Aktualitet

Të lënë në harresë/ 620 familje dalin në protestë në Elbasan/ Do bojkotojmë zgjedhjet: Mirë ujë të pijshëm nuk kemi, por na azhornoni tokat

12/10/2020

Rreth 620 familje në fshatin Mlizë, njësia administrative Shushicë në Elbasan, kanë bindjen se në 30-të vite demokraci, janë lënë në harresë nga të majtë dhe të djathtë.

Ndonëse ndodhen vetëm 5 km nga qyteti i Elbasanit, në fshat mungon uji i pijshëm, si dhe rruga , por ajo që i shqetëson më së shumti, është moskryerja e azhornimit të tokave.

Sipas banorëve, ky problem nuk ka gjetur zgjidhje, duke i lënë pezull aktin e pronësisë, pa të cilin nuk mund te kryejnë shit-blerje të tokës. Banorët thonë se; ky fakt i pengon për të shfrytëzuar tokat e tyre bujqësore.

Ata thonë se; ndjehen të përbuzur dhe të lënë në harresë nga shteti, ndaj shprehen se; protesta e tyre, nuk ka ngjyrime politike. Në rast shqetësimet e tyre, nuk merren ne konsideratë, banoret kërcënojnë se do t’i bojkotojnë zgjedhjet e 25 prillit.

Moskryerja e azhornimit të tokave, është një proces problematik prezent, në pjesën më të madhe të fshatrave në vend. Ndonëse disa herë është premtuar nga instancat përkatëse, se do të merrte zgjidhje, por ende pronarët pa dokumenta, sorollaten zyrave pa asnjë përgjigje.

Zjarr Tv Ad