Kryefjala e kësaj të hëne është nisja e vitit të ri akademik, ku nuk kanë munguar përplasjes dhe debatet për shkak të vaksinimit të detyrueshëm.
Fax News ka siguruar audion e debatit mes një studenti dhe pedagogeje në Fakultetin e Mjekësisë, e cila i thotë studentit se është e detyruar që ta nxjerrë nga klasa, pasi në të kundërt do të përballet me pushimin e saj nga puna.
Studenti këmbëngul që ka të drejtë të marrë arsim, pavarësisht nëse e ka bërë apo jo vaksinën, informacionin për të cilën nuk pranon që ta japë.
Debati mes tyre:
Pedagogia: Ti e ke vaksinën, çfarë ke?
Studenti: Unë kam të drejtë të mos e jap informacionin nëse jam i vaksinuar
Pedagogia: Por unë të nxjerr nga mësimi me urdhërin që kam, nuk kam çfarë të bëj
Studenti: Nuk më nxjerr dot me forcë, unë kam të drejtë që të arsimohem
Pedagogia: O djalë mua më ka ardhur urdhër, më pushojnë nga puna mua
Studenti: Unë mund të jem vaksinuar, thjesht nuk të jap informacionin
Pedagogia: Unë këtë urdhër kam, nuk merrem më shumë, ka një polic aty që merret me këtë
Studenti: Kjo është pasaporta ime
/FaxNews
