Gjashtë arsyet përse burrat refuzojnë seksin
Autori: Lajmi.net Lifestyle, LoveSex 22:33, 19 Korrik 2015
Nëse ai po ju refuzon në dhomën e gjumit, ka gjasa që nuk është faji juaj. Këtu janë gjashtë arsyet më të shpeshta që e shtyjnë një partner të japë përgjigje negative ndaj ofertës suaj.
Nëse lidhja fizike mes jush dhe partnerit tuaj nuk është më aq e afërt, duhet të mbani parasysh se edhe meshkujt e refuzojnë ndonjëherë kontaktin seksual, për arsyet e tyre që vijojnë si më poshtë.
Arsyeja 1: Ai vuan nga depresioni
“Depresioni klinik është shkaktari më i madh i largimit të dëshirës seksuale te meshkujt”, thotë terapisti i seksit, David McKenzie. Burrat e të gjitha moshave, edhe adoleshentët, mund të përjetojnë dëshirë të pakët seksuale kur po hasen me këtë çrregullim të humorit.
“Kini parasysh se depresioni klinik është një sëmundje fizike dhe jo një dobësi e karakterit”, thotë McKenzie. Çelësi është durimi, veçanërisht kur ai po merr trajtim me antidepresantë, ilaçe që ndikojnë në uljen e interesit seksual. Partneri juaj duhet të konsultohet me një doktor nëse vë re se interferenca e mjekimeve është e madhe krahasuar me jetën seksuale.
Arsyeja 2: Ai ka probleme me qarkullimin e gjakut
Megjithëse problemet me erektimin dhe ejakulimi i parakohshëm janë shumë të përhapura te meshkujt, një burrë që i përjeton këto vështirësi mund të tërhiqet prej partneres së tij nga frika se ajo do të zhgënjehet dhe të mendojë se ai është një burrë i dobët.
Ky problem nuk mund të shmanget. Është e vështirë të diskutohet, por një problem që lihet pa trajtuar mund të rezultojë në një problem edhe më të madh. Më e mira që mund të bëhet në këtë rast është që partnerja t’i shprehë dashurinë mashkullit që ka në krah duke i theksuar se çfarëdo që të ndodhë do ta ketë në krah.
Arsyeja 3: Niveli i testosteroneve të tij është i ulët
“Kur një burrë i kalon të 40-tat, nivelet e testosteroneve tek ai fillojnë të bien”, thotë McKenzie. Nëse kjo ndodh ngadalë atëherë nuk është një problem për sjelljen seksuale të një mashkulli. Por ndonjëherë meshkujt i humbin nivelet e testosteroneve shumë shpejt. Kjo gjendje merr emrin andropauzë dhe vjen me simptoma që përfshijnë humbjen e energjisë, simptoma depresive dhe dëshirë e ulët seksuale. Më e mira që mund të bëni në këtë rast është të konsultoheni me një doktor për të kontrolluar nivelin e testosteroneve tek ai.
Arsyeja 4: Ai është i stresuar për karrierën e tij
Shqetësimi rreth punës mund të jetë një vrasës i vërtetë humori për burrat, veçanërisht nëse ata kanë një sukses të caktuar profesional dhe vetëvlerësim të madh. Nëse kjo është arsyeja përse partneri po ju mban distancë në dhomën e gjumit, atëherë duhet të bisedoni për këtë çështje.
Vetëm falë këmbënguljes suaj do të mund të riktheni tek ai gjendjen e mëparshme dhe do të arrini t’ia largoni mendjen nga shqetësimet e karrierës për të kuptuar se familja është më e rëndësishme dhe se vetëm me mendje të qetë mund të zgjidhen disa nga problemet më shqetësuese.
Arsyeja 5: Ai është i rraskapitur
Ka mundësi që, nëse partneri është ftohur ndaj jetës suaj seksuale, ai dëshiron t’ju thotë se është shumë i rraskapitur fizikisht. Mos e merrni personale. Sipas McKenzie, rreth 98 për qind e burrave të cilët ai ka konsultuar janë shprehur se mungesa e interesit seksual nuk ka të bëjë me atë që ndiejnë për partneren e tyre.
Në vend që të lëndoheni ose të mërziteni, filloni të hidhni bazat për një bisedë të sinqertë për ato gjëra në jetën e tij të cilat po e pengojnë të jetë plotësisht me ju. Nëse problemi vazhdon për më shumë se gjashtë javë, kërkoni ndihmën e një terapisti.
Arsyeja 6: Gjërat po ecin shumë shpejt
Nëse po dilni me një mashkull që nuk keni shumë që e keni njohur dhe ai ju refuzon ftesën për t’u ngjitur lart në apartamentin tuaj, kjo do të thotë se ai nuk është gati të jetë me ju në shtrat.
Ndonjëherë edhe meshkujt e gjejnë të vështirë të kryejnë seks pa pasur një përfshirje emocionale me atë person. Në këtë pikë të refuzimit, duhet të ngadalësoni vrullin dhe t’i jepni personit tjetër kohë që t’ju njohë më mirë derisa të arrini në kontaktin fizik. Merreni refuzimin e ftesës si diçka që mund të presë për më vonë.
Këto ishin gjashtë nga arsyet përse meshkujt mund t’ju refuzojnë në shtrat. Në të gjitha rastet nuk është diçka që lidhet personalisht me ju, por ju duhet të luftoni që t’i jepni mashkullit që keni në krah hapësirën e duhur për t’u treguar i sinqertë.
