim masiv që kalon vlerën e një miliard eurove për të ndërtuar një kompleks turistik luksoz në ishullin e Sazanit dhe në bregdetin përballë tij. Pjesëmarrja e tyre i jep që në fillim një dimension ndërkombëtar këtij konflikti. Kritikët vlerësojnë se bëhet fjalë për një operacion politik për të mbështetur figura që janë në shënjestër të drejtësisë sepse ekziston edhe një problem i madh pronësie. Prej një dekade, ka pasur konflikte të shumta mbi pronësinë e këtyre tokave, që në të kaluarën u përkisnin për përdorim popullatave lokale. Këta banorë papritmas e gjejnë tani veten të privuar nga hapësirat që i shfrytëzonin historikisht me të drejtë.
Në çfarë mënyre qeveria e Edi Ramës i ndryshoi rregullat për t’i dhënë dritën jeshile këtij projekti të kontestuar?
Kjo zonë gëzonte statusin e “peizazhit të mbrojtur” që nga viti 2004 dhe mbrohej nga një ligj për zonat e mbrojtura që nga viti 2017. Një ligj i ri, i cili hyri në fuqi në vitin 2024 dhe që fillimisht ishte konceptuar për të plotësuar kriteret evropiane, integroi disa klauzola toleruese për motive të “interesit ekonomik”. Për shumë qytetarë, ky projekt simbolizon problemet strukturore që po e gërryejnë Shqipërinë prej vitesh. Edi Rama e ka ndërtuar strategjinë e tij mbi tërheqjen e ethshme të investitorëve të huaj dhe mbi aleancat diplomatike të drejtpërdrejta me figura si Donald Trump, Benjamin Netanyahu apo Giorgia Meloni, pa asnjë kompleks ideologjik, megjithëse ai vetë drejton një parti të qendrës së majtë. Dhuna e ushtruar në terren ka njollosur seriozisht imazhin e tij si një lider modern, duke shpërfaqur një udhëheqës që përqendron pushtetin dhe mban lidhje të dyshimta me afaristë të vënë nën akuzë nga drejtësia.
Gjatë marshimeve, njerëzit thërrasin se “Shqipëria nuk është në shitje”. Çfarë tregon kjo për modelin e zhvillimit ekonomik të vendit?
Kjo është një çështje shumë ambivalente, nuk është aq e thjeshtë. Turizmi në Shqipëri ka dy anë të medaljes. Nga njëra anë, kontributi ekonomik është i pamohueshëm. Trafiku në aeroportin e Tiranës është shumëfishuar me 200 herë gjatë viteve të fundit, duke e rreshtuar vendin ndër destinacionet kryesore. Kjo hapje ndërkombëtare ka qenë pozitive për një shoqëri thellësisht të traumatizuar që kaloi nga diktatura e Enver Hoxhës në një tranzicion brutal drejt ekonomisë së tregut, me një shoqëri sot të minuar nga emigracioni masiv i të rinjve. Megjithatë, ky model zhvillimi ka rënë në anarki. Bregdeti është betonizuar me nxitim, shpesh pa leje ndërtimi dhe pa studime të ndikimit në mjedis. Janë krijuar zona turistike të mbyllura, krejtësisht të paarritshme për vetë shqiptarët, qoftë sepse janë privatizuar, qoftë sepse janë jashtëzakonisht të shtrenjta.
Ky projekt në Shqipëri ngjan me një tjetër projekt për një kompleks luksoz të udhëhequr nga Jared Kushner në Beograd të Serbisë, i cili gjithashtu ka ngjallur protesta të ashpra. Pse ekziston ky interes i madh për Ballkanin vitet e fundit?
Ata gjejnë atje hapësira thjesht “transaksionale” dhe një mjedis ku interesat ekonomike private dhe pushteti politik gërshetohen pa pasur kundërpesha të vërteta, as nga drejtësia , as nga opozita apo nga mediat sepse pushteti në fuqi kontrollon thuajse gjithshka. Ballkani ofron hapësira të mëdha natyrore ende të egra, me çmime të tokës dhe kosto të fuqisë punëtore shumë të ulëta.
Familja Trump tentoi të njëjtën gjë në Beograd, duke kërkuar të shndërronte ish-Shtabin e Përgjithshëm të ushtrisë të bombarduar nga NATO në vitin 1999 – një vend me ngarkesë të fortë emocionale për serbët – në një hotel luksoz. Ky projekt sot është i bllokuar, por ai ilustron mungesën totale të ndonjë filtri moral kur bëhet fjalë për të bërë biznes, si dhe ndërthurjen e plotë mes funksioneve diplomatike të Jared Kushner dhe interesave të tij private.
A është ky projekt simptomë e një shkarjeje që po ndodh dhe gjetiu në Ballkan?
Absolutisht, kjo nuk është një specifikë vetëm shqiptare. Në Kosovë, Serbi, Bosnjë apo Maqedoninë e Veriut, përqendrimi i pushtetit ka pësuar rritje eksponenciale gjatë pesëmbëdhjetë viteve të fundit, ndërsa treguesit e demokracisë dhe lirisë së shtypit kanë rënë. Për dhjetë vjet, procesi i zgjerimit evropian mbeti i ngrirë, duke u dhënë mundësi liderëve si Edi Rama të grumbullojnë një pushtet të pamasë pa asnjë kontroll të jashtëm.
Sa i përket Shteteve të Bashkuara, marrëdhënia e tyre me rajonin tashmë është thjesht transaksionale: motivet që lidhen me demokratizimin janë fshirë, ndërsa sjelljet autoritare tolerohen për sa kohë që ato lejojnë ruajtjen e lidhjeve ekskluzive të biznesit. Ironia më e madhe është se prokuroria antikorrupsion (SPAK) që u desh të ndërhynte në këtë çështje, u krijua dhe u financua fillimisht pikërisht nga Uashingtoni dhe Brukseli.
A mund ta detyrojë ky mobilizim Edi Ramën të tërhiqet?
Lëshimet që ai mund të bëjë janë të mundshme, por Edi Rama ka investuar një kapital politik tepër të madh për t’u tërhequr vërtet pas. Protestat janë domethënëse, por për momentin nuk kanë një volum kritik të mjaftueshëm për të kërcënuar qeverinë e tij të bjerë. Nga ana tjetër, ato nuk mund të përvetësohen nga asnjë parti opozitare. Ky është i njëjti problem si në Serbi: një mobilizim i madh popullor, por me një vështirësi të madhe për t’u përkthyer në një forcë politike të aftë për të rivalizuar pushtetin në fuqi. Kjo krizë nxjerr në dritë përçarjen totale që ekziston në Ballkan mes klasës politike dhe shoqërisë civile, si dhe paaftësinë e kësaj të fundit për t’u strukturuar në mbrojtje të interesit të përgjithshëm.
Në ditën e dhjetë të protestës, kryetari i Partisë “Shqipëria Bëhet”, Adriatik Lapaj, u bëri thirrje qytetarëve që të bashkohen në tubim, duke theksuar se kjo është një betejë për të ardhmen e fëmijëve dhe të rinjve shqiptarë.
“Sot është dita që secili prej nesh të marrë fëmijët për dore dhe të dalë në protestë në Tiranë dhe në çdo qytet të vendit. Kjo është një betejë për fëmijët e këtij vendi, që të kenë meritokraci, garë dhe konkurrencë të ndershme, që në spitale të ketë ilaçe dhe shërbime dinjitoze. Sot është koha të ngrihemi për të ardhmen e tyre”, u shpreh Lapaj.
Ai theksoi se Shqipërisë i duhet një epokë e re për të rinjtë e saj, ndërsa përsëriti thirrjen për largimin e kryeministrit Edi Rama.
“Sot është koha të marrim fëmijët dhe të dalim në shesh. Shqipërisë duhet t’i hapet një epokë e re për të rinjtë e saj”, deklaroi Lapaj nga protesta.
Ish deputeti i Partisë Socialiste, Petro Koçi ka reaguar një ditë pas aktivitetet të zhvilluar në Fier me rastin e 35-vjetorit të themelimit të PS, duke sulmuar hapur Belinda Ballukun, të cilën e quan “themeluese të korrupsioni”.
Sipas Koçit, “zakonisht ajo mbjell frike dhe servilizem kudo ku e dergojne, ne detyra shteterore apo partiake”.
Në reagimin e tij në Facebook, Koçi shprehet se “korrupsioni nuk mund të fshihet pas festimeve apo ceremonive politike”, duke akuzuar drejtimin aktual për sjellje përçarëse dhe mungesë respekti ndaj figurave themeluese të partisë.
Ish deputeti i PS shprehet ndër të tjera se Balluku “performoi haptaz nje sjellje ordinere prej hakmarreseje”.
Nga Petro Koçi
Themeluesja e korrupsionit nuk mund te mos e ushtroje zanatin edhe ne nje ceremoni kremtimi te pervjetorit te themelimit te PS.
Zakonisht ajo mbjell frike dhe servilizem kudo ku e dergojne, ne detyra shteterore apo partiake.
Mbreme shfaqi edhe vesin e lig te percarjes se themeluesve te PS.
Ca i ftoi, ca i harroi. Servilet dhe frikacaket rreth saj nuk bezane.
Performoi haptaz nje sjellje ordinere prej hakmarreseje.
Hierarkine e kontributeve te themelimit, modernizimit dhe fuqizimit te PS nuk e hedh dot askush ne koshin e plehrave.
Aspak imazhi i nje individi qe frymezon protestat e pernatshme ne bulevardin e Tiranes dhe qe ushqen PD ne e Sali Berishes. Aspak njeriu qe ne zgjedhjet e Majit 25 i solli historise se PS turpin e vjedhjes se votave edhe brenda llojit, e verifikuar nga procesi i rinumerimit, apo skandalin e fallsifikimit te perberjes se listes fituese ne numerimin e pare te fleteve te votimit. Dhe kurre njeriu qe perfshiu ne listen e deputeteve pinjollet e atyre qe i bene nenen votave dhe sakrificave te socialisteve ne zgjedhjet e vijes se kuqe te vitit 96 apo te atyre qe hoqen mbathjet para grave te Libofshes.
Nuk e çrrënjosin dot historinë e themelimit te PS themeluesit e korrupsionit.
Viti 92 ka qene vendimtar ne procesin e shnderrimit te PS ne nje organizate te forte dhe moderne.
Sfida ka qene se pari intelektuale dhe morale.
PS u kthye shume shpejt shpirt dhe ndergjegje politike e shoqerise fierake. Ndertuam nje parti qe i sherbente qytetareve si modeli i i ndershmerise shembullore dhe i demokracise se plote institucionale. Ata gjeten te PS ate qe u mungonte ne marredhenien e tyre me shtetin dhe pushtetin e kohes.
Tezat politike kerkonin argumentim bindes dhe te sinqerte.
Ne rrafshin organizativ nisem nje proces thuajse unik ne disa elemente.
E para e ngritem partine me grupe nismetare ne cdo njesi, kryesisht me kuadro te rinj qe nuk nuk vinin nga PP.
70% e anetaresise ishte komplet e re dhe pa lidhje me PP.
E dyta ne ndertuam organizata ne baze profesioni ku kontributi intelektual gjeti terren permbushes te aspiratave te qindra specialisteve qe vinin nga fusha te ndryshme te sistemit profesional. Organizatat e Specialisteve te Naftes, te Arsimit, te Shendetesise, te Kultures, te Bujqesise, te Financave dhe Ekonomise, te Biznesit etj u kthyen ne terrenin politik te perpunimit te argumentit, ideve dhe alternatives qeverisese.
Ne kuptuam shpejt nevojen e ngritjes se kapacitetit dhe instrumentit koordinativ ne territor prandaj ndertuam te paret keshillin zonal dhe ja propozuam si detyrim statutor Kryesise se PSSH.
Dokumentat publike, promemoriet, kerkesat publike, konunikatat e PS Fier kishin format europian.
Keto kontribute e bene PS Fier organizaten me te mire ne rang vendi.
Te mos harrojme qe kjo veprimtari shtrihej ne cdo njesi jo vetem te Fierit te sotem, por edhe te Mallakastres, Patosit dhe Roskovecit. Me pas Mallakastra u nda me vete.
Ja vetem disa prej tyre. Fieraket mund te plotesojne emra te tjere ne komentet perkatese. Nese nuk kane frike nga kontrolloret hskmarres te pelqimeve ne fb.
Nikollaq Koshovari
Gjergji Kerri
Luan Rustemi
Halit Kacanolli
Tashko Lako
Mimi Dema
Thoma Meço
Islam Lala
Naun Prifti
Fadil Cepele
Vasillaq Popi
Idriz Kabashi
Ylli Islami
Tomott Demiri
Toli Shabani
Xhoxhi Marku
Musa Makashi
Fatmir Xhindi
Marianthi Poro
Elida Jano
Qiriako Decka
Kristofor Leka
Sokrat Pitushi
Sokrat Plaku
XhevairTahiri
Kujtim Meta
Ilirian Iliazi
Todi Dano
Engjell Beshaj
Ilir Dano
Fatbardha Kapaj
Artan Ferati
Ahmet Ismaili
Leta Zoto
Ilir Behaj
Kujtim Amoniku
Perparim Nallbani
Nardi Sauli
Kristofor Sinani
Sefefin Tafa
Nikollaq Hysi
Skender Duraj
Xhevit Duraj
Arian Koçi
E shume e shume te tjere.
Mendoj se duhet hequr dore nga perqendrimi i gjithe pushtetit ne duart e te deleguarve.
Te rritet pushteti i anetaresise ne vendimmarrjen politike.
Ne rang qarku te ngrihet me vendim Asambleje nje strukture kolegjiale qe diskuton dhe vendos per ceshtjet kryesore dhe zhvillimet politike ne nivel vendor.
Te zgjidhen ne krye te PS ne rang Bashkie njerez me personalitet dhe nepermjet nje procesi votimi.
Te ndalohet shoqerimi i te deleguarve me dhjetera drejtues administrate te dikastereve.
Sepse opinioni ngatërron patronazhistet me shoqëruesit e te deleguarve e kjo krijon keqkuptime dhe fyerje per te zgjedhurit e strukturave vendore.
Te lirohen nga pergjegjesia,e te deleguarit personat qe jane nen ndjekje penale.
Vetem nje trimeri duhet sot: te jesh i ndershem.
