Policia greke ndërmori një operacion masiv mëngjesin e të hënës në Exarchia, ku nga bastisja e katër ndërtesave u gjetën 143 refugjatë dhe emigrantë. Ata u transportuan me automjete policie në Drejtorinë e të Huajve.
Nga fotot e transportimit të emigrantëve ra në sy një vajzë e vogël teksa pret me durim në radhë duke mbajtur kukullën e saj me fustan rozë.
Ajo i shikon refugjatët dhe imigrantët e rritur që lëvizin valixhet e tyre në një drejtim tjetër të panjohur. Nuk ka dhunë të dukshme në këtë foto. Dhuna është e mbuluar prapa historive personale të çdo refugjati apo emigranti që erdhën në Greqi në një moment. Dhuna ekziston në vendet e origjinës së këtyre njerëzve, Siria, Afganistani, Afrika e Veriut, ku luftërat dhe barbaritë po tërbojnë.
Dhuna qëndron në “përkthimin” e kësaj fotografie pa humbur fjalët, por duke mbetur në emocione. Është kjo dhunë që vajza e vogël me kukull nuk do ta harrojë kurrë dhe që do ta ndjekë atë për pjesën tjetër të jetës së saj.
