Në ditën botërore te shtypit ish deputetja e PD Albana Vokshi ka shperndarë një mesazh në faqen e saj në facebook.
“3 Maj- Liria e Shtypit në Shqipëri në kthetrat e diktatorit!”, shkruan ajo duke lëshuar akuza të ashpra ndaj kreut të qeverisë Edi Rama.
“Si në vendet autoritare, Kryeministri Rama, kërcënon dhe nxit dhunë ndaj gazetarëve, duke i fyer, përndjekur dhe kërcënuar me padi gjyqësore”, shkruan ne shenimin e saj, Albana Vokshi.
Ja postimi i saj i plotë:
3 Maj- Liria e Shtypit në Shqipëri në kthetrat e diktatorit!
Asnjë mesazh sot nga diktatori i lirisë së shtypit.
Nën qeverisjen e tij:
– dhjetëra gazetarë të larguar nga Shqipëria,
– dhjetëra të tjerë të sulmuar, kërcënuar me jetë e të përndjekur.
– të tjerë gazetarë të paditur e kërcënuar edhe me burg nga Kryeministri vetëm pse denoncuan lidhjet e Kryeministrit Rama dhe qeverisë së tij me krimin e organizuar.
Referuar Indeksit të Lirisë së Shtypit të Reporterëve pa Kufij, mbi 80 përqind e gazetarëve në Shqipëri nuk kanë siguri për të ardhmen e tyre.
Shqipëria humbi 7 vende dhe në raport klasifikohet problematikenpër lirinë e shtypit dhe sigurinë e gazetarëve.
Si në vendet autoritare, Kryeministri Rama, kërcënon dhe nxit dhunë ndaj gazetarëve, duke i fyer, përndjekur dhe kërcënuar me padi gjyqësore.
Sot, diktatori i medias hesht për lirinë e shtypit, sepse i ka ditët e numëruara.
Liria e shtypit, është zemra e Demokracisë.
Gazetarët në Shqipëri të mos dekurajohen, fati i diktatorëve është i njohur…!
#WorldPressFreedomDay
