Një mësuese është lënduar pasi ka rënë suvaja e tavanit teksa ajo jepte mësim në një klasë në shkollën 9 vjeçare “Osman Myderizi” Ngjarja u regjistrua në orën e dyë të mësimit, në një klasë në katin e 3-të të shkollës. Teksa mësuesja po jepte mësim është shkëputur një pjesë suvaje nga tavani dhe ka dëmtuar lehtë mësuesen., konfirmon ministria e Arsimit. Pas ngjarjes drejtoresha e shkollës ka dërguar drejt urgjencës mësuesen e klasës së 9-të, E.T për të marrë mjekimin e duhur. Drejtoresha e shkolles deklaroi se rikonstrukisoni i fundit i shkollës ishte bërë në 2004 ndërsa në vitet e mëpasme ishin bërë rikonstuksione të pjesshme. Raportohet se asnjë nga nxënësit që ndodheshin në klasë nuk ka pësuar dëmtime nga kjo ngjarje. Ende nuk dihen shkaqet që çuan në rënien e suvasë ndërkohë ndërmarrja Nr.3 e Bashkisë ndodhet në shkollë për riparimin e dëmeve.

Kreu i PD-së, Lulzim Basha është deklaruar sot në krah të artistëve në mbrojtje të dinjitetit të tyre dhe kauzës sipas tij tërësisht të drejtë për godinën e Teatrit Kombëtar. Në një deklaratë për mediat, Basha ka paralajmëruar kryeministrit Rama, duke i kërkuar të tërhiqet sa më shpejt nga “plani ogurzi për ndërtimin e kullës te teatri”. “Teatri nuk janë tullat, teatri janë artistët, është Ndrenika dhe kolegët e tij. Paralajmëroj Ramën që ka 20 vjet që planifikon të ndërtojë kullë te Teatri Kombëtar, e paralajmëroj të tërhiqet nga plani ogurzi, asnjë veprim nuk mund të kryhet pa vendosur më parë artistët”, u shpreh Basha. Më tej kryedemokrati tha se Rama po përpiqet të bëjë sovjetizimin e teatrit, përmes bordeve të kota që zgjidhen nga ministri. “Artistë do të jenë ata që do të zgjedhin gjithçka, drejtuesit e tyre dhe shpenzimin e të ardhurave. Duhet një decentralizmin dhe dhënie e pushtetit të plotë për vendimmarrjet e tyre”, tha ai.

Pas vonesës 10-ditore të pagave të pedagogëve, vjen edhe sqarimi i ministris së Arsimit Lindita Nikolla ku njofton për datën që do të jepen këto paga. Ministria e Arsimit, Sportit dhe Rinisë ka sqaruar nëpërmjet një njoftimi për shtyp se pagat e pedagogëve do të jepen ditën e sotme.“Pagat do të jenë në llogarinë e pedagogëve dhe personelit akademik brenda ditës së sotme. Ministria e Arsimit, Sportit dhe Rinisë siguron se Ligji i ri i Arsimit të Lartë është mundësi e re e zgjerimit të autonomisë financiare të universiteteve. Ne do të bëjmë gjithçka që kjo të garantohet me aktet nënligjore që priten të miratohen së shpejti. Gjithashtu ne besojmë fortë që të gjitha energjitë dhe debati të zhvillohet tek sfidat e rritjes së cilësisë, performancës, punësimi i të rinjve dhe akreditimi i programeve të studimit,” – shkruhet në njoftimin e ministrisë. Pedagogët e Universitetit të Tiranës dolën me një deklaratë dy ditë më parë në një kohë kur kanë kaluar afro 10 ditë nga mosmarrja e rrogave të muajit janar. Forumi për liritë akademike dhe autonominë universitare ka renditur të gjitha kërkesat e pedagogëve, ndërsa ky forum kërcënoi me grevë nëse nuk do të ketë një zgjidhje dhe qeveria nuk pranon të ulet në negociata.

Ministri i Infrastrukturës dhe Energjisë, Damian Gjiknuri reagoi në lidhje me ndërtimin e HEC-it në kanionet e Osumit. Pas përfudimit të Komisionit të Veprimtatrisë prodhuese, Gjiknuri tha se çdo kontratë koncesionare projekti i së cilës ndikon negativisht  në mjedis bie.

Gjiknuri: Ministria e Infrastrukturës dhe Energjitikës për çdo projekt që ka ndikim negativ në mjedis automatikisht bie edhe kontrata koncesionare. Të gjitha agjencitë që kanë qenë përkatëse të asaj kohe  e kanë dhënë mendimin e tyre pozitiv. Nëse ka të dhëna të falsifikaura është autoriteti përgjegjës që duhet ti shkojë deri në fund. Ministria e Energjitikës dhe Infrastrukturës është e gatshme që nëse ai akt administrativ anulohet ne autmatikisht do të fillojmë procedurat tona.

Shqipëria nënshkroi me Bashkimin Europian një marrëveshje për menaxhimin dhe kontrollin e kufijve për të luftuar trafikun e drogës, si dhe për të parandaluar emigracionin e parregullt në zonën Shengen. Marrëveshja u firmos nga ministri i Brendshëm, Fatmir Xhafaj dhe Komisioneri i Emigracionit, Dimitri Avramopulos. “Sot konkluduam siglimin e marrëveshjes me FRONTEX për “Rojën Bregdetare dhe Kufitare. Kjo është një marrëveshje e rëndësishme që do të na ndihmojë të marrim asistencë të kualifikuar në lidhje me menaxhimin e kufijve. Ajo do t’i mundësojë gjithashtu Shqipërisë të përfitojë nga projektet që do të japë Bashkimi Evropian, gjatë implementimit të saj”,  deklaroi ministri Fatmir Xhafaj. Nga ana e tij, Komisioneri Avramopulos tha se vendi ka bërë progres, por mbetet punë për të bërë sa i takon menaxhimit të emigracionit të parregullt. Ai tha gjithashtu se marrëveshja e nënshkruar do të sigurojë një menaxhim më të mirë kufitar. “Kjo marrëveshje do të mundësojë që në të ardhmen të vendosen në Shqipëri ekipe nga Agjencia Europiane e Kufirit dhe Rojes Bregdetare. Në fakt, siglimi i kësaj marrëveshjeje shënon edhe fundin e negociatave. Marrëveshja do të firmoset në mënyrë zyrtare diçka më vonë, mbasi të dy palët të kenë përfunduar procedurat e tyre ligjore të brendshme”, tha ai.