Kryeministri Edi Rama ka bërë një përmbledhje të shëndetit të të prekurve me koronavirus.
Në në një status në Facebook ka bërë të ditur se në spitalin infektiv janë të shtruar 20 persona të infektuar me koronavirus nga të cilët 3 janë në reanimacion, ku njëri prej tyre është me frymëmarrje të drejtuar.
Të infektuarit janë të moshës nga 30 vjec deri 85 vjec.
Edi Rama: Sot, në vigjilje të javës që sipas të gjitha statistikave ngre furtunën kemi të shtruar 20 motra e vëllezër, nga të cilët
10 janë të moshës 60-85 vjeç
6 janë të moshës 50-60 vjeç
4 janë të moshës 30-49 vjeç
Vetëm 3 prej të shtruarve janë në reanimacion dhe 1 prej tyre me frymëmarrje të drejtuar. të tjerët janë në gjendje të qëndrueshme dhe 3 nga këta shfaqin shenja inkurajuese përmirësimi
Zoti u dhëntë mjekëve e infermierëve që kujdesen për ta të gjithë forcën e frymëzimin që u duhet dhe lutjet tona lehtësofshin rrugën e kthimit në jetën normale të çdonjërit prej të shtruarve
Deri tani në Shqipëri numërohen 42 raste pozitive.
