Gjykata e Tiranës ka dhënë sot masën arrest me burg për policin e Komisariatit Nr.4, Roxhers Milkuriti, i cili më 22 korrik përplasi për vdekje 26-vjeçarin Fatos Hila.
Ndërsa për vëllanë e tij, i cili ishte pasagjer në momentin e aksidentit është përcaktuar masa detyrim paraqitjeje.
Milkurti me datë 22 korrik rreth orës 00:15 pas mesnate, përplasi për vdekje 26-vjeçarin Fatos Hila, i cili po lëvizte me motoçikletën e tij tip ‘Suzuki’ në bulevardin ‘Blu’ në Kamëz.
Efektivi Roxhers Milkurti i cili lëvizte me mjetin tip “Benz”ka qenë së bashku me vëllanë e tij, Marius Milkurti në momentin e aksidentit.
Menjëherë dy vëllezërit Milkuriti u arrestuan për shkelje të rrëgullave të qarkullimit rrugor dhe pengim për zbulimin e së vërtetës.
Dyshohet se pas aksidentit, ata kanë tentuar të mbajnë të fshehur ngjarjen.
