Ambasadori i Bashkimit Europian në Tiranë, Luigi Soreca është takuar ditën e sotme me Prokurorin e Përgjithshëm, Olsian Çela, me të cilin ka diskutuar sfidat e Reformës në Drejtësi.
Diplomati i BE ka kërkuar në këtë takim që Prokuroria të fokusohet te hetimet financiare dhe pastrimin e parave.
Sipas Sorecës, pavarësia dhe profesionalizmi i prokurorëve janë thelbësore për të luftuar krimin në të gjitha nivelet.
“I kënaqur të takoj Prokurorin e Përgjithshëm, Olsian Çela për të diskutuar vazhdimësinë e punës dhe sfidat e fazës së re të Reformës në Drejtësi. Pavarësia dhe profesionalizmi i prokurorëve janë thelbësore për të luftuar krimin në të gjitha nivelet. E rëndësishme përqendrimi në hetimet financiare mbi pastrimin e parave dhe të rritja e vëmendjes ndaj evazionit fiskal. Rezultatet e para për konfiskimin përfundimtar të pasurive të paligjshme duhet të konsolidohen. Përgëzova Pprokurorin e Përgjithshëm për punën e bërë dhe konfirmova mbështetjen e BE në nivelin teknik dhe financiar, për zyrën e tij”, shkruan Luigi Soreca.
