Duket se Big Brother po shkon drejt një paracaktimi të fituesit, gjë që duket në përqindjen e lartë të mbështetjes që ka Luiz Ejlli. Ky banor shihet si fitues i këtij edicioni, pasi ka fituar vetëm gjatë qëndrimit në Big Brother më shumë se 500 mijë ndjekës në Instagram, ndërkohë ka thyer rekorde në “Tik Tok” duke arritur 2.8 bilion shikime. Kënga e tij publikuar në 14 shkurt i ka kapërcyer 5 milionë klikime deri më tani
Rrjeti është gjithë kohës në mbështetje të tij, ndërkohë bizneset po e përdorin emrin e tij për marketing. Tashmë kemi dhe kafene të cilat mbajnë banderolat me shënimin #meLuizin. Ndërkohë si konsumues i “Golden Eagle”, është shpallur paraprakisht dhe ambasador i saj në Shqipëri.
E pas gjithë kësaj fame, e biliona klikimesh, me ngul po kërkohet që Luizi të ketë brena shtëpisë dikë që e sfidon.
Po çfarë ka menduar produksioni dhe cilët janë emrat më të përfolur që mund të hynë së shpejti sipas rrjeteve sociale apo burimeve të ndryshme.
Po shqyrtojmë 4 personazhe që duket se dhe rrjeti i do brenda shtëpisë.
1.Elvis Pupa, aktor i portokallisë me një fame të madhe që prej fillimit të këtij programi. Ai jeton në Amerikë, por postimet e tij të fundit kanë lënë domethënie se ai do jetë pjesë e big brother. Por sa do jetë në gjendje Elvis Pupa të thyejë mitin e Luizit, dimë që ai pikën më të fortë ka humorin popullor dhe të dashur për shqiptarët.
2.Albano Bogdo, aktor i Klanifornias. I njohur për batuta pikante, por dhe për tipin e tij shpesh kompleks me ndërthurje ironie dhe arrogance në formën e tij të humorit.
3.Juli i Përputhen, një personazh i njohur për veçantinë e asaj që bën, por dhe një person që artikulon mirë dhe me argumente. Ai ka shëtitur dhe lexuar shumë. Këto janë pikat e tij të forta që nëse do hynte në big brother do ti kishte armët e betejës.
4.Shqipe Hysenaj nga përputhen. Kjo e fundit është një kundërshtare e fortë e tij jashtë shtëpisë, pasi disa herë e ftuar në emisione ka shprehur mosvlerësim për Luizin. Pika e fortë e saj, të qënurit e drejpërdrejtë, gjë që ka qënë evidente në çdo dalje të saj në TV, ku i ka shprehur gjërat ashtu siç i mendon.
Në analizën e personazheve ajo që vihet re është që Elvis Pupa me humorin, Albano Bogdo me ironinë, Juli me oratorinë dhe Shqipja me të qënurit e drejtpërdrejtë janë tek një personazh i vetëm që është Luiz Ejlli, ndaj para se të dorëzohet produksioni, janë dorëzuar dhe personazhet që kanë menduar hyrjen në Big Brother.
Ajo që ka dalë jashtë parashikimit të produksionit është pikërisht mosgjetja e një personazhi që të sfidoj qoftë dhe për pak ditë fituesin e këtij edicioni. /Alfapress.al
