Naftëtarët e Ballshit nuk kanë hequr dorë nga qëndresa e tyre edhe pas shoqërimit të disa prej tyre në komisariatin e policisë gjatë mbrëmjes së djeshme. Sot, forca të shumta policore kanë rrethuar rafinerinë e Ballshit e cila mendohet se do të çmontohet dhe do të shitet për skrap pasi nuk është arritur vënia e saj në punë. Një prej naftëtarëve ka shprehur indinjatën e tyre për shoqërimet e bëra për të cilët tha se ishin anëtarë të PD dhe ishin arrestime politike.
Ai ka kritikuar kryeministrin Edi Rama për gjendjen aktuale kur ndohen gjithashtu dhe kreun e opozitës Lulzim Basha për heshtjen e tij deri më tani për naftëtarët. Më tej ai deklaroi se do të largohej nga Shqipëria ashtu siç po bëjnë edhe mijëra të tjerë.
Naftëtari: Leje unë nuk marr për protestë. Në një shoqëri demokratike, ta dëgjoni nuk merret leje për protest. Protesta është dhunë, jo fushë me lule. E kam marrë me vendim të gjykatës Kushetuese që unë mund të protestoj i lirë. Pse duhet të marr leje?
Unë Artur Bregasi, qytetar i Mallakastrës nuk jam shoqëruar në komisariat mbrëmjen e djeshme pasi nuk kam qenë këtu, sepse ndodhesha në Tiranë për te shkolla e vajzës. Policia ka shkuar tek shtëpia dhe ka pyetur për mua. Familja i ka thënë se nuk isha në shtëpi. Më pas unë kam ardhur dhe e kam marrë në telefon inspektorin dhe më that ë paraqitem në komisariat. I thashë për cilën arsye e më tha të shkoja vetë se ndryshe do më merrnin në dhunë.
Kjo është prezenca e shtetit që bën arrogancë ndaj naftëtarëve të cilët nëpër botë bëjnë vetëm 10 vite punë dhe dalin në pension me monedha të arta. Kurse të punosh 20 apo 30 vite në Shqipëri edhe të jetë pa bukë, unë nuk e di përse kënaqet kryeministri kur i shikon këta qytetarë kështu. Kazma i është vënë këtij vendi, rinia po ikën. Edhe unë do iki: Mirupafshim atdheu im, Shqipëria ime e lirë, do shkoj në Europë do iki! Po më vjen keq sepse krijova familjen në këtë vend, fëmijët e mi të rriteshin këtu e të kontribuoja për këtë vend. Dhe më e forta është se në komisariat janë shoqëruar 11 naftëtarë për të cilët dinë se votojnë djathtas. Ta marrë vesh edhe Lulzim Basha që më rri mua atje në Tiranë e bën spektakël.
Boll më me ndarje i majtë dhe i djathtë, janë shqiptarë dhe ushqehen këtu. Ku e di unë se nesër pasnesër fëmija im nuk shkon krah për krah me Edi Ramën. Përse na i bën ne këto prapaskena, janë thirrur 11 djem anëtarë të partisë Demokratike.
