Aplikacioni FaceApp ka përfshirë edhe ish-Ministrin e Brendshëm, Saimir Tahirin.
Duket se Tahiri ka pasur kuriozitet për të parë sesi do duket kur të jetë i moshuar.
Ai publikoi fotografinë në Facebook me një mesazh edhe në lidhje me procesin e tij gjyqësor që u shty për të tretën herë.
Ish ministri u shpreh se do jetë plakur derisa gjyqi ndaj tij të përfundojë.
“Duke pritur gjyqin… Një gjyq qe duhet te ishte shembull korrektese e profesionalizmi, u shty edhe sot. Hera 1re u shty se posta padashje kishte grisur letrat. Hera e 2te se polici nuk kishte bere njoftimet. Hera e 3te (sot) se Prokuroria kishte humbur ca letra e nuk i gjente dot. Letrat me te cilat kërkoi arrestimin tim ne parlament, sot i kishin humbur.
QESHARAAAAAKE!!!!! Shty e shty e shty…por dita ime nuk largohet dot,”-shkroi Tahiri.
Gjykata për Krime të Rënda hapi sot shqyrtimin gjyqësor për ish-ministrin Saimir Tahiri dhe Jaeld Çelën, ndërsa u detyrua të shtyjë seancën pasi në dosje mungonte përkthimi i dëshmive të të pandehurve Moisi Habilaj dhe Nezar Seiti.
Ish-ministri kërkoi që seanca e sotme të mos shtyhej ndërsa tha se hiqte dorë nga këto dëshmi që ishin në favor të tij dhe gjykimi të vazhdonte.
