Sali Berisha, ish-kryeministri i Shqipërisë ka dënuar vendimin e gjykatës për heqjen e sekuestros preventive ndaj pasurive të Klemend Balilit dhe familjarëve të tij. Përmes një reagimi në rrjetin social facebook, ai shprehet se këtë veprim Rama e ka bërë përshkak të videove të orgjive që Balili posedon. Ish-kryeministri shkruan se Balili i ka dorëzuar Ramës një kopje të tij dhe ministrave të tij aktual duke bërë orgji dhe erotizma të shfrenuara, të cilat janë filmuar në mjediset e Santa Quaranta, hotel ku në pronësinë e Balilit. “Kryegjykatësi dhe kryeprokurori Rama hoqi konfiskimin e pasurive të Eskobarit për shkak të videos së orgjive të tij! Këtë vendim Rama e mori pasi Balili i dorëzoi Ramës një kopje të tij dhe ministrave të tij aktual të orgjive dhe erotizmave të shfrenuara të filmuara në mjediset dhe dhomat e të famshmes Santa Quaranta. Ky akt vjen në serinë e vendimeve të tij të bllokimit të arrestimit të Tahirit, lirimit të Sotos që transportonte miliona euro së bashku me Saimir Trafikun në Elbasan, rikthimin e pasaportës së Tahirit, ekstradimin e financierit të bandës së Habilajve që kishte shprehur gatishmëri të bashkëpunonte me prokurorinë si dëshmitar i mbrojtur i drejtësisë.”– shkruan Berisha.

Ka tërhequr vëmendjen e të ftuarve në panelin e kësaj të premteje në emisionin Kapital të Aleksandër Furxhi një deklaratë e gazetarit Basir Çollaku. Duke diskutuar në lidhje me zhvillimet e fundit politike, reformën në drejtësi dhe largimet e fundit nga opozita, Çollaku tha se “Në prokurorinë e Elbasanit ka një dosje ku janë të përfshirë dhe dy emra ministrash që kanë dalë nga përgjimet e një subjekti tjetër. Edhe pse nga transkriptimet janë zbuluar emrat e tyre, ata nuk janë thirrur nga prokuroria. Dy ministra të qeverisë së sotme kanë folur me subjektin për sasira parash. Kjo dosje është në prokurorinë e Elbasanit, por ka shkuar edhe në gjykatë” – tha Çollaku. Ai tha se nuk preferon t’i thotë emrat e ministrave, pasi do të donte që të fliste me fakte dhe dokumenta, të cilat tha se i disponon.

Partia Demokratike, përmes kryetares së komisionit parlamentar të Arsimit, Albana Vokshi, e akuzon ministren se nuk ka nxjerrë qëllimisht aktet nënligjore që do të lejonin pagesën e 15 mijë pedagogëve. “Minsitrja e Arsimit dështoi sot të japë përgjigje përse pedagogët nuk janë paguar për punën e tyre. Ndjesa e saj është hipokrite. Ajo lau duart si Ponc Pilati dhe nuk pranoi se ajo është përgjegjësja dhe shkaktarja kryesore e kësaj situate që fakton se ligji i arsimit të lartë ka dështuar. Për shkak se Ministrja e Arsimit nuk ka nxjerrë qëllimisht aktet nënligjore, që do të lejonin pagesën për mbi 15 mijë pedagogë dhe stafit të administratës së universiteteve publike, ka nga ata pedagogë që kanë kërkuar borxh për të paguar faturat e familjeve të tyre. Të enjten, në seancën e parlamentit, kam kërkuar që Ministrja Nikolla të raportonte urgjentisht në lidhje me këtë problem, i cili është unikal në llojin e tij në botë, madje edhe për regjimet më autokratike. Por Ministrja në shkelje të përsëritur të Rregullores së Kuvendit, nuk u paraqit në seancë. Njësoj si sot, ajo nuk dha asnjë shpjegim për kolapsin financiar të Universiteteve publike. I gjithë sistemi i arsimit të lartë publik është paralizuar prej mungesës së akteve nënligjore, të cilat duhet të ishin miratuar që në prill të 2016. Ky është shpërdorim i qartë i detyrës nga Ministrja e Arsimit, e cila me mosveprimin e saj është subjekt i nenit 248 të Kodit penal për shpërdorim detyre, sepse në mospërmbushje të rregullt të detyrës, ka dëmtuar interesat e ligjshme të 15 mijë shtetasve”, deklaroi Vokshi. Sipas Vokshit, “synimi është për të nënshtruar këdo që mund të cënojë pushtetin e tij.