I dërguari i SHBA-së për Ballkanin, Matthew Palmer dhe Përfaqësuesi Special i Bashkimit Evropian për dialogun Kosovë-Serbi, Miroslav Lajçak janë pritur sot në presidencë nga Vjosa Osmani.
Në takimin e përbashkët, dy diplomatët e huaj pritet të bisedojnë me presidenten Vjosa Osmani çështjen e shumëpërfolur, atë të dialogut me Serbinë.
Pas takimit me Vjosa Osmanin, diplomati i SHBA-së dhe BE-së do të takohen edhe me kryeminstrin e Kosovës, Albin Kurti.
Të dy zyrtarët e huaj do të qëndrojnë në Kosovë për një vizitë tre ditore.
Arsyeja e vizitës së Mattew Palmer dhe Miroslav Lajçak, lidhet me përgatitjen për rifillimin e dialogut Kosovë-Serbi, konkretisht përgatitja e takimit mes Kurtit dhe presidentit të Serbisë, Aleksandar Vuçiç brenda qershorit.
