Masakra e të mërkurës ka lënë një shije të hidhur dhe frikë te amerikanët. Debatet dhe reagimet janë të shumta. I tillë është dhe reagimi i Occupy Democrats të cilët me anë të njëfotografie dhe teksi mbi të kanë dhënë një mesazh të bukur.

Ky është Nicolas Cruz që vrau 17 persona, nuk është mysulman. Nuk është ushtar i ISIS. Ai është një terrorist i rritur në tokën amerikane me një armë gjysmëautomatike “AR-15”. NE NUK DUAM NJË MUR BUDALLA QË TË NA MBAJË TË SIGURT, NE KËRKOJMË KONTROLL TË VËRTETË TË ARMËVE.

I riu i akuzuar për masakrën në shkollën e mesme të Floridës të mërkurën, e ka rrëfyer krimin e tij. Nicolas Cruz, 19-vjeçar, pohoi se ai ka shtënë mbi nxënësit dhe mësuesit e gjimnazit, nga ku e kishin përjashtuar për sjellje të dhunshme. Ai ka dalë përpara gjykatës me 17 aktakuza për vrasje të paramenduar, e aty rrëfeu se përpos armës gjysmëautomatike “AR-15”, në çantën e shpinës kishte edhe municione shtesë. I riu ishte nisur të bënte sa më shumë viktima dhe ka tentuar të shpëtonte duke u hequr si një prej adoleshentëve të tmerruar që kërkonin ndihmë. Demokratët nxituan të theksojnë edhe një herë se episodi tronditës nënvizon sërish nevojën për ligje më të ashpra për armët, por Trump nuk e përmendi këtë çështje në fjalimin e tij të shkurtër, ku theksoi sidoqoftë se sigurinë në shkolla do ta kthejë në prioritet.

I riu i akuzuar për masakrën në shkollën e mesme të Floridës të mërkurën, e ka rrëfyer krimin e tij. Nicolas Cruz, 19-vjeçar, pohoi se ai ka shtënë mbi nxënësit dhe mësuesit e gjimnazit, nga ku e kishin përjashtuar për sjellje të dhunshme. Ai ka dalë përpara gjykatës me 17 aktakuza për vrasje të paramenduar, e aty rrëfeu se përpos armës gjysmëautomatike “AR-15”, në çantën e shpinës kishte edhe municione shtesë. I riu ishte nisur të bënte sa më shumë viktima dhe ka tentuar të shpëtonte duke u hequr si një prej adoleshentëve të tmerruar që kërkonin ndihmë. Ngjarja shokuese e shtyu presidentin Donald Trump të deklaronte se administrata e tij do të punojë për të përmirësuar sigurinë në shkolla dhe për të trajtuar sëmundjet mendore. Demokratët nxituan të theksojnë edhe një herë se episodi tronditës nënvizon sërish nevojën për ligje më të ashpra për armët, por Trump nuk e përmendi këtë çështje në fjalimin e tij të shkurtër, ku theksoi sidoqoftë se sigurinë në shkolla do ta kthejë në prioritet. Prokurorja e Përgjithshme e Floridës njoftoi se shteti do të paguajë për ceremonitë e varrimit të viktimave dhe për mbështetje psikologjike për familjet. Por, ashtu siç ka agresorë që në palogjikshmërinë e tyre këpusin në mes jetët e pafajshme, ashtu ka në ngjarje të tilla edhe heronj, si trajneri i ekipit të futbollit të shkollës, Aaron Feis, i cili përdori trupin e tij për të mbrojtur nxënësit nga tërbimi i 19-vjeçarit. Viktimat tani kanë fytyra dhe emra. I vëllai i saj u kthye në shtëpi shëndoshë e mirë, por Jaime Guttenberg nuk i shpëtoi dot vdekjes. Lojtarja e futbollit, Alyssa Alhadeff nuk arriti ta përmbushë ëndrrën e saj, ashtu si dhe notari i talentuar, Nick Dworet. Çmendurisë së një njeriu problematik nuk i shpëtoi dot as 14-vjeçarja Gina Montalto, e cila si për ironi kishte dalë vullnetare për nismën e miqësisë.

Ish-kryestrategu i Shtëpisë së Bardhë, Steve Bannon është marrë në pyetje 20 orë këtë javë nga personat që po hetojnë ndërhyrjen e supozuar ruse në Presidencialet e vitit 2016. Bannon është takuar edhe me njeriun që drejton hetimin, prokurorin e posaçëm Robert Mueller, i cili kërkon të zbulojë nëse stafi i fushatës së Trumpit ka pasur ndonjë marrëveshje të fshehtë me Moskën, gjë të cilën e mohon si Rusia, ashtu edhe vet presidenti republikan. Bannon ishte kryetar i fushatës presidenciale të Trumpit përpara se të shpërblehej me postin e lartë në Shtëpinë e Bardhë, nga i cili vendosi megjithatë të largohej në muajin gusht, për shkak – siç thuhet, – të tensioneve me këshilltarët e tjerë. Hetuesit janë të bindur se ai ka informacione kyçe mbi Administratën e Trumpit, përfshirë edhe detaje mbi arsyet e shkarkimit të ish-drejtorit të FBI-së, James Comey. Ky i fundit e ka bërë të qartë se nuk ka asnjë dyshim, që largimi i tij nga detyra ishte pasojë e dëshirës së Trumpit për të ndryshuar hetimin e kësaj çështjeje, akuza këto të cilat Shtëpia e Bardhë i hedh poshtë me forcë. Nuk dihet ende se për çfarë është pyetur Bannoni saktësisht, por burime pranë tij thonë se i është përgjigjur hetuesve pa hezitim. Verifikime të ngjashme po kryhen dhe nga politikanët në Kongres, e të enjten, Bannon foli edhe me një prej tyre. Por, ish-kryestrategu i Trumpit i zemëroi demokratët në komisionet hetimore, kur refuzoi t’u përgjigjej disa pyetjeve, gjë që i shtyu ata të bënin thirrje për masa detyruese ndaj tij.