Një shpërthim tritoli tronditi në mesnatë lagjen Dunavat i dytë në Gjirokastër. Si pasojë e shpërthimit mori plagë të lehta një fëmijë i mitur dhe i ati 34-vjeçar. Dëme materiale ka jo vetëm te shtëpia në pragun e së cilës u vendos lënda plasëse por edhe në banesat e fqinjëve.

Eksplozivi tronditi ne mesnate banorët e lagjes ‘Dunavati i dytë’. Nga shpërthimi mbeti i plagosur Gentjan Liti, me pas ai u transportua për në spitalin rajonal të Gjirokastrës për ndihmë mjekësore. Tritoli u hodh në oborrin e shtëpisë, duke shkaktuar dëme të mëdha materiale. Sipas policisë, lënda eksplozive ka qenë rreth 100 gram tritol C4 dhe mund te kishte patur pasoja edhe me te renda. Por Gentian Liti nuk është një emër i panjohur për policinë.

Ne verën e 2013, persona të paidentifikuar i vendosen një sasi eksplozivi në automjetin tip furgon, të parkuar pranë banesës së tij. Nga shpërthimi pati vetëm dëme materiale. 34-vjeçari me profesion kasap, ka një dyqan mishi në zonën muzeale të Gjirokastrës.

Ashtu siç paralajmëruan dy ditë më parë studentët e universiteteve publike kanë nisur të protestojnë para Kryeministrisë për përgjysmimin tarifat studimore në të gjitha degët dhe nivelet e studimeve, heqjen e barrës financiare për çertifikimin e gjuhës së huaj dhe heqjen e pagesës së krediteve për provimet e mbartura.

Studentë nga fakultete të ndryshme të Tiranës protestuan përpara Kryeministrisë kundër tarifave të larta të studimeve.  Kërkesat e tyre bazohen në lehtësimin e barrës ekonomike dhe financiare të studentëve, pasi sipas tyre tarifat janë shumë të larta për tu përballuar.

Studentët janë shprehur se protestat do të vazhdojnë e do të përshkallëzohen. Gjithashtu ata thonë se Ministria e Arsimit dhe Sportit nuk i ka marrë parasysh nevojat e tyre. 

Presidenti i vendit, Ilir Meta gjatë konferencës rajonale për ekonominë me temë ‘E ardhmja e Ballkanit’, ka theksuar se nevojën e krijimit të një tregu të përbashkët energjetik.

I pranishëm në konferencën rajonale për ekonominë “E ardhmja e Ballkanit”, Presidenti Ilir Meta e vuri theksin te bashkëpunimi rajonal, më konkretisht te krijimi i një tregu të përbashkët energjetik.

Gjithashtu Meta bëri thirrje për krijimin e kushteve për frenimin e largimin e të rinjve nga vendet e rajonit, pasi sipas tij kjo cenon zhvillimi ekonomik.

Opozita ka akuzuar qeverinë se u ka vendosur shqiptareve një takse te re, taksen e plehrave. Kreu i Departamentit të Mjedisit, ne PD Jamarbër Malltezi ka deklaruar se ne 23 nëntor te vitit te kaluar, Komisioni i Ndihmës Shtetërore, ka vendosur qe te gjitha bizneset që do të gjenerojnë energji nga plehrat, do të marrin ndihmë shtetërore për të paktën 15 vjet.

Sipas PD qeveria nuk po jep ndihme shtetërore për të përmbyturit apo për naftëtarët, por nuk harron te ndihmoje inceneratorët e Edi Ramës dhe Arben Ahmetajt.  Sipas demokratëve pagesa prej 74 milion eurosh të parave publike, për kontrata të cilat nuk bëhen publike duke u konsideruar sekret shtetëror përbëjnë vepër penale. Bëhet fjalë për vendimin nr 77 që vendos ndihmën shtetërore për të mbështur prodhimin e energjisë elektrike nga burime të vogla nga pjesa e biodegradueshme e mbetjeve të ngurta që shfrytëzojnë mbeturinat industriale, urbane dhe ato rurale. I botuar në Fletoren Zyrtare me  numër 221, projektvendimi vendos detyrimin që OSHEE t’i blejë këtyre prodhuesve të ardhshëm, energjinë elektrike të prodhuar nga këto mbetje industriale rurale dhe urbane.

Në Komisionin e Sigurisë pritej të diskutohej ligji për masat shtesë të sigurisë publike ose të ashtuquajturin ligj të kamerave të sigurisë, por për opozitën policia nuk mund të flasë për këtë temë, në një kohë që vendi është mbytur nga krimet. Për deputetin e mazhorancës Paulin Sterkaj, kritikat janë gjithnjë me vend, por policia ka nevojë dhe për inkurajim.

Në seancë për të raportuar për ligjin ishte drejtori për rendin dhe sigurinë publike Altin Qato, por sipas opozitës ishte lajmëruar drejtori i përgjithshëm i përkohshëm Rebani Jaupi. Edhe në këtë rast mungesa e tij u bë shkak për debate.Ligji për masat shtesë të sigurisë parashikon vendosjen e kamerave me rezolucion të lartë për një KATEGORI institucionesh dhe biznesesh të cilat ndihmojnë në zbardhjen e krimeve. Veç kësaj, vendoset dhe ruajtja e pamjeve për një afat kohor deri në dy muaj, por që sipas komisionit, do të rishikohet.