Kur po diskutohej lidhur me hapjen e negociatave me Shqipërinë, që Angela Merkel tha jo, sipas Dumës ishte një shuplakë për Ramën, Frrok Çupit nuk i ka pëlqyer aspak, gjë të cilën nuk e ka mbështetur.
“Po do mbajmë ne përgjegjësi. Kjo ishte shuplakë për Ramën. Po i thërras logjikës. Ti thua se Evropa nuk qenka demokratike që institucionet e Evropës nuk qenkan votuar. Ti flet me metafora. Ju nuk e mbroni dot Ramën. Ti flet me metafora. Ju nuk e mbroni dot Ramën. Tentoni për ti hedhë errësirë shqiptarëve”, tha Duma, teksa i drejtohej Çupit.
Më pas diskutimi ka agravuar, derisa ish-deputetja e quajti analistin Çupi një njeri i cili paguhej për të fyer një grua.
Pjesë nga debati:
Duma: Se si është e vërteta e Bashkimit Europian dhe e dështimit të Shqipërisë dhe të Ramës, unë jam e bindur që s’ka shqiptar që nuk e di tani. Mendohem pak ta marr fjalën Eni, se ndërkohë që ne këtu krijojmë një debat dhe unë vijoj një debat, ku termat janë të gjitha që i thërrasin logjikës, normalitetit, qofshin këto terma të fortë.
Në veshët e mi unë nuk e dëgjoj dot dhe nuk e kam arritur ta dëgjoj se çfarë ka thënë ky individi përballë.
Unë lexoj reagimin e njerëzve, ndaj asaj që dëgjoj në këto situata.
Çupi: Për kë thua ti moj, me mua e kishe? O Grida, o goce. Për mua po thua? Po ti je një fjalë e vogël moj.
Duma: Unë do të kthehem ndryshe.
Çupe: Je vajzë shumë simpatike dhe duhet të flasësh gjëra shumë sipmatike për Europën.
Duma: Ti je njeri me thinja dhe nuk meriton thinjat.
Çupi: Lere ti se ça meritoj unë se s’do t’i marr prej teje.
Duma: Ti je një llum që s’duhet ta dëgjojnë gratë, s’duhet ta dëgjojnë njerëzit normalë.
Çupi: Ç’ke për të thënë Grida jepe në sallën e parlamentit.
Duma: E di çfarë ka këtu dhjetra vite që nuk bëhemi europianë ne? Me këtë gjendje njerëzore (i drejtohet me dorë Çupit), sepse marrëdhënia më e rëndësishme e një kombi është marrëdhënia e tij me gruan.
Çupi: Po s’të kam grua unë ty moj, a je në vete ti. Burrin në shtëpi e fyen ti? Ke ti burrë për ta fyer? Por kur e fyeva? Rama po i ngre shumë gratë.
Duma: Që kur gratë marrin pjesë në politikë, pavarësisht se duhet të dëgjojnë këto mesazhe që kam unë këtu, të tipit, të gjithë familjarëve që unë e di se ça lexoj këtu dhe unë e di se ça lexon një grua në këto kushte… Kur edhe ndalon një skandal që ta kapin si ta kapin, kur ofendojnë në atë nivel, pastaj…
Ti je fundi i kavallit për t’u dëgjuar, por unë s’do flas për ty se ti je i mbaruar. Je i mbaruar në hisotrik, je i mbaruar në funksione. Nuk barazohesh dot me askënd ti. E di pse të kursej ty dhe llumin si puna jote?
Çupi: Çoje në shtëpi llumin.
Duma: Sa herë ndjeheni keq ju fyeni personalisht. Sa herë që jeni keq ju pështyni si vampirë të ndyrë, Sa herë që nuk, përballoni diçka ju vini në këto situata mizerabël, me një gojë të prishur, në një kohë që keni thinja në kokë dhe duhet të flisni me respekt, siç unë flas me respekt. Lere pastaj që duhet të flisni me respekt për një zonjë.
Nëse ti përfiton nga fakti që unë nuk të kthehem personalisht se di si është të jesh grua në këtë vend dhe të bësh politikë me një sërë të tillë. Por edhe të jesh burrë është favor, por ti nuk je. Je këllirë. Çështja është që ju po e mbysni këtë vend dhe ti mendon se duke më fyer mua, t’i ke ulur ritmin e të gjithë atyre që duhet të marrin pjesë në jetën publike, sepse ka këllira të tilla në këtë vend.
Çupi: Ça thua më?
Duma: Ke në historik pisllëqe pafund, që i ke të shkruara kudo.
Çupi: Mi thuaj!
Duma: Ti je njeri i paguar për të folur. Paguhesh për të bërë këtë mënxyrë për të fyer një grua. O kategori llumi. Ti e ke lavdërim këtë. E di sa shumë njoh njerëz si ti. Lëre ça nuk duron ti. Ti nuk meriton asgjë.
Vasili: Jo kujdes mos kaloni në ofendime.
Gjekmarkaj: Ti je një hiç…
Vasili: Gjekmarkaj jo, mos kaloni në ofendime.
Gjekmarkaj: Unë ofendoj atë që ofendon një grua.
Vasili: Kujdes, ju lutem mos provokoni.
Çupi: Po jo se dhe burri nuk fyhet, çfarë thotë kjo.
Gjekmarkaj: S’më ka ndodhur kurrë gjithë këto vite në emisione që një burrë të reagojë kështu ndaj një gruaje. Turp t’ju vijë.
Çupi: Ore dëgjon mirë ti, çfarë thashë unë, asgjë nuk thashë ajo e dëgjove si foli?!
Gjekmarkaj: Ore kjo të kishte një vlla të kapte të lidhte aty…po do ta bëj unë pastaj këtë…
Çupi: Çfarë do bësh ti çfarë do bësh?
Gjekmarkaj: Ti meriton të pështyhesh në fytyrë aty jashtë…
Moderatorja Eni Vasili, ka ndaluar emisionin për shkak të agravimit të situatës.
