Mark Marku nuk do të jetë pjesë e Kuvendit të ri. Ai ka dhënë dorëheqjen nga mandati i deputetit, të cilin ia besuan qytetarët e qarkut të Lezhës, në Zgjedhjet e 25 Prillit.
Kujtojmë se Marku është një nga kritikët e kreut të PD, Lulzim Basha, lidhur me strategjitë e përdorura.
Mesa duket këto kritika nuk kanë marrë zgjidhje në PD dhe kështu Marku ka zgjedhur të lërë mandatin e tij të deputetit.
“Etapat e njëpasnjëshme të rënies së vazhdueshme te PD-së në një rutinë humbëse dhe se Basha është thjesht “kryetar i partisë së Berishës”, PD po shndërrohet në një parti që mbron interesat personale të dy liderëve të vet, Berishës dhe Bashës dhe të një grupi të ngushtë drejtuesish të PD-së, duke tradhtuar interesat e atyre që e kanë mbështetur me aq mund, përkushtim e sakrifica” mësohet të ketë deklaruar Marku në fjalën e tij të dorëheqjes.
