Bashkëkryetari i Komisionit të Posaçëm për Reformën Zgjedhore, Damian Gjiknuri, zhvilloi sot një takim me ambasadorin e BE-së, Luigi Soreca.
Në një postim në facebook, Gjiknuri thotë se e informoi diplomatin europian për ecurinë e procesit të reformës zgjedhore.
Gjiknuri nënvizon se Bashkimi Evropian mbështet dhe inkurajon vazhdimin e dialogut mes aktorëve politik të përfshirë në këtë proces.
Sipas tij, përmbyllja me sukses e reformës dhe adresimi i rekomandimeve të OSBE/ODIHR do të ishte një mesazh shumë i mirë për të gjitha vendet anëtare të BE, në prag të vendimmarrjes për çështjen e hapjes së negociatave me Shqipërinë.
Palët politike janë dakordësuar që reforma zgjedhore duhet të përmbyllet jo më vonë se data 15 mars e këtij viti.
Zjarr Tv Ad
