Intensifikimi i marrëdhënieve me rajonin, mbështetja ekonomike e plotë e Agjencisë Franceze për Zhvillim, bashkëpunimi në luftën kundër krimit të organizuar dhe terrorizmit, ngritja e ekipeve të përbashkëta të hetimit – kështu e sheh Franca të ardhmen e angazhimit të saj në rajon.
Në artikullin e publikuar në “European Western Balkans” me titull: “Strategjia e Macron për Ballkanin Perëndimor: Një veprim i mirëpritur, por jo një nxitje për zgjerimin”, thuhet se një ditë pas Samitit të Ballkanit Perëndimor në Berlin më 29 prill, Presidenti francez Emmanuel Macron mori përsëri një nismë dhe lëshoi Strategjinë Franceze për Ballkanin Perëndimor.
“Franca dëshiron të riangazhohet me rajonin, nga e cila është mbështetur disi që nga viti 2000”, tha Macron gjatë konferencës së përbashkët për shtyp me kancelaren gjermane Angela Merkel në Berlin.
Katër fusha të bashkëpunimit dypalësh janë vendosur si prioritet për politikën e jashtme franceze në rajon: zhvillimi ekonomik, drejtësia, mbrojtja dhe siguria.
Në të vërtetë, pranimi i anëtarëve të rinj në Bashkim Evropian është një perspektivë shumë e papëlqyeshme në këtë vend. Një nga shembujt më të fundit ishte debati midis kandidatëve të deputetëve francezë, gjatë së cilës vetëm dy nga dymbëdhjetë përkrahën pranimin e Serbisë, thuhet në shkrim.
Strategjia, si pasojë është shumë më tepër rezultat i politikës së brendshme të BE-së sesa mbështetja e Francës për këtë politikë konkrete, shpjegon Analisti i Lartë i Politikave në Institutin e Politikave të Shoqërisë së Hapur, Srđan Cvijić .
Ai kujton se shkëputja e Mbretërisë së Bashkuar nga politikat evropiane drejt rajonit, si dhe ndryshimet politike në Itali e ka lënë Gjermaninë të drejtojë zgjerimin më vete.
Kjo është arsyeja pse Franca vendosi të ri-angazhohet dhe kjo duhet të mirëpritet, thotë Cvijić.
Sipas tij, nuk është krejtësisht e vërtetë që Strategjia nuk fokusohet në zgjerimin – thjesht e bën atë në mënyrë indirekte.
