Rezultatet e PD në Njësinë nr.5 në Tiranë, në zgjedhjet e 13 qershorit për kryetarin e ri të Partisë, kanë bërë që anëtarët të kapen me njëri-tjetrin në rrjetet sociale. Një anëtare e PD në këtë njësi thotë se ata kanë pasur analizë para zgjedhjeve, ndryshe nga çfarë deklaronte kandidati Agron Shehaj.
“Për të gjithë ju fjalëshumtit që na bëni analiza. Për informacione më të detajuara zmadhoni foto se skam ndërmend t’jua dërgoj meqënëse i keni bërë vete edhe ja dërgoni Agronit që deri dje thoshte “Aman po këtë pse e thërritët!”. P.S: Po si kuptuat pyesni Agronin se ka qenë nxënës ekselence”, shkruan anëtarja e Njësisë 5, e identifikuar si Kristiana Shena dhe ndan fotot e mëposhtme.
Ndërkohë, në këtë shënim komenton dhe një anëtare tjetër e PD në Njësinë 5, mbështetëse e Agron Shehajt, Enkeleda Çela. Kjo e fundit ka denoncuar në media se është dhnuuar nga Ndriçim Bababsi, kryetar i PD në Njësinë nr.5.
Ajo thotë se deri ditën ditën e zgjedhjeve, në 13 qershor, nuk ka pasur asnjë analizë për rezultatin e 25 prillit. Por teksa Çela komenton në shënimin e anëtares tjetër Shena, ajo përballet me një koment fyes nga kjo e fundit.
